ARMY HOME

MAJOR HRANGNGURA CHANCHIN TLANGPUI

2011-03-07T01:21:00.000-08:00

(Tlai khawhnu deuh tawh mahse a Major Hrangngura chanchin tlangpui hi ka rawn post leh hnuhnawh e).

major hrangngura chanchin tlangpui

Major Hrangngura pa hi Pema a ni a. A nu chu Dartluangi a ni. Kum 1946, January 15-ah Hnahchang (Lunglei District)-ah a piang a. Unau pianpui pali a nei a, chungte chu:-

1. Rothanga (L) w/o Rengchhing, Pangzawl

2. Lianchuailovi w/o Upa K. Lalhnema

3. Major Hrangngura h/o Major Biaksailovi

4. Laichhingpuii (L) w/o Lalzika, Hnahthial

5. Liankunga (L) Hnahchang

A pain a boralsan hma avangin a nu hovin an awm a. Harsa tak chungin lehkha a zir chho ve a. Amah hi lehkha thiam thei tak a ni a, chuvangin an makpa Pu K. Lalhneman zir zel turin a duh . Chutichuan Thingsaiah leh Lungleiah High School chu a kaltir ta zel a. Amaherawhchu Mizoram a lo buai tak avangin a zirna chu a chhunzam thei ta lo a ni. Tichuan kum 1968 khan Hnahchang atangin Hnahthialah an pem lut a.

Kum 14 a nihin Pathianah piantharna changin tleirawl sual pawh nei lovin Pathian rawng a bawl a. Kum 1976 atanga 1979 thlengin Hnahthialah Corps thar hawngin Envoy-ah a tang a. Hnahthial Corps hi tun thlengin chhim lama Corps tha pawl tak a la ni ta reng a ni.

30, October 1970 khan Biaksailovi nen an innei a. Pathian malsawmna dawnga fa an neihte chu -

1. Lalnunmawii w/o Johny Vanlalhruaia (L)

2. Lalchhunawma

3. Capt. Vanlalfaki w/o Capt. T. Zothanmawia

4. Lalchawimawii

5. Lalrinchhani (L)

6. Lalruatfela h/o Rosangkimi

Tichuan Chhandamna Sipai Pawla Officer ni turin kohna a hria a. Kum 1979-ah Officers’ Training College-ah an lut a. An Session hming chun God’s Soldiers a ni. Officer a training dawn hian an fate chu a nu, upa tawh tak leh chhungkhat dangten an lo enkawlsak a ni. Ni 11.1.1981 khan Salvation Army Officer ni turin nemngheh an ni ta a. Tichuan Officer Training an zawh hnuah an inlam khawm leh ta a ni.

Officer nia a rawngbawl tawhnate chu-

1. Zobawk Corps - 11.01.1981

2. Centenary Press - 13.01.1983

3. Saiha Corps - 15.01.1986

4. Divisional Youth Officer - 15.01.1987

5. Accountant, Regional Hqs - 15.01.1988

6. Divisional Secretary, Central Div. - 20.05.1990

7. Extension Officer, Shillong - 15.02.1992

8. Senior Training Officer - 08.01.1996

9. Divisional Commander, Manipur Div. - 01.10.1996

10. Divisional Commander, Eastern Div. - 01.05.2000

11. Divisional Commander, southern Div. - 01.04.2001

12. Editor & Centenary Press - 01.05.2002

13. HRD Secretary, THQ - 01.04.2005

14. Divisional Commander, Midland Div. - 15.05.2006

15. Outreach, Sunday School,

Prayer Coordinator, THQ - 01.05.2009

a nat dan tlangpui

Hun engnge maw chen atang khan zunthlum leh thisen sang natna lo nei tawh a ni a, damdawia inenkawl reng a ni a. Tunhnai te hian tlema insawisel deuhna chu nei mah se, a nitin office hna pawh thulh lovin rim tak leh ngawrh takin a thawk reng tho va. A boral ni pawh hian meeting pawimawh takah a tel a. Chawhnu lamah erawh chuan a nawmsam loh zualin a haw ta a. Chhungte nen zanriah chaw pawh kilin, chaw ei kham velah chuan a thin na a ti a. A zunthlum hian a lung a khawih tel tawh avangin chu chu a lo zual niin a lang a. Tuiluma depin theih ang anga bawihsawm a ni a. Civil Hospitl-ah tlanphei pui vat niin Doctor-ten theihtawp an chhuah chung pawhin an chhan hman ta lo a ni. Tichuan dar 6:30 PM khan Ropuina ramah a kaisang ta a ni.

lawmthu sawina

Kan pa Major Hrangnguran van kohna min chhansan thuah a nat zual tirhah THQ Officer, a thawhpuiten an buaipui vat a, motor-in rang taka damdawi ina min phurhpheisak leh a tulna ang anga min buaipui avangin kan lawm em em a ni.

A thi tih hriat ve leha kan in lama lo pungkhawm a, a tul ang anga kan in min senghawisaktute chungah kan lawm a.

Kan rawngbawlpui, hmun hrang hranga mite in lo kal avangin kan thla a muang a, kan lawm a ni.

YMA leh khawtlangin min buaipui a, min tawrhpui a, kan chunga in thil tih zawng zawng avangte khan kan lawm tak zet a ni.

A tawp berah chuan kan lungngaihna te, kan mangannate min tawmpuia min tawrhpuitu zawng zawngte chungah kan lawm em em a ni. Lalpan in zaviin malsawm theuh che u rawh se.

thlalak dan tur

(YMA-in kaihhruaina an siam a, hmeh 10 aia tam ni lo se an tih chu zawm dik a ni)

1. A nupui nen

2. A nupui leh a tu leh a fate

3. A chhung leh khat zawng zawng

4. A thawhpui THQ staff leh employee zawng zawng

5. Officer zawng zawng

6. Territorial Songster

7. Territorial Staff Band

8. Local Officer zawng zawng

9. Sunday School Board leh Outreach Board member zawng zawng

10. Khualkhua atanga lo kal zawng zawng

fela

HOME LEAGUE CONGRESS 2011

2011-03-03T21:54:00.000-08:00

Home League Congress 2011 Temple Corps 25-27 February thlalak thenkhatte

Congress hawnna

Buhfaitham tham thate

Khuangpu rinawm takte

Ebenezer Corps Home League

Mual inkhawm @ Millennium Centre

fela

CATHERINE BOOTH HOME FOR THE AGED

2010-12-08T21:10:00.000-08:00

India Eastern Territory-a a hmasa ber ni turin ni 24.11.2010 khan New Serchhip-ah Catherine Booth Home for the Aged chu hawn a ni ta. Hawnna inkhawm hi Major Lalhmingliana DC, Central South-in a kaihruai a, Colonel Samuel Charan, Territorial COmmander-in hawngin Pathian hnenah a hlan.

Chaltlang Corps SAY chuan an kalna intumin 'Chhak leh thlang atangin an lo kalkhawm ang a...' tih hla, he hmun hawn thar nena inrem tak zaipawlin an rem.

Khawtlang hruaitu te, Department lam hotute sawm an nih angin an lo kal a, Chief Medical Officer Dr. Malsawma chuan, kan thawkho zel ang a, a tul dan ang zelin kan intanpui tawn dawn nia tiin a inhuamna thu a sawi.

He Old Age Home hi mi 10 awm theihna tura ruahman a ni.

Thlalak atang hian a dang chu a chiang tawh mai awm e

fela

THEJA

2010-12-07T23:55:00.000-08:00

A hming chu Theja Ruathlua a ni a, Major Lianhlira hming duh zawng tak a ni ang, a chhan chu 'Lal', 'Van' tih vel a tel loh avangin. Captain HF Malsawmdawngliana fa hmasa ber a ni.

Theja tih hi 'Malsawmna dawng' (Blessed) tihna a ni awm e. Nau duhawm tak a ni.

fela

field session 2010

2010-10-19T22:21:00.000-07:00

The Salvation Army, India Eastern Territory Field Session chu ni 14-16 October 2010 khan tluang tak leh hlim taka hman zawh a ni ta. Booth Conference Hall-ah he Field Session hi hman tura ruahman a ni a. 2007 kum pawhin Colonel D Jayapaul TC hovin he hall-ah hian kan lo hmang tawh a, kan leng a.

Ni 14 zana welcome meeting kan han nei chu kan tawt ta hle mai a. Retired Officer-hovin a tuk atangin min la belh dawn leh nghal a. Inkhawm ban rual rual chuan Temple-a insawn kan rel ta a. Temple Corps CO biak a ni a, rem a lo ti a, a tuk atangin kan insawn ta a ni. Co erawh a khawngaihthlak deuh, zing tawngtai inkhawm banah upa pakhat chuan engatinge ka thu lova biak in i hmantir tiin a kamkhat a ni awm e.

Tuntum field session chu business lam ni lovin spiritual lama hman a ni. Zai a nuam a, kan tui a, lam an awm reng bawk. Contemporary song kan sa hnem deuh ber. Kan programme atang hian hun kan hmandan chu a hriattheih ang.

Colonel Sawichhunga TC hun laiin field session-ah evan. Vanlalnghaka sawm a ni tawh a, chu chu territory-a a vawikhatna a ni a. Tunah hian Salvationist layman pahnih sawm an ni leh a, hei pawh hi territory-a a vawikhatna a ni bawk. Pu PL Thanga hian puithiamte awmdan tur bakah international salvationism lam a sawi a, Nl Nuhliri hian kan mite min beisei dan a sawi ber a, chung zingah chuan 'mitthi vuinaah te, inneihnaahte hian kan thusawi ngaithla tura lo kal an ni lo va, mitthi avang leh inneite avanga lo kal an ni a, thuchah tawikim tha tak sawi thin rawh u' a ti.

India Eastern Territory-a a vawikhatna atan Colonel Samuel Charan, Territorial Commander chuan Auxiliary Captain 15 hnenah Certificate of Warranty hlan a ni.

fela

BOOK REVIEW - PRIMORDIAL WOMEN-LESSONS FOR TODAY

2010-10-13T03:15:00.000-07:00

Name of Book: Hmasang Hmeichhiate - Thangtharte Zirlai (Primordial Women-Lessons for Today)
Ziaktu : Colonel Lalzamlova
Publisher : The Salvation Army, India Eastern Territory
Printer : Centenary Press
Copy : 1000
Page : 69
Cover : Art paper multi-color
Aman :Rs. 15

He lehkhabu hi a ziaktu tunu hmasa ber (Ruth Vanlalremruatfeli) puala a ziah a ni a. A tunu thlalak chu a kawmah a tarlang nghe nghe. Bible-a hmeichhe hmasa 22 la chhuakin, an hming awmzia te, an nungchang tlangpui te leh an nihnate a tarlang a. Chung mite atang chuan tunlai thangtharten engnge zir tur an neih a tarlang bawk.

Bible-a mite chauh hmang lovin a ziaktu hian ama chanchin atang pawhin zirlai a siam bawk. He lehkhabu atang hian an tu hmuh hmasak ber an hmangaihzia kan hre thei a. Amah awm pha lo leh paw pha lova an awm avanga an ngaihzia te, an thlakhlelhzia te kan hmu thei bawk.

He lehkhabu hi hmeichhe naupang leh tleirawl chhiar atan a tha bik hle. Chutih laiin mipa tan pawh thil tangkai tak a awm bawk. Chhungkaw inrelbawl that pawimawhnate kan hmu thei. A ziaktu hian an chhungkaw chanchin thui deuh tak atangin a tarlang bawk.

Chuta thinlung khawi thei tak chu a pi tawngtai thin thu hi a ni. A tupa leng a haw hma loh chuan tawngtai chungin a lo nghak thin a, chumiin rah tha a chhuah tak dante hian a chhiartute chu a khawih ngeiin a rinawm.

A chhungthu tifiah turin Mizo thawnthu thenkhat a hmang bawk a, hengte pawh hi tunlai atan chuan naupangte hnena Mizo thawnthu inhrilh chhawnna hmanraw tangkai tak a ni bawk.

Naupangten an chhiar a, an ngaihtlak pawha a lem an hmuh tur milem thenkhat dah a ni bawk. Hengte hian naupangte chu hrefiah turin a pui ngei bawk ang.

fela

SOUTH EAST TERRITORY VISIT

2010-08-08T11:37:00.001-07:00

International Secretary leh ZSWM in India South East territory an tlawh. Territoial Review neih a ni a. Chumi rual chuan Territorial Self Support programme atana an ruahman Shopping Complex lungphum Commissioner lalhlimpuiin a phum a. Contractor thlan fel a ni tawh a. Rei loteah Shopping Complex lian tawk tak an nei mai dawn a ni.

Commissionete chuan Senior Leaderte tan Leadership Training an neihpui bawk a. Executive Officerte an kal kim tha hle. Anmahni centre ngeiah hei hi neih a ni a. Malsawmna tamtak an dawng.

BUILDING THAR LEH PLAN THAR

2010-08-06T06:49:00.000-07:00

The Salvation Army, India Central chuan Chennaiah Territorial Headquarters thar sa turin plan an siam a. SAITCO (IHQ) in approval an pe ta. Tuna Redshield Building leh Officer Quarters pathum awmna chu an thiat ang a. Chumi hmunah chuan he mi plan ang hian an sa dawn a ni. An Building hlui thiat tur hi Kum 100 laia upa a ni a, a hlauhawm tawh avanga thiat ngai ve hrim hrim a ni e.

A hnuaia building chhawng 17 laia sang leh a hmalama Swiming pool mawi tak mai nei hi Seoul Korea a Salvation Army building thar hmanni lawka Generalin a hawn a ni. Territorial Headquarters a ni a. An luah bak chu mi dang luahtirin hemi luah man an hmuh hun chuan Korea territory chuan Fully a self support an nih theih tur thu an puang.

YP CONGRESS ORGANIZING COMMITTEE

2010-07-09T09:39:00.000-07:00

Territorial Young People COngress, India Eastern Territory tana a vawikhatna, World Youth Convention, Stockholm, Sweden-a neih ruala neih ve tur inbuatsaihna chu zawh fel thawkhat a ni ta a, ni 17-18 July 2010 ah Congress hi hman a ni ang.

World Youth Convention-ah hian kan Territory atangin palai 45 an kal ang a, 25 chu Territorial delegate an ni a, 20 chu Territorial Songster, special delegate an ni dawn a ni.

Organizing Committee members - kan kim lo

Biak in chhungah vawi tam tak tawngtai a ni a, a tawpah pandal chhungah tawngtai leh a ni

fela

SRI LANKA LAMAH LALPA HNA THAWH

2010-07-05T02:06:00.000-07:00

Thiante u, Sri lanka lama Lalpa hna thawh ropui tak thleng hi in hriat loh ka duh love. A ram mite sakhuaa an ngheh em emna ramah hian hmasawn a harsa em em a. Kum tamtak kan awm tawh chung hian mi thar neih hi a harsa hle a ni. Kumin Founders' day-ah hian an territory thupui 'Year of Restoration' kalpuiin theih tawp an chhuahna chu lalpan mal a sawm a, Ringthar engemaw zsat neiin Sipai puitling leh naupang lawmluhna ropui tak an nei. kan va lawm tehlul em! Kan unate rawngbawlna mal a samw avangin pathian hnenah lawmthu i sawi theuh ang u.

A thlalak te hian a hrilh fiah tawkin ka hria a, hrilhfiahna hran ka siam lo mai e.

TPWM in Nau a hlan lai.

Naupang sipai lawm luhna.

Chanchin benglut tak tak a awm, Colonel Zamlovan commentah a rawn ziak mai turah ka dah e.

YTOON

2010-06-29T02:34:00.000-07:00

Ngaihtuahna hruaitu atan

fela

R Lalruatfeli (Mapuii) LONDON-AH

2010-06-28T09:55:00.001-07:00

Salvation Army nula zaithiam R Lalruatfeli (Mapuii) dam takin London ni 26 khan a lo thlenga. Sweden World Youth convention hmaa thalai engemaw zat lo in hmukhawm lawk, International College for Officer Sydenham hill-a pungkhawmhote a zawm ve ta. Programme an nei khat hle a, chhunah minute 45 chaw eina hun an nei a, zanah dar 9 thlengin programme an nei bawk. WYC hmaa hmun hrang hrang tlawha an kal kualna turah hun tha tak a neih theih nan leh a thiante zawng zawng tan i tawngtaisak ang u.

LONDON-AH SIPAI PAWL NULA ZAI THIAM - MISS FELICIA

2010-06-23T08:00:00.000-07:00

Sipai pawl Nula zai thiam, Miss Felicia CSM Ramkinlova Zemabawk Corps fanu London lamah a rawn tla thla. A thlen atanga U K Mizo Inkhawm awm hmasaberah a rawn inkhawm nghal vat mai a. A inkhawm chauh ni lovin Pathian fak hla sa tura ngen a nih angin thiam takin a rawn hlan a. kan chhuang hle. Hetiang sipai thalai rinawm, khawi ramah pawh sipai nihna leh Krista rinna tilang thin thalai hi kan chhuang a ni. Miss Felicia hian niversity of Wales Lampeter hnuaiah MBA a zir. Hlawhtling tak a a zir chhuah ngei kan duhsak.

DUBAI (UAE) AH SIPAI PAWL

2010-05-29T01:35:00.001-07:00

He Building hi BURJ KHALIFA, Feet 2,717 (Mt 828) a sang, 4 January 2010 a hawn a ni a. Dubaiah i kal chuan i en ngei ngei tur zinga mi pakhat chu a ni phawt ang. Mahse he building aia mak leh ropui i en ngei ngei tur chu SALVATION ARMY 1 June 2010 atanga International Armya Generalin a teltir tak hi a ni ang. Hei hi thiltihmak kan ti lo thei lo, heng lai vel rama luh hi thil awlai a nih lohzia i hre thiam mai ang a. Tunah chuan Lalpan Kuwait ah leh UAE ah Sipai Pawl rawngbawlna min hawnsak ta. Kuwait a bul tantu Micheal Hawley te nupa chu
Dubaiah hian sawn niin tunah chuan an In luah tur leh Inkhawmna turte engkim an peih fel ta. Sorkara in Register dan tur buaipui mek a ni. UAE ah hian Dubai bakah heng Sarjah leh Musket ah te Sipai pawl inkhawmna neih a ni nghal bawk.
South Asia Zone Lalpan min hruai zel a, kan bialah a ram a zau zel, Lalpa chu fakin awm rawh se.

TEMPLE LEH THQ OFFICE INKAR

2010-05-17T04:10:00.000-07:00

Aizawl Temple leh THQ Office inkar pawh sak chhunzawm zel a ni a, hei hi Temple upa tlawmngai hmalaknaa kalpui a ni. A chung ber chu Temple chhuat ruala slab chhun a ni a, Temple chuan varandah an nei zau ta sawt e.

A floor dangte pawh hi Temple building chhuat zawl tura a beam ruahman a ni hlawm a, Cowkider quarters zauhna tur atan a tangkai hle ang.

Tunah hian building hnung lam pangah a ban an zawm chho leh mek

TURANGKACHAK

2010-04-28T23:48:00.000-07:00

Turangkachaki ka tihsak thin a, anni chuan Tulunghlu an lo la ti cheu. Hmeichhe naupang fel ve tawh tak, kal zir rual a ni a, huaisen sela chuan a kal thei tawh tur a ni a. Vawn a neih der der tawh chuan a kal zawt zawt lawi si thin.

Tu awm tur, puak tur, pawm tur leh awih mut tur neih hi mihring nun famkimna pakhat a ni ve. Hmangaihna hi a chhuk zawngin a kal an tih angin, fate kan hmangaihna aia nasa zawk fein tute chu kan hmangaih thin.

He naute laiah hming chu Ruth Vanlalremruatfeli a ni a, a pian hma renga a pi thinlunga lo insa diam tawh a ni awm e. Mipa lam leh hmeichhe lama tu piang hmasa nih hauhvin, tu u ber a nihna chuan a chhungte lawm a hlawhtir nasa hle niin a lang.

A buchip lai atang rengin a hmeichhe naupang hmel nghal va mai.

fela

OUTREACH AREA BIAK INTE

2010-04-26T07:26:00.000-07:00

Hmun kilkhawr leh outreach area lama kan biak in leh quarters thenkhatte

Bethsuri Biak In

Darlak Biak In - Mizoram

Darlak YP Hall

Fatapukur Corps Biak In (North Bengal)

H. Rimawia Memorial Prayer Hall, Rani Colony - Cachar, Assam

Kumba Corps Biak In - Cachar, Assam

Kumba SA School

Kwakeithel Society Biak In, Lamdong, Manipur

Manja Corps Biak In hlui. Tunah chuan a hnung lamah hian a thar an sa tawh e.

Manja Corps YP Hall

He YP Hall hi zanah ka hawng a, Pathian hnenah ka hlan.

Mayaikoibi Society Biak In - Manipur

Mickhola Society Biak In - Sikkim

Namchi Corps Biak In - Namchi, Sikkim

Oyan Corps Biak In - Arunachal Pradesh (above & below)

Phuldungsei Corps Biak In - Tripura

Sabual Corps Biak In - Tripura

Rongtheso Society Biak In - Karbi Anglong. Tunah chuan he biak in hi a ding tawh lo.

Tlangmawi Corps Biak In leh School- Cachar

Tripura District DO Qtrs & office (tunah chuan CO in a luah ta)

Zokhawthar Sociry Biak In - Mizoram - Myanmar Border

fela

Marching along...!!!

2010-04-25T23:37:00.000-07:00

It was 10th April 2010, the Hall was packed with people from various Corps in Beira, Officer’s from North Division were all presence, yes, it was the day that the Lord has made for us to open a new Division in the Northern part of Mozambique, which was 1200kms far from the capital city Maputo.

The Salvation Army was officially started in Mozambique in the year 1919 March, there were not many soldiers by then. With the zeal and enthusiasm of our forefathers the Army was growing, because of the civil war arising within the country, the Army faced many problems in Mozambique.

In 1953, the situation became very worse. Local Administrators lost some of their power and the progress of the Mission had very much depended on their goodwill. Permission was refused for certain missionaries to return to the country, even those who had spent many years there. A number of Salvationists were humiliated. No meetings were allowed, books were confiscated and records were destroyed.

Salvationists continued to hold Kraal meetings, however. They would place food on the table as if they were about to eat a meal and begin their meeting. A sentry was posted in a tree outside, to warn them if anyone approach the house. If somebody knocked the door they quickly closed their Bibles and pretended to eat. If it was somebody they knew, the meeting continued. If strangers asked what the Bibles were doing on the table, they told them they always prayed before eating.

When they held a meeting they could not wear uniforms in case they caused trouble. When they entered the building they changed into uniform for the meeting.

They were arrested many times. Major Litsuri, promoted to the rank of Brigadier, spoke of his twelve months in prison. “We must not puzzled when we have to suffer, for this started with Jesus. He had to suffer but He triumphed, and He said that in the world we would have tribulation but that we must be of good cheer”And then, quite unexpectedly, in March 1986, a letter arrived at Territorial Headquarters from Macuacua informing them that the Salvation Army had been registered as a religious body. All their required was a form to be signed by an official at Territorial Headquarters and delivered to the Government. There was nothing to pay. A site was granted by the Government and all the Army had to do was possess the land and build. When the Field Secretary, Lieut Colonel Hall, visited Maputo in May of that year he was able to meet with Mr Job Chambale, Director of Religious Affairs, who had had some contact with the Army as a refugee in Tanzania and Zimbabwe. ‘This is the kind of Church we need in Mozambique’ he declared.

Little by little the buildings at Bagamoio began to take shape, at the same time war finally gave way to an uneasy peace and it looked as if the Army could at last plan an opening ceremony. And on Saturday 20th February 1993, the first brick built Salvation Army Hall in Mozambique was about to open after more than seventy years of witness. Now the long battle was over.

Then the war struck again, and again it was the Nhampossa family that suffered. In 1992 Commr Eliasen from South Africa made a tour of Mozambique, how thrilled the Salvationists were to attend a Congress led by someone who spoke their own language! They flocked to Maputo in Buses and by ship. Commr. Eliasen wrote later, “The scars of dilapidation and civil war are to be seen all around. It is common to see crippled people who have had their legs blown off by land mines. Thousands of refugees who flee from the war zones are attracted to the cities where they built makeshift reed dwellings, and a severe drought has added despair to their existing sufferings”

Because of those who fought for the Army and for the Lord whom they loved, the Army is still growing in Mozambique, which is why soldier form Northern part comes together today to witness the installation of the first Divisional Commander. The present Command leaders Lt. Col Torben and Deise Eliasen work so hard for the Army, they never have time without thinking how the Army could grow in this place, they traveled a lot, exploring all around Mozambique. Col. Torben said he even dreamed about the work in this place.

The Meeting was led by the Sectional Officer and installation of the New Divisional Leader and Inauguration of new division was done by the Officer Commanding Lt.Col. Torben Eliasen. Major Nhelenhele, the new divisional commander delivered a challenging message, in the afternoon Officer’s council was held. The soldiers were so happy, though they were not rich in terms of money yet their heart was full of joy witnessing the opening of the new division.

(Installation of new DC by Lt.Col. Torben Eliasen)

The Army has a good plot of land in Beira which was purchased in 1996, in the center of Beira city, the to be New Divisional Headquarters was constructed in this place. It was started in 2009 April with Mission Support Project received from UK Territory, the total cost is 181,244.61/- USD. It is indeed a nice building, it has two floors, the upper floor will be the quarters for DC and sectional officer will live in downstairs.

(The new building, our Pride and Joy..)

The next plan is to construct Prayer Hall in this same compound; the estimated cost is USD 120,000/- which was proposed to start in May this year. We are planning to have an opening and dedication of these two buildings in 2011 March.

We praise God for all His blessings, his power which strengthened us, his wisdom which guided us and his holy spirit which anointed us to be a blessing to others. To God be the Glory!!

Let me add one more photo. Attended Sunday meeting in a small Corps called Munhava. Look at the building, no doors nor windows.. it was rained heavily this day, those who sat at the back got wet through, still they sing happily and loudly...

THUZIAK THENKHATTE

2010-04-20T03:42:00.000-07:00

Thuziak thenkhat hi a ziaktu tana fiah viau si, a chhiartu tana fiah lem lo a awm fo thin. Thuziak tha chu kum tam tak a ral hnu pawha la hriatthiam theih, a hun laia thil awmdan la sawi thei reng hi a ni.

Eng Diamond Jubilee ber tih a thuziak atang hi chuan hriat a har khawp a, mahse, eng diamond jubilee nge tih erawh chu a chawh chhuah theih ve tho mai.

Corps an nih huna ziahna tur a ni ngei ang.

Eng Corps/kohhran biak in nge tih hriat a har khawp mai

Kumthar lawmna thuziak

Signboard mawi tak, mahse hriatthiam har tak chu

Biak ina tarah chuan a sei tha khawp mai

Hetah hi chuan biak in hawn ni a chiang hle mai

He mite hi chuan an duh lian lo hle a ni

A chunga YP Hall chhunga Zahngaihna Thutphaha inziak

fela

FREE MEDICAL CLINIC AT KUMBA

2010-04-19T01:38:00.000-07:00

Ni 17 April 2010 khan Kumba (Kumber) ah SAMF chuan free medical clinic a buatsaih a, Major S. Biakliana DC te nupa leh Captain Thangzamanga CO te nupain an tawiawm. Silchar Boys Home naupangte hriselna en hmasak a ni a, chumi hnuah Kumba lam pan a ni.

Kumba-ah hian majority chu Sipa Pawl member an ni a, thingpui huan (Kumber Tea Esstate) a thawk an ni tlangpui a, mi pakhatin ni khatah Rs. 58 an hlawh a ni. Biak in leh School an nei a, biak inah hian an leng lo nasa hle a, school-ah pawh chuti bawk a ni.

Aizawl atangin chawhnu dar 2 vela chhuakin Silchar chu zan dar sarihah an thleng a. A tukah Kumba lam pana kalin chawhnu dar thum thleng clinic hawn a ni. Major Biakmawii DDWM leh Captain Thangzamangaten tawng letin an tanpui. Dr. Baruah, Senior Medical Officer, Kumber Tea Estate pawhin rawn tlawhin Sipai Pawl rawngbawlna a fak a, visual aid nen helath & hyegene lam inzirtirna awm bawk se an sawtpui a rin thu a sawi bawk.

fela

LANKA TEAM VISIT

2010-04-14T01:21:00.001-07:00

Ni 3-12, April 2010 chhung khan Sri Lanka Territory atangin mi 5, Program to program visit nei turin an lo kal a.Anmahni lo buaipuia lo tanpui turin kan hotuten Rev. Dr. F. Sangkhuma CLS nen kan mawhphurhnaah an dah a, kan theih ang tawk tawkin kan lo tanpui.

Heng lo kalte hi Major Jaya Ratnasingham Field/HRD/Prayer Coordinator leh Local Officer 4, (CSM 3, YPSM 1) an ni. Tun tuma an lo kal chhan ber chu rawngbawlnaa layman inhmanna chungchang zir tur an ni deuh ber a, chutiang chuan hun pawh ruahman a ni.

Anni pawhin nuam an ti a, hlawk an inti khawp mai. Inrinni vawi khat chu handloom dawrah an kal a. Manager chuan meizial a lo zu a. An inbiakna leh titina atangin chu manager chuan a meizuk lai chu a paih a, a ngei nghal tur thu a lo hrilh a ni awm e, anni pawh an lawm ve khawp mai.

Temple Corps-ah nilengin hun kan hmang a, upaho nen thil inhrilh tawnna hun tha tak kan hmang

Ebenezer Corps-in Khiangkawi ipte an lo pe a, an lawm hle, YPSM pakhat chu YP Corps lamah a inkhawm a, hetah hian a lang ve lo a ni

Reiek tlang leh Mizo Typical Village pawh an nuam an tiin an hlimpui hle

Bethlehem Corps SAY-in thalai lam rawngbawlna mumal takin an hrilhfiah

Chanmari West Corps an hlim hle a, kan Lanka unaute pawh an lam kual ve ta hial

Chanmari West Corps local officer-te nen

Ani pawh an naute lo kal hian a awm a, Lilyveng Corps-in thusawiah an sawm a, an lo welcome nasa hle

fela

Good Friday & Easter at Chikankata

2010-04-05T05:16:00.000-07:00

Good Friday & Easter 2010 chu Chikankata CO bial chuan ramhnuai/daia inkulh chhuakin kan hmang leh a. Ni 1-4 April thlengin. Territorial Commander te nupain min rawn hmanpui bakah, UK atangin Kettering SA hoin min rawn hmanpui bawk a. Kan chhungkaw bikah pawh Pathian Thlarau Thianghlimin thu a sawi thar nasa hle a, malsawmna tam tak kan dawng a ni.

Good Friday & Easter programme sheet and my Holy Bible

Visitors from Kettering (UK), the Territotial Leaders and the Mission Leaders also witnessed the Easter Sunrise Service at Chikankata's Calvary Hill

Young ladies from Chikankata Higher Secondary School dance around in praise of the risen Lord

The three crosses at Chikankata's own Calvary Hill, as they appear in the early Easter dawn

People gather in front of the empty crosses as they are waiting for the Easter sunrise

Christ's Cross is empty, and indeed His Tomb is empty too!!

Chikankata lake in the early Easter morning. It is just behind the Calvary Hill. Picture taken from Calvary Hill

The Easter morning sunrise, a symbol of faith, hope, love and LIFE in Christ

Chikankata section songsters leaving after their Easter morning meeting performance

Young and old alike value the occasion

Colonels Geoff & Heather Blurton (R) from Kettering (UK) are the guest speakers. They minister with passion. The congregation are encouraged, inspired and motivated by their speech and action. Their love and affection for Zambia is manifested by their repeated visits to the territory since their first service in this territory as Chief Secretary and Territorial Secretary for Women's Ministry

Marcus again! He loves anything that has wheel

Lunch break in between the meetings. A simple meal on a simple set of table and stool is all that is necessary

Meetings such as this is always a success as long as we are having enthusiastic and committed delegates like these ones

These women and children have to walk many miles to come, spend the three nights at the makeshift camp, and again walk back many miles home! Inspired and challenged, this time my whole family walk back and forth the 3 kilometres (6 kms in total) from home to the camp site. And it's worth it, physically and spiritually!!

By: Dr. Zairemthiama

BRENGLE INSTITUTE

2010-02-21T22:10:00.000-08:00

Khawvel puma thianghlimna zirtirtu tia lar, Commissioner Samuel Logan Brengle-a hming chawia sak, Thianghlimna Inzirtirna chu India Eastern Territory-ah pawh zawh fel a ni leh ta. Ni 16 - 20 February 2010 chhung khan Booth Conference Hall-ah Lt. Colonel Karen Shakespear IHQ kaihhruaina hnuai hlawhtling taka neih a ni.

Samuel Logan Brengle was born in Fredericksburg, Indiana, U.S.A., of William and Rebecca Brengle, June 1, 1860. When the lad was two years of age, his schoolteacher father responded to the call of his country to serve in the Northern Army during the American Civil War. Wounded in the siege of Vicksburg, the brave young soldier returned home only to succumb to his wounds. The godly wife and mother, now entrusted with the rearing of her only child, faithfully instructed him in the things of God. Although she married again and life consisted of one move after another, attendance at church never was neglected.

As a teenager, he was saved during a revival meeting and began a life of dedication to the Lord. Following the death of his mother he enrolled in what is now known as DePauw University in Greencastle, Indiana. There he was an exceptional scholar and while a number of opportunities were open to him, he felt that his calling was to be a preacher and so following university he became a circuit preacher for the Methodist church. Later on he was encouraged to study theology and so he enrolled at the Boston Theological Seminary. It was at this seminary that he was exposed to the teaching of holiness and later claimed the experience for his own life

Following his graduation he received offers to pastor some of the largest Methodists churches in the US. However, he turned them down as he became interested in the work of The Salvation Army. He had heard William Booth speak at an open air service and was drawn to his ministry and mission and he desired to travel to England to meet and volunteer his services to the Founder of The Salvation Army. He had also met a young Salvationists by the name of Elizabeth Swift and had asked for her hand in marriage.

When he did arrive in England and meet the Founder, the meeting was far from cordial, Booth viewed Brengle with some scepticism calling him a dangerous man in that he had been his own boss and Booth was not sure Brengle would adhere to the discipline of The Salvation Army. Nonetheless he was accepted for training and made his home at the Salvation Army Training Barracks in London. There one of his first duties was to blacken and shine the boots of his fellow cadets, a job that was considered menial. Rather than complain he reminded himself of the fact that His Savior did not consider it beneath Himself to wash the feet of the disciples. He took on all tasks, from selling the War Cry to preaching on the streets with equal humility and zeal.

Books written by Samuel Logan Bregle

Para Que Todos Sejam Santos

fela

2nd in INDIA EASTERN TERRITORY

2010-02-16T08:02:00.000-08:00

The Salvation Army, India Eastern Territory chhunga thutthleng dup nei pahnihna chu Aizawl Temple Corps a ni. Post tawh ang khan pakhatna chu Ramhlun Vengthar Corps a ni. Temple thutthleng dup hi Pu F Kapsanga CT & Family tum a ni a, a case siamna turin sipai in tinah special ip an sem a, chumi tling khawm chuan a case leh a dalna an siam ang.

Thutdup hi thuthleng zawng zawnhah phah chhuah vek a ni

Tunah chuan tlemin thut a nuam ve ta a, bawng kham nei mi tan pawh a ziaawm ta khawp a, mahse, a tir atanga ruahman lawk loh a nih avangin duh aiin thutna hi a sang ta deuh hlek. Ramhlun Vengthar Corps chuan an ruahman lawk thlap avangin thut a nuam bik.

posted and photo bu fela

Dr. ZAIREMTHIAMA - KUM 3 DANG

2010-02-04T20:46:00.000-08:00

Dr. Zairemthiaman kum 3 dang a hna ngaia awm leh tura thutlukna a siam lawmpui nan hengte hi ka rawn tarlang a ni. A sawi angin mahni khua, kan Zotlang ramnuam chhawrpial run nuam tak ngaih a nat em em laiin, Africa ram luma kum 3 dang Pathian rawngbawlna hna thawk leh tura an inhuamna hi a ropui tak zet a ni.

Lt. Colonel Lalngaihawmi, Chief Secretary-in Ebenezer Corps biak in atangin a tirchhuak

Dr. Thiama leh a nupui Mapuii ten thu tha tak an sawi

Territorial Songster-in hla mawi takin an thlah

Territorial Staff Band-in rimawi tumin an thlah

Capt. Lalhmingliana, Financial Secretary-in fuihna leh thlahna thu a sawi

Major Romawia Central Bial CO-in bial aiawhin ngaihhruina thilpek a hlan

Inkhawm pawh an tamin biak in leng lovin mi an kalkhawm

Pu H. Lianzela, Territorial ACSAL President pawhin thlahna thu a sawi

An nupain zahngaihna thutphahah an Pathian tan an inhlan

Dr. Zairemthiama hi SAMF (Salvation Army Medical Fellowship) member a nih avangin Major Ropari, SAMF Secretary-in tawngtainain a thlah

Inkhawm ban biak in kawt

An fanu sam hi miin an lawm hle a, an kalna tura mite sam pawh a an hmel khawp mai

posted & photos by fela

CORPS CADET

2010-01-30T13:31:00.000-08:00

Pawl thum ka pass kum chuan, kan Officer Captain Thazova chuan Corps Cadet-ah i tang ve thei angem tiin min rawn bia a. Phur takin Form ka chhang ve nghal a. Corps Cadet ka ni ve ta. Inkhawma chang sawi te, Khuang vuak te, Dar vuakte, leh thil tih kan neih reng rengin mark a put vek avangin zak deuh chung pawhin eng emaw tal kan ti ve hram hram thin a. Khang kha rawngbawlna kawnga inzirna tha tak an lo ni. Lower Grade ka zova, ka tawpsan ta mai a. Mahse chuti chung pawh chuan kum thum chhunga kan zir leh activity te khan ka nun an hneh thui hle a ni.

Thlalakah hian Lower Grade leh Higher grade kan in kawp a. Kan CO leh mi dang pahnih Ropuina ramah an kal tawh a. Officer pahnih kan awm a. Hmeichhe pathum te hi an pasalte avangin pawl dangah an awm a. CSM pahnih an awm a, a dangte pawh hi pakhat tih chauh loh chu Local Officer an ni vek. Kan Corps Cadet session kha a hlawhtling hle a ni. Kan C O Captain Thazova te, kan Guardian Lalnghaka (kawmthlang Nghaka kan tih mai) Major Thantluangi ute kha an fakawm hle mai. Lalpa chu fakin awm rawh se.

Lalkiamlova

Commissioner

RED KETTLE CHRISTMAS CAROL LEH AIZAWL BAZAR

2009-12-22T04:34:00.000-08:00

Mizoramah a kumhnihna atan Red Kettle Christmas Carol Service neih leh a ni a. Sum hmuh zawng zawng hi tanpui ngaite tanpui nan hman a ni thin. Nikum khan cheng nuaih chuang man lai chu mi harsa zual za chuang hnenah sem a lo ni tawh a. kumin 2009-a sum hmuh zawng zawng chu Rs. 93,941.00 a ni.

Kumin 2009 hi chuan damdawi in lam hawi a ni. Aizawl Civil Hospital Poor Fund-ah Rs. 10000.00, TB Hospital patient mi 26, Durtlang PC Hospital Hospice mi 9, Referreral Hospital mi15 hnenah Rs. 1000.00 theuhvin tanpuina pek an ni. Serchhip khawpuia SA inTar chawmna a din thar tur atan tlem azawng dah a ni bawk.

New Market lama kal tur Group chu kal mai peihin an inring ta thap mai le

No Vehicle Zone-ah, motor kawngpui lai takah lungmuang takin kan kal a, a nuam hle mai

No Vehicle Zone tawntirha ke hnih nei dahkhawmna, Canteen kual

Bazar Bungkawn lai tak pawh mipuiin an khat vek mai.

Dawrpui phei lai takah pawh thlamuang takin a thil zawrh a pharh duai mai

Kawnghren zuarho pawh an intlar thap hlawm mai

Mipa naupang tan chuan motor lem hi kal pelh a harsa thin reng a ni

Zion Street chhuk

Secondhand moza thlengin hralh a tla ve hle reng mai.

Aizawl Krismas bazara langsar ber chu lapawchini hi a ni awm asin

New Market hmar lam, Power house hlui bul, V. Lalliana Building kawt

Bawm pawisa thlak hi naupang lamin an phur hle a, thalai lam thlak an tam bawk. Nu leh pa zingah Rs. 1000, Rs. 500 note thlak an awm nawk bawk.

Krismas putar hian naupangte hnenah sweet leh balloon a sem a, an lawm hle. Krismas Putar hi Major Khaizadinga a ni e

Chaltlang Corps Band

"Hlim takin an hawng ang, an buhphal kengin"

fela

SALVATION ARMY CHURCHES

2009-12-18T00:19:00.000-08:00

The Salvation Army, India Eastern Territory chhunga biak in thenkhat hetah hian dah a ni. Biak in chu a chhip zum san lamah te, a chung awih leh awih lovah te, a len leh tetahte Pathian chuan a en ve lo. Mihringte chuan a mawi te, a rinawm te, a hnum te, a liante kan duh thin.

Aibawk Corps

Bairabi North Society

Behliangchhip Corps , Tripura, Jampui Hills

Bethsuri

Bukpui Corps

Centeanry Corps, Saitual

Darlak

Darlawn Corps

Diakkawn Corps, Kolasib

Aizawl Temple

Fatapukur, North Bengal - W. Bengal

Hliappui Corps (formerly known as NE Bualpui)

CTI (Central Training Institute) Corps, Sesawng

ITI (Industrial Training Institute) Corps, Aizawl

Khawruhlian Vengthar Corps

Khawzawl Corps

Citadel, Lunglei Corps

Kwakeithel Society, Lamdong, Manipur. Meitei biak in

Mayaikoibi Society, Manipur, Meitei area. A biak in veng vawng khawp mai.

Oyan, Arunachal Pradesh

Melbuk, Champhai leh Zokhawthar inkara mi

Zokhawthar, Myanmar border

Tlangmawi, Cachar

Shillong, Meghalaya

Thingthelh

Phuldungsei, Tripura, Jampui Hills

H.Rimawia Memorial Churh, Rani Colony, Cachar

Khumtung Corps (Khumtung hi hnim chikhat, kham pang vela to thin, phaipheng nena inang tak, thala ro leh vek thin a ni)

Mamit Corps

Phunchawng Corps (Phunchawng hi Aizawl - Sairang inkara awm a ni) Phunchawng hi zu sakna hmun a ni a. Sipai Pawl a din atangin mi engngemaw zatin zu sak leh zawrh an sim tawh a ni. Chhungkaw khat chu piangtharin an zu zawrh an sim a. Fu tui an her a, eizawn nan an hmang ta a, an mirin an tluang em em a ni.

Rangvamual Outpost biak in. Rangvamual hi Phunchawng thlen hmaa mi a ni.

Ngentiang Corps biak in. Ngentiang hi Lungpho chhaka awm a ni.

Rongtheso Outpost biak in, Karbi Anglong District. He biak in hi ka hawn ve ngat a ni. Raltlanho awmna a ni a, tunah chuan he hmunah hian tumah an leh tawh lo.

Sesawng Corps biak in

fela

Prayer Warriors

2009-12-14T23:44:00.000-08:00

Ni 13.12.2009 khan kan cadet 8, Prayer Warriors Session te chu an commission ve ta, Chawhma inkhawm dar 9-12 Commissioning and Ordination, Chawhnu 12:30-2:00 Appoinment puan.. thu leh hla sawi tur a tam lem lo, thlalak thenkhat ka han vawmbei ang e..

Bible keng chungin an rawn lut..

Chawhnu Inkhawm

Order of the Silver Star:

Commissioning:Drama - New Lieutenants

Thlirtu Mipuite

KRISMAS LEH KA HRINGNUN

2009-11-23T22:31:00.000-08:00

Mihring chakna leh remruatna te, theihna te, thatna te avanga kan thlen phak rual loh Chung Pathian rorelna leh a Chatuan remruatna avang zawkin hun te, ni te a lo inher danglam zel a, KRISMAS chu kan lo hnaih leh ta hle mai. A hming ngawt pawh hi a mawi a, lung a ti leng a, Mizo Kristiante zingah phei chuan a hming ringawt mai pawh hian hmun pawimawh leh thuk ber a chang hial awm e. kan lunglenna ber pawh a ni mai awm a sin. Thlasik boruak a in tan hi chuan Krismas rim a nam kan ti a, kan rilru ngaihtuahna in Bethlehem dai( la thleng ve rih lo mah ila) a fang a, a hun lo thlen hun tur kan nghakhlel a, lo thleng thuai thuai se kan duh a, a hun lo thlen hma atangin kan lo hmang lawk a, Advance Christmas kan ti, a ropui danglam thin khawp mai. Amaherawhchu Kristmas tak tak kan hmang tawh em? Tih hi kan in zawhna tur pawimawh tak mai pakhat chu a lo ni ta a ni.

Kumkhat chhunga thla ngainatawm ber mai December a lo det meuh hi chuan, thlasik rim pawh a lo nam tan tawh hle thin. Zanah chung lam han thlir ila, thlasik kawng a lo pe un mai a. Chhun khawhar changin dai vel han fang ila, tuma chin leh enkawl pawh ni lo, fur tui leh thlasik dai fimin a chawm len, Tlangsam ( Mizoram chhim lam chuan Pholeng an ti a ni awm e) a lo par de chiai te han hmuh hian rilru ngaihtuahna thinlung a ti danglamin engemaw tak hi mi suangtuahtir veng veng hian a hriat thin. Mahse eng dang a lo ni lo. Pu Patea Chanchin tha hril, a thlen in Thekte lal Pu Thanga leikapui atanga Thekte chhak lampang Lurh tlang hmingthang tak, tlak lam pangper chu nitla turin a chhun eng phut mai leh Tlaizawng par vul chuk mai a hmuh tuma, a mita a hmuh leh a suangtuahna mitthlate avanga a chham chhuah tak "Lal pian hun Pangpar a vul leh ta, thin lai mu hnu lunglen a kai tho ve” a lo tih ang hian, kum engemaw zat kan lo hman liam tawh thin, KRISMAS kha thinlungah a rawn inlar chhuak tha leh thin a lo ni reng mai.

MAS hi zawng a MAS em a, a hma atang daihin mi tin thinlungah a lian ber thin a ni ang. Mize hrang hrang ten mahni mizia ang zelin an hlutzia an thup thei thin lo. Khua a han vawt tan veng veng a, Tlangsam an han kuhmum tan a, Tlaizawngten par an han tum tawh hi chuan, mi lungleng thei deuhte chuan Eden par mawi chul hnu tivul leh an tum ang a. Kum 2000 liam tawha Van Angel hovin “Chungnung berah ropui rawh se,” tia an zai ri kha an thinlungah a lo thar leh iaih iaih ang. An la thlen ngai hauh loh Bethlehem tlangpui te chu an ngai em em ang a, an la hmuh ngai miah loh Angelte chu…”An va mawi em! An puan ropui, An hmel ni aia eng nen,” tiin an fak leh thei mai dawn a ni.

A ni tak a, keini Zofate hian, sakhaw hlui atanga sakhaw thar Kristian kan lo nih tak hnu hian, pi pute chawngchenna leh kut zawng zawng kan ban zo tawh a, kum khat chhunga kutpui kan neih chhun chu Krismas chauh hi a lo ni reng tawh a. Tunge nghakhlel leh thlahlel lo awm teh reng ang le? Hnam dang zawng zawng aiin Krismas leh Zonun hi a inzawm bik em aw! Tih awl tak a ni. Kum khat chhunga kan hlim ni leh lawm lai ni ber a nih bakah, sual leh retheihna ata min chhandamtu Lal Krista pian champha kan lawmna ni a ni bawk si.

Pu Rokunga’n:
Chung khuanu lengin min hual se, Lawmin I zai ang u;
A then thinlaina pawh hi dam rawh se,
Kan nghah ni lawmawm tak chu a lo thleng leh ta;
I phurrit zawng zawngte chu kalsan la;
Hlim la, hun tha I neih chhung hianin

a lo ti reng a ni.Kan phurrit zawng zawngte kan kalsan a, nun thar, zangkhai leh duhawm tak kan neih theuh theih nan I in buatsaih theuh ang u.

(Major Samuela thu leh hla hi a tha riau a, maila thamral mai-ah chuan ka ui deuh a, ka han post a ni, tlemin ka edit deuh e.. Dini)

2010 SUNDAY SCHOOL ZIRLAI

2009-11-19T20:33:00.000-08:00

Phek 237+16, Zirlai 42 awmna, 2010 Puitling Sunday Bible School Zirlai chu peih fel a ni ta. Bu khat hi Rs. 35 man vel a ni ang.

fela

CHIEF OF THE STAFF THAR TUR

2009-11-11T03:57:00.000-08:00

Nakum May 2010 atanga Chief of the Staff tur Barry C. Swanson

fela

BIAK IN HMANRUA

2009-10-26T07:11:00.000-07:00

Hei hi Ramhlun Vengthar Corps biak in thutthleng a ni a, thutdup an phah thlap avangin thut a nuam hle. India Eastern Territory chhunga Corps biak in thutthleng dup nei hmasa ber an nih a rinawm. Thutthleng pakhat siam nan hian Rs. 4000 vel zel an seng.

Hei hi Shillong Corps biak in khuang bawm a ni a, tingtang dahna a ni nghal bawk. Khuang vuakna pawh hian dahna a nei thlap a, hman loh lai chuan fel takin a thunna tura siamah a thun zan theih a ni.

A hnunga tingtang hi khuang vuakin a ri chher lo'ng maw? A ri kung kung lo'ng maw? Ka vaw chhin a, khuang ri bak chu engmah ri dang a awm hauh lo. He khuang bawm design-tu chu Pu Lalrinpuia (blind) a ni a, tunah hian Madanriting Corps-ah Kros Sipai niin a awm mek.

Mizote hian khuang hi kan ngaipawimawh em em a. A tel lo chuan kan zai thei lo tluk a ni. Biak in tinah a awm a, kan Pathian biakna hmanraw pawimawh berte zinga pakhat a ni. Heti chung hian mi tam tak chuan khuang hunna nei tha tawk lo, ding chunga vuak rem lo tak, nghet lo tak nei an la tam hle. Khuang vuakna nei tha tawk lo an la tam hle bawk a, a spare nei lo pawh an la awm cheu.

Corps-a ka awmna thenkhatah chuan Corps Cadet-ho hi khuangvuakna ka insiamsiaktir thin. A chang chuan 'tupa thiam thiam tih pawh awih' kan ti a, khuangvuakna chu kan ngah thei thin khawp mai. Krismas vuatvet velah hian sahar bula tawlh pawh tam tak an awm thin a. Chungho chu chem ka pe a, 'khuangvuakna lo siam rawh u' ka ti a, tha tak leh nalh takin an lo siam ruih thei zel mai. Corps tan tangkai tak a ni.

fela

BEISEINA NUNG RELEASE A NI TA

2009-10-25T02:18:00.000-07:00

A neitu ni lo mah ila report ka'n peksak mai ang e, ani lah ala zin rei dawn si a, BEISEINA NUNG - Commr. Lalkiamlova ziah chu ni 24.10.2009 chawhnu dar khat khan Booth Conference Hall-ah Pu PC Zoram Sangliana, Minister-in a release ta. Phek 112 + 21 multi-color pictures. Price Rs.70

Major Lalhminglianan inkhawm a hruai a, Dr. Rualkhuma Colney, Mizoram Law College Principal-in preview hun a hmang a, Colone Sawichhungan huntawp a hmang thung. Mi sawmte an lo kal tha hle a, hall kan khat tawk hle. Mi sawm zingah thuhmahruai ziaktute zinga pakhat Pu C. Rokhuma pawh upain chak tawh lo hle mah se, he inkhawmah hian a rawn tel ve.

Thuhmahruai ziahsaktute hnenah lawmthu sawi nan lehkhabu pek an ni. Pu C. Rokhuma pawhin lawm takin a dawng.

fela

BAWLHHLAWH BAWM

2009-10-24T04:31:00.000-07:00

Aizawl khawpuiah hian sorkarin mobile garbage trailer enge maw zat a dah a, mahse a hlawhtlin loh vangin a titawp leh ta a. Salvation Army hnuaia Community Empowerment Programme (CEP) chuan faina lama mite entawn tur veng siam a tum a, chumi atan chuan Tuikual South veng hi thlan a ni a. He vengah hian bawlhhlawh bawm 5 a hung ta a ni. Heng bawlhhlawh bawmte hi V/C leh YMA leh veng sanitation committee te remtihpuinaa hun a ni. Bawhlhlawh paih motor nang hman oten an lo paih lailawkna tur chauhva ruahhman a ni.

Inkhawm hi Pu C Lalthianghlima VCP-in a kaihruai a, YMA President-in lawmthu sawiin hun a khar. Vengchunga sanitation committee chairman Pu VL Hruaia pawhin he hun a hmanpui. Pu C. Lalthianghlima VCP chuan "Salvation Army hmalakna vanga kan vengin faina kawnga bung thar kan kai tur hi ka lawm hle a ni" a ti.

Commissioner Lalkiamlova IS-in a installed a, tawngtainain a hlan. CEP hi Pu Douglas Lalmawikiman Coordinator niin a enkawl mek.

fela

AIZAWL CITY AREA OFFICERS MEETING WITH IS

2009-10-24T03:39:00.000-07:00

Ni 23.10.2009 khan Aizawl City Officers Meeting hlimawm tak chu Commissioner Lalkiamlova IS leh Commissioner Lalhlimpuii ZSWM te nen Central Corps biak in, Kulikawnah hman a ni. He inkhawmah hian thawk lai leh chawl tawhte an kal tha hle. Commissioner Lalkiamlova hnen atangin Pathian thu tha tak ngaihthlak a ni.

Shared ministry neih thar pawimawhzia lantir nan Commissioner Lalhlimpuii ZSWM chuan Colonel Sawichhungate nupa ko chhuakin an kawppuite chawhmeh duh zawng, hla duh ber, Bible chang duh ber, birth day leh thil dangte a zawt vel a. Chawhnu lamah pawh nu 3 chu hmun dangah awmtirin an pasalte chu an nupuite an hre chiang nge chiang lo a zawt a. Chumi hnuah an nupuite ko chhuakin a dik nge dik lo enfiah a ni a, a hlimawmin, nupa inhriat chian pawimawhzia min zirtir hle. He thil hi Commr. Lalthanngura phei chuan a hlimpui lehzual.

Retired Officer nuho pawh thingpui inchawlh laiin titina hun tha tak an nei

He Officers meeting hi Commissioner Chianghnuna pawhin min la hmanpui nileng thei.

Hmun hrang hranga thawk leh awmte tan te, chawl tawh leh thawk laite tan pawh inbiakpawhna hun remchang tak a ni

Major Kapliana (R) pawhin a testimony nung tak a sawi a. Hrisel lohna avangin a hmui a sawi a, heti chung hian rawngbawl a la chak em em a, damlohna avanga damdawi ina a awm mek lai pawhin Lalpan mi dangte damnan a hmang a, a rilruah rawngbawlna bak a awm thei lo a ni.

Zahngaih Thutphah hawn a ni a, Officerte tan Pathian rawngbawl tura inhlan tharlehna hun tha tak a ni.

Tlaiah puar tak leh tlai takin chawhlui kan kilho

He biak in hi 1931 kuma sak tawh kha a ni a, kum 78 a ding ta a nih chu. Kan Officer hranghlui tam tak hi he biak in bula Training Garrison/Training College-a lo training tawh leh, he biak in ngei hi thuthlung laa Officer tura nemngheh an lo nih tawh a ni a. Zahngaihna thutphah ngeiah hian kunin Pathian tan an dam chhunga thawk turin an lo intiam tawhna a ni. Senior Officer tam tak chuan he hmun hi an ngaihluin an lung tilengtu a la ni reng.

CENTRAL NORTH DIVISION SAY RALLY

2009-10-20T06:37:00.001-07:00

Ni 9-11 October Ratu khuaah Central North Division chuan S.A.Y. Rally an hmang. Bandmaster Pu PC Lalchhandama pualin mual inkhawm an hmang

Division Songster

Palaite tan Assam Rifles sipaite chuan tui in tur an lo buatsaihsak.

Presbyterian kohhran nulain inkhawmnaah thawhlawm min khawnsak. Ratu khawtlang hi he rally dawng tur hian a tangrual hle a, pandal committee-ah pawh kohhran dang mi an tel nual a ni awm e.

Ngurthangvela pawh Pathian fakna hla sain a zai

fela

MAJOR THARTEA MO

2009-10-15T22:25:00.000-07:00

Tie microphone an neih loh avangin pulpit atangin MC-in a inneihtir ta mai. Corps lian tak pawh hian tlakbalna lai hi chu an lo nei leh thin.

Nupa thar John Lalhmangaihsanga leh Vanlalthlani

Mo neitu Major Lalnuntharate nupa leh nupa tharte

Mo chenpuite

TEMPLE CORPS SELF-DENIAL

2009-10-11T01:31:00.000-07:00

Temple Corps 2009 Self Denial chu ni 12.10.2009 hian lakkhawm a ni a, Rs. 433,175.00 tlin a ni. Major Lalzingi (R) chuan a testimony a sawi a. Pathian hnena ka dil leh ka tawngtaina, Pathianin min hmuhtir chu cheng nuaih li a ni a. Kum tin nuaih khat zela khum a ni. Cheng nuaih sawm thleng tlin thei turin ka dil a ni a ti.

Major Lalzingi hian thahnem a ngai hle a, Khatla Corps lamah hmanni deuhvin thi an awm a, 'aw, Self-Denial lakkhawm hnaih tawh nen a va uihawm ve' a ti a i awm e. Anni chhungkua hian cheng sing 3/4 lai an thawh thin.

Year	Tlin zat
2009	Rs. 433,175.00
2008	Rs. 328,560.00
Khumna	Rs. 104,615.00
Mi pakhat thawh	Rs. 250.00

Temple Corps-ah hian Self Denial lakkhawm hi inkhawm that ber tum a ni thin a, tuntumah pawh hian galary nen kan khat vek a ni.

Pu VL Hruaia CCG-in inkhawm a hruai a, "Kumina ka testimony chu thianghlim taka kan sorkar hnathawhna atanga kan lakluh atang hian kan theih anga tam kan pe ang a, nakumah pawh theih anga tam pek leh ka tum mai ang a, ka lo thawh tawh leh thawh leh tur lam ka ngaihtuah lo" a ti.

Self-Denial hi naupang, thalai, nu leh pa leh pitar putar thlengin an pe a, hetia lakkhawm chhung hian nuho thenkhat chu 'halleuiah' tiin lo au reng tawk an awm bawk.

fela

PC LALCHHANDAMA BANDMASTER

2009-09-28T22:05:00.000-07:00

Pu PC Lalchhandama Bazar Corps Band Secretary leh Territorial Staff Bandmaster, ropuina rama kaisangta hriatrengna inkhawma 27-9-2009 a thil thenkhat tal hi rawn tarlan thain ka hria a, tlem ka han tarlang a ni e.

Chanvo a chelh mek chu:-
1) Territorial Staff Bandmaster 2) Bazar Corps Band Secretary
3) Building Board Secretary 4) Rover Scout Asst. Leader
5) BSI Collector 13 years 6) Territorial Music Board member
7) Officers' Children Fellowship Executive member 8) Dawrpui Youth Adventure Club Secretary

Hriatreng a nihna tlakte chu:-
1) Pathian tih mi
2) Mahni aia mi dang ngaihsak mi a ni
3) Chanvo hlenchhuak mi a ni
4) Mi dangte tihlim thei mi a ni

Hriatrengna inkhawmah Secretary a nihna Band-in ama hova an hla zir hnuhnung ber an tum

He inkhawmah hian a pu, John Rotluangliana Dy. Speaker pawh a rawn inkhawm a, thu a sawi nghe nghe. Sipai Pawlah hian kan awm teuh khawp a. Ka pa phei chuan a phal vek tawh a, 'puitling in ni tawh a, in duhna lam lam a ni mai' a ti a. Mahse ka nuin 'pawl khata awm lohte chu' a tih vangin Sipai Pawlah chuan kan inpe lo a ni a ti.

fela

BRIGADIER NGURLIANA

2009-09-28T21:50:00.000-07:00

Brigadier Ngurliana chuan kum 100 a tling ta a, kum 100 tlin lawmpuina tam tak dawngin chung zingah chuan hei pawh hia tel. Ani hi Salvation Army Office Mizo zinga dam rei ber a ni rih a, tunah hian Aizawl Venghnuaiah a nupui nen an cheng mek.

fela

BRIGADIER NGURAUVI

2009-09-24T04:03:00.000-07:00

Brigadier Ngurauvi hi 1910, vaimim char keh lai, August ni 7 khan Biate khuaah a piang a, A pa chu Dophunga a ni a, Chhakchhuak hnam a ni. A pa hi chutih laia Biate lal Kairuma khawchhiar a ni. Lal mualah, lal in hnaih teah an awm a, lal chuan a ko awl lo mai thin a, chuvang chuan a fanu hmingah pawh Ngurauvi tiin a sa ta a ni.

1932-ah Lt. Sapliana nen an innei a, kum 50 dawn Salvation Army Officer nia an nupaa rawng an bawl hnuah Brigadier niin an retired ta a ni.

Brigadier Ngurauvi hian ziak leh chhiar pawh a tirah chuan a thiam lo va, an inneih hnuah a pasalin a zirtir chawp a, rei loteah ziak leh chhiar chu a thiam ta mai a ni. Ni 18.9.2009 zan dar 8:45 khan Chatuan ram min pansan ta. Ni 19-9-2009 khan Aizawl Temple-ah ropui taka vui a ni.

Retired Officer-hovin a kuang thla an lakpui

He frame hi amah hriatrengna inkhawm Aizawl Temple-a ni 27.9.2009 neihah a chhungte hnenah hlan a ni.

fela

WILLIAM BOOTH SCHOOL OF MUSIC

2009-09-24T03:25:00.000-07:00

Music School chu a la kal ve zel a, zirlai pawh an la awm chho ve zel e. Pu Rintluanga ngaih a that phah deuh nan ka rawn post a ni e.

fela

2nd MUSIC & ART SHOW IN MIZORAM

2009-09-23T03:16:00.001-07:00

India Eastern Territory huam chhunga Fatapukur area-a rawngbawlna turin Aizawl Bazar Corps SAY chuan 2nd Mizoram Music & Art Show hlawhtling takin Vanapa Hall-ah ni 18-9-2009 khan an buatsaih. Pu PC Zoram Sangliana ACSM Dawrpui Vnegthar Corps (Minister of Mizoram) chu khuallian a ni. A buatsaihtute hnenah tingtang tha tak a pe.

Kum 2006, 12 December pawh khan Vanapa Hall vekah hian, Arunachal Pradesh-a rawngbawlna turin, Mizorama a vawikhatna turin Music & Art Show hi an lo buatsaih tawh bawk. Heta tanga an sum hmuh hmang hian a hmun ngeiah zu kalin rawngbawlna tha tak an zu nei a, Medical Free Clinic te buatsaihin, Corps hnenah keyboard, tingtang tih vel an zu pe nghe nghe a ni.

He Show-ah hian Besy Choir, The Leprosy Choir, Baptist Choir te chu Sipai Pawl pawn lam atanga a huhova item rawn hmang an ni a, Group-ah chuan The Vocal Band-ten hun an hmang bawk.

Joseph Zaihmingthanga "Nitin Lalpa, I hnena awm ka duh" tih a sak laiin Bazar Corps SAY thiam takin an lo lam.

Skit on "King of the Heart"

Dance with Kristian. Kristian Lalmuanpuia hian Azawlah lam zirna a sikul a nei.

Mizo Idol top 8-a tla ta, Durtlang Corps tlangval K. Vanlallawma zai pawh mipuiin an chhawn nasa hle

fela

TEMPLE CEILING LEH CHHUAT

2009-09-13T23:02:00.000-07:00

Aizawl Temple chhuat leh ceiling an zo ta a, in lo hmuh ve mai maiah ka rawn tarlang a ni.

A tukverh pawh dinglama miho kha chu alluminium frame, tihtawlh theih chiin an thlak vek tawh bawk.

fela

Lunglen hnem atan tho...

2009-09-03T04:00:00.000-07:00

Kenya lam chawlh hmang rawn haw leh hi an lungleng khawp a, lunglen hnem tur han ziak teh tiin min pem buhbel chawt a, ka han ti ve chawt bawk a ni, hnem zo tak mawle..???

A mak mang’e, zaleng hei zawng zingah
Hriatna, thiamna sang bik chuang si lo
Zoram pela Zofaleng hei zawng kan lo liam thlak le
Tawngmang lah ni si lo, kan her luai luai

Zambia, Kenya, Nigeria, Myanmar,
Mozambique, London leh Lanka nen
Thlangkawrvai pela tuipuiral kai chu
Dawn changin lungmawl lairil a kiu riai riai

Hriat loh sakhmel tawn meuh zawng-
Lung lam kan van ruai e,
Biahthu nem ten hlan zai rel ve mah i
Hlei ten dang si e biahzai, lungmawl kan hawi ruai ruai

Hei chen sam ang then hnu lenrualte-
Biahthu tinkim hlan nan E-mail kan ti
Thaikawi zia tial biahthu hlanin
Anka tel lo thaikawi bawngte hlan liai liai

Tawn leh ni her chhuak thuai se kan ti
Ngaihlai bang lo then hnu lenrualte nen
Hlim te-a senlai nau ang nui za-in
Anka hlana biahthu tinkim hril dial dialin

Chutin mahriakte-a awmkhawhar leh
Lenrual ngaih vanga luaithli nul
A bang tawh ang kimte-a
Khua hmuna kan len hun chuan

LUNGLEN HNEMAH AW!!

2009-08-20T13:02:00.000-07:00

SALVATION ARMY Missionary Mizorama awm hnuhnung ber James Kenedy (chutih laia Major) khan "Mizo hi Lungleng hnam in ni, ruah sur leh lungleng, khaw that leh lungleng..." a ti thin e an ti a. A dik khawp mai. Khawtlang lunglen te pawh kan nei a ni. Ngaih bik hre si lova, engkim maiin lung a tihlen em em hian 'Khawtlang Lunglen' an ti a. Upa chuan mi, chutianga an awm chuan an thih a hnai a ni an ti thin. Kan tleirawl laiin kan rual ute zinga mi pakhat chutiang chuan a awm a, a tap a tap mai thin a, mahse a thi lo, vawiin thlengin a la dam.

Zoram pawnah Lalpa rawngbawlna avangin kan han pil vang vang hlawm chu a ni a, lung chu a leng duh viau a ni ang, tap deuh karh karh te pawh kan awm em ni kha!! kan ram lam thlate hi Major Fela tih dan deuhvin han tar chhuak ila lunglente pawh a lo hnem takin tiila a tizual zawk

anf tih pawh ka hlau hlel love!!!!

Aizawl tlak lama awm in nuala, hengte hi hmuhnawm a lo nih takin, a hmun hmate mi ram angin cham derh durh lo mahse zofate lung chu a tileng ve chiang alawm.

Turnipui mah nise tlai lamah Reiek tlang a liam dawn meuh chuan chhun lamah a satna a hmang da zo tawh ngei a nem duai mai thin a nih kha ti rawh u. an liam ruai ruai mai chuan Aizawl tlak lam fate lung chu a tileng thin a ni.

Ni tlak sarah Motherless Baby Home Solar, THQ Staff building chunga mi chu a eng kulh mai a, Bethel runpui lai vela Temple chungah Eng an hmu an tih kha ni mai hmel te pawh a pu. Mahse a ni lovang, hei hi chu tlai ni tlak sar a mi a ni e.

Sihfa khua hi Sihfa tlang pang, khaw chhak lam hawia awm a ni a, a ralah tlang lian tak pakhat a awm avangin khaw chhak lam a lang zau lo hle. Hei hi Commissioner lalhlimpuiin a naupan tet atanga a thlir thin Sihfa atanga khaw chhak lam thlira a lan dan a ni. Tlang dung lang hla zawk hi Bualpui tlang dung a ni a, a hnai zawk chunga var khamphei deuh raih hi Changzawl khua a ni.

A chunga mi hi Chhawrtui khua, Salvation Army Biak In awm thinna Bung tlang atanga khaw chhak lam thlira a lan dan a ni a. Ka naupan tet atanga ka mitin a thlir fo thin a nih avangin ka lung a tileng hle thin a ni. Veng hmawra Biak In lang hi Army Biak in a ni a. A thlang zela ruam lang khu Tuichang phai a ni a. Vei lam pang tlang kawna khaw lang khi Arro a ni a; Dinglam pang deuhva tlang a chhipa te taktea phir deuh mum deuh pul hi Zuchhiop tlang a ni a, Major Rama pianna khua a ni nghe nghe em kha?

Nikum hmasa khan Guwahati atangin Motorin kan haw chho va. Thingdawl kan tlan pelh laiin Ni a tla fel a. Kan tlan chho zel a, khua a thim ta chhelh chhawlh tih chuan khaw chhak lam atangin fiah em em mai hian Zan lam lalnu, Chhawrthlapui a lo chhuak tut tut a. Motor atanga chhukin kan nghak chhuak ta a, lung a tileng teh asin, ka naupan laia thiante nen kan pawnto hla sak thin - Khuang bulpui, khuang bulpui, A nuam zawng zawng; Zawnga zawnga sa zawng kal dim a meibul ka selah. Lailungte hnenah kang kang buhkan te lawng te lawng e. Fapa duh lai duh lai e, a khi tlangah khian Ainawn tlangah khian Sazuk sial an chhun, ui tangin ar a lak, Neih khawdai a hel. Khawi dangin vi vi a ti, khawi dang hnuaiah puan kan khawngah khawngah, Kaikuang kuang ringsai, Muala pipu pu lerah neihchang sawmi saiah, Pa rawng saithangzai maw, nu rawng saithang zai maw, a pa lu chungah thanzama, a nu lu chungah thanzama, Sa ti mei zing chhem chu deiin duai ah. Hren kaih hren kaih tih lai a, pi sa, pu sa dawng rala, kel sa tih bang a, tuibur rawn hawn bak sang e. Pem ler in khawr inkhawrah, pemler in khawr inkhawr e, muala su dim su dim e, kelte nau awi nau awi e. Pi pu loh lama ral lu ka khai zawnga mei duaiah, zawng chala mei duai ah. Darin thing a phurh, hmawngpui hnuaia thing a phurh, tuite in khuap na riai riau. Ka chhakah, ka chhakah ka zin hlanin ka uiin thleng kuang a luh e, bel a luh a. Lui dunga su keng keng, lui dung su keng thang vapual mei aw lam lam. Lal mualah kel chal rawn kai e, ni awk e, sa awk e, inpui tualah, inpui tualah huanah Tumbu kawrin tangka ban a bun, Lersia te huiah, Pazawna te huiah, Dar khing khai dar khing khai, Chheiraw bak sangi va mak tak em ve aw, lung kaikuang, Lungpui su dim kan hel e, Chungu luak pak chheih khawh!! tih hlate hi min hriat chhuahtir nia. A awmzia min zawt suh u, ka hre bik lo.

He Kuhva huan hi i hmu tawh ngai em? Cachar District a, Salvation Army Corps pakhat Kahrod Corps compound a nih hi. Army nen in hmeh lo i ti deuh mai thei e!! mahse Sumchang thlai awm chhun a ni tlat. Heng intodelhna tura theihtawp chhuaha tan la Officerte hi an fakawm ka ti thin. Mahni hmun hma theuhvah Army property tipuitling turin tan i la theuh teh ang u.

He tlang chhumin a bawm chak mai hi Chalfilh tlang Aizawl lam atanga thlira a lan dan a nih hi. Kan ram tlangte hian zofate mit a la a, an lung a tileng emaw an lunglen a hnem emaw tal a ni thin. Hengte hian i lunglen khawhar a hnem ngei ka beisei e.

MOTOR THAR

2009-08-04T23:13:00.000-07:00

Division-ho motor tur hi a thlalak han hmu ula sawi ai chuan a chiang zawkin a rinawm. Bolero LX 2wheel drive a nih avangin Central North Division chuan lak loh mai ni se, kan hmalai hi a la tha tawk bawk a an ti. Central South lam tan pawh an bialte ngaihtuah chuan a kal theih lohna tur a tam hle. Mahse, Gypsy King (Maruti Suzuki) aiin DC-hovin hetiang hi an duhzawk miau si a, lei a ni ta a ni.

Western Division motor pawh kum rei tak hah taka a lo thawh tawh hnuah, pi leh pu tam tak lo hrawn tawhin, amah atangin mi tam takin motor khalh an lo thiam phah tawh hnuah tunah chuan Territorial Headquarters-ah a hahchawl ta rih e.

posted by fela

Hma kan sawn zel..

2009-07-22T22:38:00.000-07:00

Ndlavela Corps-a kan hmasawnna thlirho atan ka han chhawp chhuak ve e. 12 July '09 khan Sipai 7 leh Naupang Sipai 8 ka lawmlut ve zan mai. Major Fela'n Ceremony English version min rawn thawn avangin a chungah lawmthu ka sawi nghal e.

Naupangte chuan zai chungin platform lam an rawn pan thap thap a...

Thutiam an sawirual hnu-ah lawmluhna..

Hming sign ...

Sipai-a lawmluhte ve thung..

Sipai tharte hi SS kan pe a, kan bel tir nghal..

An hnung amite hi an Godfather/ Godmother-te an ni.

MO KAN NEI TA

2009-07-10T10:50:00.000-07:00

Thian duh takte u,

Mo kan nei ve ta. Thu leh hla lama kan thiampuipa Dr. James Dokhuma tunu, Baby Zothansiami d/o C. Nikhama, Kulikawn chu vawiin 10.7.2009 hian kan inah a lo lawi ta. Kum 25 chhunga Pathianin fanu thar duhawm tak min pekna hmasa a ni a, kan va lawm tak em! Bible-ah khan duli tibotuin a hmuh leh avanga a lawmna chungchang thu kha kan hmu a, duli bo hmu leh mah khati fakauva a lawm chuan, kum 25 chhunga fanu thar han nei hlawl maitu lawmna chu a sang viau vang le!! Kan monu hi Chhakchhuang nu leh pa kara piang a ni.

Mizorama biak in ding rei ber tawh, Central Corps biak in, Kulikawnah Major Siamluaian chawhnu dar 2 khan a inkutsuihtir a, ani pawh re-employed a nih atanga ceremony a khawih lehna hmasa ber a ni bawk. Rin aiin inneih inkhawmah mi an lo kal tha a, biak in pawh kan khat tlat a ni.

Thunawi thenkhat han zep lawk ila. Pi Niangi chuan "Sepa, i hmu tha e, he tiang hi kan duh ve, min lo zawnsak ve rawh" a ti a. U Thartea chuan, "Sepa, thianah min hmang la" tiin a rawn dil sek bawk. Pu Hrangngura pawhin zan khat chu an lo len lai takin kan monu turte chu an lo kal a, "A tihtham khawp mai" tiin a lo comment bawk. Nupui man tumtute 1) A pi, 2) Major Shamu Meitei 3) Major Lianhlira. Kan thawhpui dangte pawhin pawisa fai bakah Disposable plate & cup, buhfai, motor etc bakah Major Hrangnguran innei turte leh an thiante chei turin a fanu Achawii a thawh bawk a, anin man lovin engkim a ti bawk.

Booth Conference Hall-ah chawhnu dar 4 khan mo lawmna hun tawi te hman a ni a, Major Lalnunthara (Babies' Home i/c) in a kaihruai a, Dar 4:30 atangin mo lawmna ruai kilho a ni a, mi 226-in an ei a, kan lawm hle a ni.

Innei tharte nu leh pate ve ve a nih hi.

Booth Conference Hall-ah Major Lalnunthara chu MC zei takah a tang.

posted by Major Vanlalfela

DARJEELING DISTRICT RELIEF

2009-06-05T15:26:00.000-07:00

Thiante u, In lo hre tawh chawk ang a, hmanni deuh hleka West Bengal-a Cyclone tleh lai khan Darjeeling leh a chhehvelah lemin a nasa hle a. Mihring nunna leh In leh lovin a tuar hle a ni. Darjeelinga Commanding Officer tharte In leh a hnuaia Goirls Hostel pawh a chhe nasa hle a. Vanneihthlak takin nunna em an in hloh lo hlauh. Hotuten London lamah rawn report na chang an hre hlauh a, Rapid Response atan US$ 5000 pek nghal an ni a. Captain Vanlaltluanga leh khilaia vela thawktu dangten Relief team siamin Aizawl THQ atangin Major Lianhlira Social Secretary in a zuk pui bawk a. Tanpuina pawh Buhfai KG 50 theuh leh thil dang chi sarih lai tuartu chhungtinte hnenah an sem thei a. Hei vawiina an thlalak rawn thawnte ka rawn pho lang nghal e.

JOB SATISFACTION

2009-06-02T02:58:00.000-07:00

Hraileng leh Nuthai te chhamang zala thlamuang taka tawnmang rama an chen tawh hnu in, ngaiteh kei lungmawlte hian suangtuahna ril zam vel khawvel chu zu luh chilhin zan mu chhin mai zai relloin mahriakten tukhuma kut suiha laikhuma zal chungin siamtu leh a siamate chung chang te,ka hringnun zinkawng chhuk chho ka lo zawh ve tawh dante tu dang ngailo a dawnin tlai khua kalo var ve teh reng a nih chu.

Kan naupan laia kan value system leh tunlai naupangte value system in thlak danglam nasat zia te ka ngaihtuah thin.Keini chuan kut lehlama kurtai emaw chawtlang emaw keng chungin kut leh lamin Sephung kan humkhawm tun a,mihring ek atanga kan laihchhuah phei chu a huai duh bik avangin kan roh bik thin kha ani a. Kaihbu,suktlawng thing emaw herhse thing atanga suih ngat phei chu han 'intawk' nikhua pawh khan kan ding chang deuh thin kha chu a nia.Marble te kha 'Sithret lung' kan ti ngat mai a,tawlailir 'Rel lem' te kha kan hlimna pui berte zing ami chu a ni thin.

Tui-um khirh ngatin tui kan chawi thin a,kan thawnthu ngaihthlak,ngaihnawm kan tih em em te kha Chhura & Nahaiachanchinte,Chemtatrawta,Nuchhimi,Mualzavata,Tlumtea,Rairahtea leh Palo-a te,Liandovate unau tih velte khan kan lairil nun khawharna leh tuihalna kha min chhawk zangkhai hle thin.Tunlaiah erawh heng thilte ai chuan,Pokemante,Power rangerte, Popeye te Tom & Jerry te chu kan fate hriat leh hmuh duh zawng a ni a,Sephungte,kaihbu tih vel chu an hre ta mang hleklo mai.

Thalfavang kawl eng ruih maite,fur khawthiang vuk maite,sikni eng leh daifimte,tlangsam parte;tuahpui leh vau lo vul leh thinte,thalfavang zanthiang chhawrthla eng paw vo maite leh thal romei zam paw chek thinten kan nunah khawtlang lunglen leh zunphurh na min thlen thinte chu tunah zawng a 'relevant' ta hauhlo mai le.E mail hmanga in 'chat' zung zungte,Mobile phone hmanga in 'sms' leh han inbiak pawh maite chu an 'zunphurh thingtinpar leh an khawtlang lunglenna' a lo ni ta! Lehkhathawna kan saptawng thiam zawng zawng telh a a thlum thei ang bera khua hmun leh hmunlo amite 'puar ak' tira ngam leh ngamloa kan va 'approach' ang kha ani tawh lo,TV hmachhawna mipuite hriat vek turin an in 'chhas' thu leh an 'in ban' leh thute chu zak map lovin naupangte te te chuan an puang ta peng peng mai anih hi ! In thlau veng veng tak a ni.

Luite kama Thangthleng kama hlimna vawrtawp nei ve mai thin a in ngaite zingah khan ka tel ve ngawt mai.Tun ang hian kei tehlul hi Pathian rawngbawltu ka ni ang tih reng ka ngaihtuah ngailo.Kanu leh pa ten min tawngtai sak thinnate kha hetiang zawng hian Pathianin a chhang ang tih rin ngaihna reng pawh ka hre lo.Mahse Lalpa,lei leh vante,khawvela leh a chhunga awm zawng zawngte siamtu chuan a rawngbawl turin min lo ko ve mial tlat mai.Ropuina leh thiamna,hmingthatna leh ropuina chhuan tur reng neilo pawh min lo ko duh ve hi mak ka ti thin a,salvation officer,ka ngaihsan em em thinte zinga ka lo tel ve ta mai hi 'mak' tih em em chang ka la ngah mai.

Hei tak hi a ni sawi ka tum chu,'mahni duh zawng tak thawh a lungawina' hi.Mihringte hian a tira kan duh tak pawh hi thawk ila,a hnu ah duhamna avang emaw chapona avang emawin kan duh taka kan hnathawwhna ah khan lungawiloin phunchiarna kan zawng fo thin.Sipai Pawl Officer hna hi ka phuloh leh ka phak loh hna chu a ni a,mahse ka pianthar hnua Lalpa min kohna ka hriat atanga ka hnathawh chak ber ani a,chu mi thawk theia Lalpan min siam ve ta mai hi vannei ka inti ngawih ngawih thin, ka thawh hlawk chiamlo hle tih chu hre mah ila.Ka nih phakloh,ka ei phak loh,ka thutna phak loh,ka chuana phak loh,a tum pawh ka tum phak loh ah Lalpa hian min hruai hi mak ka ti a,chu tak chu a ni,Lalpa rawngbawl hi ka job satisfaction chu a lo ni ngei mai le.

A thui lutuk dawn,duhtawk phawt ila,part 2 na kan la chhunzawm leh dawn nia

Posted by : Capt.Lalramliana Hnamte

CHELSEA FLOWER SHOW

2009-05-30T07:16:00.000-07:00

Thiante u, Tunlai hi Chelsea Flower show awm lai a ni a. Ka thiannu Mamuani (Mrs Rev. Lawmsanga) Birmingham a mi nen kan va en ve a. A hmuhnawm kher mai. In hlimpui ve ka rin avangin hei Army Home-ah ka rawn pho chhuak a. In lo enjoy ve ngei ka ring e. Pangpar mawi tak takte hian nun an tihlim a, Siamtu siam ang angin mawi takin an vul a. An siamtu pawh hian an hlimpui ka ring thin. Bible chuan 'Solomona meuh pawh a ropuina zawng zawng nena a inthuam pawhin heng tuktinpar pakhat tluk pawh hian cheiin a awm lo' a tih kha a dik hlein ka hria. Kan Mizo hla siamtu pawhin zoram mawi a tihna chhanber pakhat chu Parmawi thang vulna ram a ni hi a ni a. Phunchawng, Nauban, Ainawn par, Tuah, Vau, Chhawkhlei Senhri par, Chawnpui par, Samtlang, Dingdi Parmawi thang vulna zoram hmun zauvah a lo ti a nih kha.
An hming chu nia in hriat hriat lo vuah ve tawh mai teh

Lalhlimpuii

HIAMALAYA DIVISION

2009-05-27T00:46:00.000-07:00

Himalaya tlang hi chu naupang te kan nih lai atangin kan hre tawh hlawm a. A tlang sang lai ber pawh Mt. Everest a ni tih pawh kan chiang hlawm hle. Himalaya tlang hi slow motion continental drift-in a siam niin leilung zir mite chuan an sawi a, hriat tham lohvin a la san belh zel ni pawhin an sawi nghe nghe; a chhan chu continental drif hi a la reh chuan loh avangin.

He tlang pangper leh a bulthut velah hian ram hrang hrang a awm a, a ram a hausa a, mihring cheng pawh an tam hle. Tlang sanga vur tuite chuan tuihna tha tak siamin, Brahmaputra leh Ganges luite chu afur athalin kuang khat putin an luang dul dul reng mai a ni.

Himalaya tlang hming chu naupang te kan nih lai atangin lo hre tawh thin mah ila, Salvation Army nen chuan kan hre dun ngai lo va, kan ngaihtuahnaah pawh a awm ngai hek lo. He tlang panga hmun thenkhat - Darjeeling khuaah chuan Deaf & Dumb School kan nei a, Kalimpong-ah Mary Scott Home for the Blind neiin, Namchi (Sikkim)-ah Corps nei mah ila, 'Himalaya' tih hi Chhandamna Sipai Pawlten hming kan phuah chi hrang hrang zingah hian a lo tel ve kan ring phak ngai lo. Mahse, a tel ta tlat mai le!

Nepal rama thingtlang naupangte

Arunachal Pradesh naupang

Tunah chuan he tlang pangper leh a bulthut ramahte rawngbawlna kalpui mek a ni ta hlawm a. Arunachal Pradesh-ah Corps leh centre engngemaw zat kan nei a, Meghalaya-ah Corps hnih a awm a, West Bengal state chhung Fatapukur, Kalimpong leh Darjeeling-ahte kan nei bawk a. Nepal ramah leh Assam ramah pawh rawngbawlna tan a ni ta bawk.

1st April, 2009 atang khan Himalaya Division hawn a ni ta a, Divisional Headquarters chu Guwahati-ah bun niin, chumi hmunah chuan Divisional Commander hmasa ber Major ST Dula leh Divisional Director of Women's Ministries hmasa ber Major C. Malsawmite chu dah an ni ta a. Ni 24.5.2009 khan Colonel Samuel Charan, Territorial Commander-in a dah nghet ta a ni.

He installation service hmang tur hian Shillong Corps leh Madanriting Corps chuan bus pakhat ve ve hmangin an lo kal a. Major Lalthlamuani, Guwahati Centre-a kum nga lai lo thawk tawh leh chinchang lo hre tawh takin inkhawm akaihruai a, Sipai Pawl thian tha, kohhran dang mi tam tak an lo kal a, Baptist kohhran pastor, Regional Director hna chelh mektu pawhin he installation service-ah hian a rawn tel ve. Inkhawm banah inkhawm zawng zawngten tlai takin ruai an theh. Madanriting Corps (Shillong) in zaipawl mawi tak, an Kros Sipai Pu Lalrinpuia (visual handicap) hovin an nei a, ngaithlatute rilru a khawih hle.

Major Lalthlamuani inkhawm hruai leh ruai thehho

2009 May thla thleng hian Himalaya Division chhunga rawngbawltu awmte chu:-
1. Majors ST Dula DC & C. Malsawmi DDWM
2. Major Lalthlamuani i/c Guwahati free food feeding prog.
3. Majors Lalbiaktluanga & Aichhungi, Mary Scott Home for the Blind, Kalimpong
4. Captains Vanlaltluanga & Rebek Rohnuni, Deaf & dumb School, Darjeeling
5. Captains L. Joythang & Lalthanliani, Namchi Corps, Sikkim
6. Majors R. Thankhuma & Romawii, Shillong CO Bial
7. Lieutenants Sharon Rai & Pratna Rai, Darjeeling Corps
8. Lieutenants Isak Lalremruatkima & Margaret Lalrinawmi, Manja Corps, Karbi Anglong, Assam
9. Kros Sipai Lalrinpuia
10. Majors PC Lianthanga & Vanlalchhuangi, Pasighat, Arunachal Pradesh

'Laligurash' - National flower of Nepal (Keinin Chhawkhlei kan tih hi a nih hmel)

'Orchid' - state flower of Sikkim

'Foxtail' - state flower of Arunachal Pradesh

'Kapou phul' state flower of Assam

posted by fela

Dorcas Seminar

2009-04-21T23:36:00.000-07:00

Ni 17-19 April '09 chhung khan Dorcas Seminar kan nei a, South Africa Territory atangin Lt.Col. 3, Malabi, Thalita leh Langa-te an lokal a, kei pawhin ka chhim ve ngei, ka hlawkpui khawp mai. Seminar han tih lemah Hmeichhiate tan bik, eisiam leh thil thui lam zirna a ni ber. Thlalak thenkhat ka rawn vawmbei mai mai e...

Army Flag pawh kan thui

Fish Figgadel

Group photo

TableclothSoapstand

PI LALCHHUANGI HRIATRENGNA

2009-04-06T04:00:00.000-07:00

Army nu, ngilnei leh zaidam, tanpui ngaite tanpuina kawnga chhuanlam siam ve ngai lo, a kut renchhamte thleng phaka phar thin hriatrengna lung chu phun a ni ta (3.4.2009). Mite ngainat hlawh, khawngaihna leh ngilneihnaa khat nu, Pi Lalchhuangi w/o Pu Thangchina, Sihfa hi kei takngial pawh hian ka hre reng ang. Officer atan commission kan nih hlimin, an khaw kaltlang ngai Phuaibuang Corps-ah dah kan ni a. Officer junior leh zakzum tak kha headquarters kal dawnin emaw, haw dawnin emaw mi ina riah a, chaw lam a ngai thin a, kea nihnih kal a nih avangin.

A chang chuan Keifang atang te, Saitual atangtein zing takah, khaw la var hmain ka tho va. Mahni bag akin, Phuaibuang ban hman ngei tumin kein ka chhuak thin a. Chuti ang hunah chuan Pi Lalchhuangi hi ka tan malsawmna a ni thin.

"Chaw in chhum apiangin mikhual pahnihkhat tal thlak kep ziah rawh u" tih chu nu leh pate thupek a nih avangin, an ina tukthuan lam chhoh pawh min tingam sawt a. Puar el euha kan ei bakah chhuna ei tur min la funsak ziah lehnghal. AW! Kha In, a neitupain 'Kan Chhungkaw Entu' tia a sawi thin, nu ngilnei tak awmna kha, 5 star hotel ai pawhin ka tan chuan a thlakhlelhawm a, ka thla a muang thin.

Kha In, liang hniam ang reng tak, a neitupa erawh pa sang tak ni si, a bang thumbawh-kaihsawih, a kanga sak kha ka mitthlaah a cham reng thin. A kawtah buhherkhawl a awm a, favai awm hner-hnur te, ar tla noh nohte pawh kha ka la mitthla thiam khawp mai.

Pi Lalchhuangi thlan
Mahni awmna pana kea ka kal chu an inah tukthuan ei hma deuhvin ka lut hlawl a. Chaw ka rawn ei dawn tih bak chu ti-ti khawchang han sawi tur pawh ka la hre em em lo va. Ani erawh chuan ka awmna te min zawt a. Ka chan chanchin te leh rawngbawlna chanchinte min zawtin min be tlangnel zung zung thin. Zahzum nak alaiin ka han tawngtlem zui a, mi lo thlengtute tan kha chuan ka buaithlak ve ngawt thin ta ve ang.

Sihfa khua
Phuaibuang khua hi luipui pahnihin a dan, Tuivai kuala awm a ni a. Saitual lam leh Darlawn lam atangin ka kal ber thin a, 'W' anga kea nihnih kal a ni a. Chawhma chhuk, chawhnu chho a ni ber e. Mahse, chak vanglai deuh a ni bawk a, nikhat kalah ka hmang thin. Amah ka hriatna leh kan Phuaibuang awm hi a inzawm tlat avangin, Phuaibuang khaw kalkawng nen ka han ziahpawlh mai a ni e.

Lungphun ni hian Pi Lalchhuangi chanchin ziahna 'Kan Chhungkaw Entu' tih lehkhabu tihchhuah a ni bawk. Pi Lalchhuangi hi Commissioner Lalhlimpuii nu a ni e.

Hriatrengna Lungphun ruai an buatsaih chu mi tam takin kan ei a, puar leh tlai takin kan ei hlawm.

photo & posted by fela

THE FIRST GRANDCHILD

2009-03-31T21:13:00.000-07:00

Tin, ngaiteh, kumthar tuk chuan hma takin ka tho va. Mahse, mi naran tana kumthar ni lo, tangka kumthar ni a ni a, April Fool a ni bawk a. Kulikawn atangin Chaltlang Lily vengah ka tlan nal nal a, naute thar en tur ni lovin, a thla la tur zawkin. A thla chu ka la a, hei, Ruth Vanlalremruatfeli, Colonels Lalzamlova & Nui-te tu hmasa ber chu. A mit chu a lo keu tawh ngei e. En rawh u le.

A pa, Tetean a pawm, a duh ve hmel khawp mai

A hnar pian ziate pawh hian chhun a nei em?

A kutzungtang erawh chu a sei ve sel reuh va

A kephah a hlai dawn em, a pi iangin

A chalte pawh ngun takin en ila....

A video pawh hi khawvela film hmuhnawm ber a ni ve thei tho, Oscar Award dawng tlak khawpa tha a ni.

photo & posted by fela

'Ka Nu' a protrait, acrylic on canvas

2009-03-29T23:13:00.000-07:00

Kum 2009 Chapchar Kut denchhen khan Vanapa Hall-ah Art Fest a awm a. Lemziah dan tlangpui an inzirtir a, an inziahsiak bawk a. Junior category-ah he milem 'Ka Nu' tih hian lawmman pakhatna lain, a ziaktu Angela Lalruatfeli d/o Major Lalhmingliana hnenah certificate leh pawisa fai cheng 3000 pek a ni.

A ziaktunu mi hrilhdanin, 'ka nu' milem hian entir a nei a. A insu thin a. Eirawng a bawl thin a. Naute a enkawl a, a hrai thin a. Army flag leh globe lo lang hian khawvel huapa rawngbawltu leh hnathawktu a ni tih a entir a, flag hnuaia thil dum pathum khi an unau thum an ni bawk. Globe leh flahg inkarah khian Bible lem a awm a, chu chuan eng hnathawk nge tih a entir bawk.
photo & posted by fela

Hmeichhe Lukhum Hi

2009-03-25T10:49:00.000-07:00

African Salvationist-te hian uniform hi an ha tha khawp mai. Kim biaiin an inthuam thin a. A hmei-a-pain lukhum hi an uar a, an inhmeh em em thin. A bikin hmeichhiain lukhum an han khum vah hi chu an smart-in an zahawm hliah hliah. India Easterm Territory-a Sipai te pawh khian uniform kan ha tha a, kan 'uar' lutukna lamah cradle roll-a la awm te chenin kan inhaktir a. Junior soldier-te pawh hian Sipai puitlingte hak ang ha loin 'SS' te deuh zawk an hman hi a nih dan tur ni zawk awm a ni. Nge kan territory (IET) hian hemi chungchangah hian inkaihhruaina dan danglam bik kan nei zawk?

Ka sawi lan duh ber zawk erawh chu IET-ah khian Army hat (lukhum) hi hmang uar ve ang u, a nalh em em si a. Pi (Major) Hlu-i of Nairobi chuan a khum theihnghilh thin thu kan nu a rawn hrilh ru a. Tih than loh chuan heti hi a ni thin reng a ni. Mahse kan mawipuiin kan la thiampui ve em em ang. Hetiang hi a ni mai dawn asin!!

Inhmeh ve tho mai!!

ICO experience

2009-03-01T15:30:00.000-08:00

Rawngbawlpui duhtak te u, ICO atangin chibai u, January ni 14 2009 atangin ICO ah ka lut ve a, kar 7 lai kan hmang tawha, malsawmna tamtak in mi tawngtaipuina zarah ka dawng ani. chuan, kar khat kan la nei meka, kan I.S/ZSWM Mizoram mi ngei mai kan nei hi a vanneih thlak khop ani, delegate thenkhat kal na tur hrevelo riangvai tam tak an awm laiin, kei chu london mi ho ang maiin week end velah chawlhna ka nei thina, an nin thahnem ngai tak leh hmangaih takin min lo fuih/tanpui/chhawmdawl thina, Pathian hnenah lawmthu ka sawi, a lawmawm top. bakah, lecture leh Bible study te a tha thei khop mai.

tawng thiamlo ve tak tak te an awma, nuih zatthlak awm ve tak tak te, mahse tawng thiamlohna kha engmah tim phah nan leh inthlahrun nan an hmang eihlo. mizo te poh kan la kal ve zela ang tih ka ring, Pathian tana rawngbawlna tha zawk tur vanga kal kan ni maia, chuvangin engvang mahin in thlahrunna tur leh insitna tur te emaw a awmlo, kan dawn theih tawk thlarau malsawmna leh kan theihtawka thahnem ngaia thil tihnaah kan tih hi Pathian rawngbawlna atana kan tihtur poimoh tak ani. kei poh Pathian zarah ka mualpho lo a. chuan, lung a leng duh khop mai, Kan I.S leh ZSWM te min rawn phone thina, a lomom duh hle ani, min rawn phone loh deuh chuan an bat ni awm tak eng tizia nge te kalo ti hman thin, a chhan chu hmelhriat an awmlo si, a reh si, nunphung in anglo bawk si. mahse, Pathianin min awmpuina leh hmangaihtu min pekna a vangin ka lawm em em ani. ' Lawmna kim chu rawngbawlna hi ani' Khovelin min hrelo, Amah(Pathian) an hriatloh avangin, tih te hi ka testimmony, min hrelo tu lakah hian eng mah chhenfakawm phut tur kan ni love.

Major Lalnunsangi (manuni)

Orissa Christian tihduhdahna

2009-02-20T14:32:00.000-08:00

Orissa tih hrim hrim pawh hi Kristiante tan hming raptlak tak a ni ang tih ava hlauhawm em!! Kum tamtak kaltaah khan Phulbani District tuna Kandhamal an tih takah hian kristiante tihduhdahna a thleng tawh a. Chumi tum chuan mihring khawih lovin an Biak Inte tihchhiatsak an ni a. 1999 January ni 23-ah khan Dr Graham Staines leh a fapate pahnih Phillip-a leh Timothy-a te chu an Motor chhunga an mu lai hal hlum an ni leh a. 2008-a Kandhamal District chhunga Kristian zawng zawngte chu an theih theih thatin an pawngsual bawk a. Biak In chauh ni lovin Mi mal Inte pawh tih chhiat vek a ni a. Fahrah chawmnana In pawh an zuah chuang lo.

Kandhamal District chhunga tribal hote hi hman lai chuan mihringa inthawi thin an ni a. An eizawnnaber chu Tengtere hi a ni a. An Tengtere te an rah that theih nan mihringin an inthawi thin a ni. Chu chauh a ni lova, helai biala Pan an tih hnamhote hi Bristish hun lai khan Criminal tribe an tihte zinga hnam chi khat an ni a. Mi pangngai an nih theih nan Salvation Army-in theihtawp chhuahin an lo enkawl tawh thin a. Puan tah te, Capenter hnate leh thil chi hrang hrang an eizawnna tur atan an lo zirtir tawh thin a ni. Chunglaia an enkawl dan chu Log house an tih mai Thing hlira sak In chhungah tlaitin mipa kum 14 atanga kum 60 thleng chu an khung khawm ziah a. A tukah hna thawk turin an chhuahtir a, tlaiah Roll call an nei leh a. Kim lo an awm phawt chuan Policein an umzui nghal vat thin.

Nikumah kristiante tihduhdahna a lo thlen khan Kristian tamtak chu ramhnuaiah an tlanbova, chuta tang chuan thenkhat chu mel 200 chuangte kea kalin hmun him an thleng a. A tam zawk tlan chhe ve thei lote chu sorkarin la khawmin Camp parukah mi 55,000 vel zet chu an khung khawm a. Chung chu Sorkarin an chawm ta a. Camp atang pawh hian mi thenkhat chhungte leh hmun him pana an chhuah nual avangin an number a tlahniam zel a. Tunah chuan camp pawh pathum chauh siam a ni ta. Heng campa awmte enkawlzui zel dan tur hi engmah a la chiang thei lo. Camp pathum zinga pakhat Tikavalli an tihah chuan 500 an la awm a, chung zinga 150 chu salvation army an ni.

Heng campa la awmte hian thlamuantu an mamawh hle mai. January thla tawp lam khan Mizoram Kristian hruaituten an pawisa khawnkhawmsak Maktaduai chuang lai kengin an zuk tlawh chhuak a. an zingah hian major Lianhlira Salvation Army social Secretary pawh a tel nghe nghe a ni.

Heng kan mite tlawha thlamuan tur hian February ni 10 khan Bubhaneswar atangin kan chhuak a. Territorial Commander, Divisional Commander leh Officer dang pathumin min zui a. Cara Darkar 6 chuang kan tlan hnuah Tikavalli camp chu kan han thleng a. Permit lakna tur hotu tumah an lo awm loh avangin Gate-a Sipai dutyte dilin kan mite leh hruaitu thenkhatte kan ko chhuak a, Gate pawnah kan in chibaiin mittui tla zawih zawhin kan in pawm a. A lungchhiat thlak duh hle mai. Tawngtaihonate neiin engemaw chen kan titihova. An pocket money tur tlem azawngte kan pek fel hnuah kan tinsan leh ta a ni. Orissa state chhunga salvation Army Officer awm zawng zawngte chu ko khawmin an DHQ hmun Angul-ah ni 11 February-ah Inkhawm ka neihpui a. Thlamuanna thute sawiin hun tha tak kan hmangho. A tuk Ni 12 chuan Bubhaneswarah Kandhamal District atanga tlan chhe chhuak Salvation army mi leh sa Chhungkaw 34 te nen Inkhawmna hun tha tak kan hmang leh a. Tuman chibai mai an duh tawk lo, mittui tla chungin min pawm vawng vawng mai a, insum a har khawp mai. Thlamuantu an mamawh a ni. Anmahni thlamuanna thute sawia tawngtaisakin kan tinsan leh ta a.

Anmahni chhawmdawlna tur ruahman turin a bialtu Territoryte ngen leh hriattir an ni a. Reiloteah ruahmanna fel tak an rawn thawn theih thuai ka beisei.

1971

2009-02-16T00:27:00.000-08:00

He thlalak hi Silchar-a Major Sawichhunga awm lai, 1971 kuma Krismas Carol-ho an ni. He thlalakah hian Pu TKA, Pu Nghaka, Pyu Jessy Lalrova leh a nupuite pawh an tel.
posted by fela

A HAPPY PROSPEROUS 25th WEDDING ANNIVERSARY

2009-02-12T21:23:00.000-08:00

Kan thianpa Zamlovate nupa chuan ni 17.2.2009 hian an inneih kum 25-na champhapa an thleng ta. Kan lawmpui e. Bible-in 'nupui hmu chuan thil tha a hmu a ni' a tih hi a dik ngawt mai. Kan thianpa tan hian a nupui hi a tha em em a, Pi Nu-i tan pawh a pasal hi a tha em em bawk. Kum 25 chhung hian mi dang duhzawk an nei lo ve ve a, chu ahnehin an induhzual tulh tulh zawk a ni.

Kum 25 kalta khan khatih laia Captain Sangchhunga chuan a inneihtir a. Tawngkam dang deuhvin sawi ta ila, innei turte leh Pathian inkarah palaiin puithiam hna a lo thawk tawh a. Kum 25 chhung inneihna hlawhtling tak a lo thlen takah hian a inneihtirtupa tan pawh a lawmawm ngawtin a rinawm. Innei tam tak hi chu an thlalak chhuah hmaa lo inthen leh hman tate pawh an awm nawk si a.

Inneih Silver Jubilee an lo thlen hian Golden Jubilee (2034) thleng leh turin kan duhsak a, chumi zawhah Diamond Jubilee (2044) thleng leh turin duhsakna kan hlan zui nghal bawk a ni. Chumi hunah chuan thianpa hi kum 82 mi a ni tawh ang a, a chal chu a kawlh thui tawh viau ang chu (lol). An inneih Diamond Jubilee chu an tu leh faten an lawmsak ngei ang a, keini pawh kan tel ve thei ngei tawhin a rinawm. He blog-te hi kan enho leh ang a, kan lung a va leng dawn em!!

Proclaimers of the Gospel Session, nupa tuak thum lek (Col. Lalzamlovate nupa, Major (Dr) ST Dulate nupa leh Major Vanlalfelate nupa) ah hian thil inang a awm nual. Mipaho hi kan piankum a inang vek a. Nupui neih kum inang. Training College-a kan luhin zirna lamah pawh kan thlen chin a inang tlang. Training laiin fa kan nei theuh bawk. Officer training thei chin atan HSLC passed chin tih hnuah second batch kan ni. Kan hma chiahah chuan Major Lalrinlianate nupa chiah an ni thung.

In inneih kum 25 champha a lo thlen hian in induhte zualin, in inhmangaihte pawh Isuan tui wine-a a chantir ang khan lo pung deuh deuh sela, chu chuan Pathian tana in thawhnate tizual deuh deuh rawh se.

"Nupa tuak tharte Pathian malsawm rawh se"
"Amen"

posted by fela

NEPAL LAMAH THUNG AW

2009-01-28T12:35:00.000-08:00

(Khatmandu-a Salvation Army Fellowship Memberte)

India Eastern sipaiten Nepal ramah chanchin tha thlen tura kan vei tanna hi a rei ta viau mai. Kum 20 lai kal taah khan Outreach Evangelism Secretary ka nih laiin Nepali mi N E Bualpuia piangthar Salvation Army zawmtute hruaiin ka zuk tlawh a. Kan luh hmain Siliguri-ah ro kan rel a, kan thutihthluk dan chuan Ka thiante pathum chuan anmahni khua theuh an tlawh anga, rawgbawlna tan theih a nih dawn leh dawn loh an thlithlai ang a. Kei erawh chu Khatmanduah ka tlang anga. Hapta khat hnuah Siliguri-ah bawk inhmukhawm lehin report kan inpe tawn ang, kan ti a. kan tum ang theuhvin tluang takin kan kal a. Ka thiante report pawh a ngaihnawm hlawm khawp mai a. Beiseina sang tak kan nei. Kei erawhchu ka beidawn ang reng hle mai a. Kalimpong mitdel Schoola kan thawh laia kan thawhpui Tawngtheilo School lama thawk Mr. Solona, Nepala Every Home Crusade-a thawk chu ka va zawng chhuak a. A inah min hruai a, 'kan office lawk ange aw' a ti a. A carpet a hlim a, a chhuata bungraw thuhrukna a lo neih chu a zuk hawng a. Type writer leh office bungraw dangte a phawrh chhuak a. An type zung zunga a zawh veleh a dah leh a. Carpet a phah hnan leh thlap a. Christiante chu chutiang tak chuan an lo chep a lo ni a. A bungrua Office lam thil engmah police in an hmu tur a ni lo. A hna te a tih zawh hnu chuan kan chhuak a, kawngka kan pel fel chauh tihin a mite zinga mi pakhat thingtlang lam atangin a lo kal a, 'ka thiante pahnih an man a, tunah hian thana an panpui mek' a rawn ti a.

Heng hi ka vawikhat zu kalnaa ka experience a ni a. A tih dan tur ka van hle mai a. Pathian hnenah ka tawngtaia, ka rilrua lo lang taber chu an lal chhungkaw thlalak leia tawngtaisak a ni a. Tichuan Market atangin Lal chhungkaw thlalak ka lei a. Chutih lai chuan Aizawlah Nauhnuchham In hlui, tuna Staff Quarters building din taknaah khian kan awm a. Kan sitting roomah Nepal Lal chhungkaw thlalak chu tarin nitin kan chhung Inkhawm apiangin Nepal ram tan kan tawngtai ta a. Kum khat kan tawngtai hnu chuan Nepal ram chu 'Democracy a ni dawn ta' tih TV in a rawn puan zan kha ka mitthlaah a la chiang hle mai. Pathian hnenah lawmthu kan sawi a.

Hman kum deuh khan Commissioner Lalthanngura te pawhin TC an nih laiin an zuk tlawh bawk a. Tunhnai deuhvah Captain Richarda te nupa a ram thlithlai turin Appointment pek an ni a. Richarda te awm laia ka han tlawh leh chu thil a lo danglam ta hle mai a. Beiseina thar kan neih belh zel a. Nikum 2008-ah kan han tlawh leh phei chuan Inkhawmnate kan nei ta hial a, ava ropui em.

(Above: Kan nu dinglam a mi lehka hmaa mi hi nupa an ni a. Fellowship

enkawltute an ni)

(Right: First Floor hi Khatmandu a Army-in Inkhawmna atana an luahlai a ni.)
Kan Generalin Nepal ram chu Salvation Army din a remtiin a thawktu atan Major Lalsangliana te nupa tuna Darjilinga thawk mekte chu a pawm fel ta. Ni 15 April 2009 ah an hna hi zawm tura tih an ni. Lalpan a hmana Army nghet taka an phuna a, thlaraubo tam tak man an nih theih nan leh tanpui ngai tam takten Krista malsawmna tisa leh thlarauah an dawn nan i tawngtaisak ang u.

Lalpan kan mamawh min pe zelte hi ava lawmawm em. A hnuaia thlalak tlar hmasa veilam a mite nupa hi Keshav a te nupa an ni a. Keshav a hi a nu Kalimpong Mitdel School-a matron thin a ni a. Amah hi Company director a ni a. A nupui hi Nurse a ni a, Behala Salvation Army girls Home chhuak a niin Punjaba Salvation Army Hospitala Nurse zirzo a ni a. Tunah hian International Schoolah Nursein a thawk mek a ni a. Tlar hnunga a li tak a mi hi an fapa naupang zawk a ni a. Zirlai a ni a. A u in chinaah Medical lam a zir mek bawk. Anni chhungkua mi zahawm tak Nepali hnam tha sipai pawl nisa helaia Lapan a lo phunte hi army tana a remruat a ni e tih loh rual a ni lo. A henah lawmthu awm se.

MALDIVIES TAN I TAWNGTAI ZEL ANG U

2009-01-23T02:00:00.000-08:00

Sri Lanka Chief Secretary hnen atangin tun hnai lawka First Lady of Maldivies in Sri lanka a tlawh thu kan lo hmu. Hemi tum hian hun chep tak karah Social centre engemaw tal tlawh a duh avangin Sri Lanka sorkar chuan an han ngaihtuahin Salvation Army Children home chu a tlawh turin an thlang a. Hetianga sorkar rin nih hi a lawmin a ropui hle mai. Sri Lanka Army hruaitute kan lawmpui hle a ni. First Lady chuan a tlawh ta ngei a. TC awm loh lai a nih avangin Chief Secretary leh Officer dangten an tawiawm a. First Lady hian ropui a tiin a tuipui hle a ni awm e. Chief Secretary chuan Maldivies ah pawh hetiang lam hnate hi tan tura min duh chuan Army kan in peih reng e a ti a. First Lady chuan 'ka pasal ka lo sawipui ang' a ti. Maldivies tana tawngtaina poster hi Sri Lankaah an nei a, IHQ South Asiaah pawh kan tar a. First Lady tlawhna hi Lalpan kan tawngtaina a chhan tanna a ni mai thei a ni. I tawngtai chhunzawm zel ang u.

HUNTE AN LIAM ZELA.....

2009-01-15T01:41:00.000-08:00

Teremi d/o Major K. Biakthuama, Siama s/o Major Siami(Rothangliana P.G), Kate-i d/o Major ST Dula, Tima s/o Colonel Lalzamlova. 1985 kuma Training College nauteho an nih hi.

Tunhma kan thlalak ai khan tunah hian kan hmel a tha zawk vek a, chuvangin rawngbawltu nih hi malsawmna a ni. He thlalak hi Cadet Lalhriatpuian Commission a la lai a ni e. 1984 kum a ni ang.

Pu Hmingliana CSM (R), Lamka Corps, Manipur. A pioneer salvationist in Manipur state
posted by fela

KRISMAS THILPEK

2009-01-13T00:29:00.000-08:00

Territorial Headquarters, IET leh Corps Band-te tangkawpin Red Kettle Appeal (Krismas Carol) neih a ni a. Aizawl khawpui chhung hmun hrang hrangah neiin mipuiin an hlut hle a, thilpek pawh a tla tha hle a, a vaiin Rs. 105,000.00 a tling a ni. Major Lianhliran a ti alawm, "Khatla kawnah kan lo awm a. Nu pakhat bazar kal tur chuan thawhlawm a thlak a. A va bazar a, a thil lei tur a insum leh deuh a ni ang, a haw lamah a rawn thlak leh a. A tukah Milennium Centre kawtah kan ti leh a. A lo kal leh a, a rawn thlak leh tho".

Mipui hnen atanga thawhlawm tlingkhawm atang hian Aizawl khawpui leh a chhehvela khawsak harsa chhungkaw 132 hnenah buhfai 10 KG, Tel litre 1, Cake leh Rs. 150.00 theuh pek an ni. Tanpui turte hi CO ten an bial atangin an thlang chhuak a, Sipai Pawl ni lote hnenah pawh pek tho an ni.

Ni 24.12.2008 zing dar 7:00-ah Territorial Headquarters kawtah Territorial Commander Colonel Samuel Charan-an a dawngtu tur hnenah a pe hmasa ber a, chumi hnu chuan motor 4 hmanin veng hrang hrangah kal chhuah a ni. Chhun dar 2:00 velah sem zawh hman a ni.

Buhfai 10 KG, Tel 1 litre, Cake, Rs. 150 cash
posted & photo by fela

2009-01-11T11:37:00.000-08:00

REDSHIELD SERVICE: He thlalak hi a fiah vak lo naa in hmu thei ang chu maw!! Chanchin ropui tak a nei a ni. Tunhnaia maia Mumbaia Taj Hotel Terrorist in an beih kha Salvation Army redshield Guest House atanga Yard 100 emaw leka awm a ni a. Kan Missionary Officer hmanlai a mite khan fiamthuin kan Redshield Guest House chu 'Taj Annexed' an lo ti thin a ni. Salvaton Army danglam em emna chu khawi hmuna mite pawhin hotute tirh leh hrilh ngai miah lova, tih tur tul kan hmu chhuak zel mai hi a ni. Taj Hotel Terrioristten an beih khan a velah sipai. Police leh Balck Cat te tih loh chu awm phal a ni lova. Chuvangin Sipaite tan khan hotel chaw han lamna turte emaw thingpui han lamna tur emaw Restaurant engmah a in hawng lo. Redshield-a kan thawktute chuan Sipaiten ei tur an mamawh a ni tih hriain inkah rengna karah an nun thapin Thingpui leh snacks an lo sem ve ziai ziai a. An huaisen ngei mai. Army kan nih ang leh Redshield service dik tak a ni tih hriain an thawk a ni. Indopui lai pawh khan Army member tamtakte chu Indona karah thingpui leh ei tur chi hrang hrang semin an thawk thin a nih kha. Mumbai Redshield thawktute chuan Gas an tla chham ta, Gas semtuten helai bial atan hian an lo pe chhuak phal si lo. Police lamin an lo hriat chuan a rang thei angberin an thawk phei a, Army Redshield ta tur Gas an va laksak a ni.

NEWS

2009-01-11T11:17:00.000-08:00

NEPAL: He thlalak hi Nepala Salvation Army Fellowship memberte an ni. Inkhawm hlimawm tak kan neiho. Mr Anil-a Partial Blind in he fellowship hi a enkawl a. Inkhawm hlim tham tak an ni ve tawh. India Eastern Territory in kumin 2009 chhung hian Officer tuak khat pek theih an tum a, a puan theih tep tawh ang. Lalpan ram min zauhsak zel hi ava lawmawm em! A hnenah lawmthu sawi chungin thawktu turte leh heng kan memberte tan hian i tawngtai zel ang u. Mr Anila leh a nupuite hi Kalimpong Salvation Army School for the Blind a zir thin an ni a. Tunah fa pakhat neiin an mitdelpuite chhungkaw ruk lai nen Agarbati siam eizawn nan an hmang. Army kan luh mumal theih hun chuan anmahni chhawm dawl hi kan social work hmasa tur pawimawh tak a ni ang.

Fatapukur khawmpuia kan lam lai thla hi kan dauh ve reng reng te ang, kan hlimzia a tilang ve alawm!! Major Thangkhuma Shilong CO chuan SAY khawmpui aiin nuam ka ti zawk a ti, a lam nasa hle a ni. A tawp zan phei chuan zan dar 12-ah an lam tawp thei tawk a ni. Lalpa chu fakin awm rawh se. Himalayan Regionah Lalpan heti zat sipai tha rmin pe a, Thlarauva a chenchilh tlat mai hi ropi ka ti tak zet a. Kan tawngtainaah i hre rng theuh ang u.

Kumthar Chibai u,

2009-01-11T10:22:00.000-08:00

Langtlang unau zawng zawngte Kumthar chibai kan buk a che u,
Kan zin chhungin kan rawn lang thei lova tunah chuan dam takin London kan thleng leh ta a. In Christmas leh Kumthar chibaite avangin lawmthu kan sawi a, Kum thar 2009 atan kan duhsakna sangber kan hlan theuh a che u. Thiaman further study a ti thei tur hian min tilawm hle mai. 'Lalpa rawngbawl hi channa emaw tia pawm ngam loten engkim an chan a, engkim huama pawmtuten engkim an neihbelh a ni' Lalpa chu fakin awm rawh se.
Africa khawmualpuiahte hial Christmas hmangho tur kan han awm ta te hian min va tilawm em. Thalai huaisen tak tak kan nei che u hi kan lawmin kan chhuang hle che u a ni. Lalpan Mizote min mamawh a, khawvel in dap chhuak teh ang aw!! awm hmuna in phun sep sep ringawt mai zawng a ninawm tawh e. Zau zawka rawngbawlna lam hi i uar zel teh ang u. Kal thar tur an awm zel a, a lawmawm khawp mai.
Pu zamlovate mo nei kan lawmpui a, kan te ve thei ta lo erawh pawi kan ti hle. lapan nupa tharte malsawm rawh se.
Fatapukur Soldiers Rally thlalakte Fela a lo dah nual tawh a a lawmawm e. malsawmna tamtak kan dawng a ni. He khawmpui pah hian Kalimpong, Darjeeling leh Sikkima khawhar taka kan rawngbawltute kan tlawh thei kan lawm hle. An inpekna sanzia in min cho in min tilawm em em a ni.Hindi, Bengali leh Nepali hla pawh kan thawktute hian an thiam vek mai kan va chhuang tak em. Sipai khawmpui ah hian sipai 300 chuang kal tur kan lo nei reng mai a. Chubakah Ringlo mi 93 laiin regular taka an rawn chhim chuan min tilawm leh zual a. Lalpan Thlaraubo min mantir zel dawn iin kan hria. Pandal mawi taka siamtu contractor chuan khawmpui a a telve avang hian malsawmna dawng hlein a in sawi a, contract pawh paruk a rualin ka hmu a ti. Darjeeling chuan chhungkaw thar 3 an neihbelh nghal bawk.
Thlalak tlem News atan ka rawn telh ve e.

Krista tana in dopuite
Kiamlova & Puii
Commissioners

MO LEH MO NEITU

2009-01-08T22:18:00.000-08:00

Mo leh Mo neitu tiin kan sawi thin a. Mahse, Mizo tawng kalhmang ngun taka ngaihtuah chuan Mo neitu nia kan puh tak ber hi a dik chiah lo niin a lang. Mo neitu chu nupui neitu kha ni lovin, nupui neia nu leh pate kha an ni si a. Ceremony buah leh hlaahte pawh Mo leh Mo neitu tia sawi an ni nachungin, a dik hlel deuh a ni.

Mo tih hi chu a dik a. Mahse, Bible tawng atang chuan MO hi hmeichhia an ni kher lo. Krista Mote kan ni, kan tihah hian MO hi neuture gender a nih a rinawm.

Engtin nge Mizo tawngin nupui neitu chu kan sawi tak ang. Mopa tiin sawi ta ila, a dik tawk lo ti tam tak an awm awm bawk si. Mahse, monu tia kan sawi pawh hian Mizo tawng kalhmangah chuan pasal neitu kan sawina a ni a, pasal neitu nu tihna a ni lo. Bawihnu, bawihpa tih pawh kan Bible-ah a tam hi. Chuvangin a awlsam zawngin, monu, mopa tia sawi mai hi a tha viau a ni.

A mo neitu ber thianpa Zamlova ai mahin ka lo hmanhmawh a, ka rawn tarlang ta mai a ni e. Tunlai hian mipa tam zawk chuan an nupuia nu leh pate hi 'ka nu, ka pa' tiin an ko va. Tam tak chuan Mizo dan pangngai ang a 'ka pi, ka pu' tia ko an la awm bawk. Hei pawh hi 'nu, pa' tih ai ngawt chuan 'pi, pu' tih hi a hlu zawkin a sang sawkin a lang. Mizo danah chuan nu leh pa, u leh naute chu tuithlar theih an nih laiin pu erawh chu tuithlar thiang a ni lo va, theih pawh a ni lo a ni. Heta pu tih hi puzawn chu a ni kher lo mah se, pu nihna hi chu nihna sang tak a ni.

Mo nei tam zawk hian 'mo pawh kan ti phal lo, fanu kan ti zawk a ni' an ti fo. Hetah pawh hian fanuhlutna a awm a, famo hlutna a awm bawk. Famo hi fanu aiin a hlu lo chuang lo va, dik tak chuan a hlu zawk mah a, neitu chan a chan zawk mah asin. A chhan chu phunthawh (hnam, chi leh kuang bo) meuhvin a pasala in leh lovah a rawn lut a ni. Fanute erawh chuan engtikah emaw pasal neiin mi inah, mi chi leh kuang hringtu (hringtu tih ai chuan paitu tih a dik zaw mah mai thei) an va ni ve leh mai dawn si a.

Hmeichhiain pasal a neih hnu thleng pawha a hnam hming a la chhawm reng pawh hi a dik chiah lo niin a lang. Ralte-in Sailo hnam pasal a neih chuan Ralte a hring lo va, a dazat (anglo) a hring lo va, Sailo dik tak a hring a ni. Pasal a neih hnuah chuan a hnam hmasa kha bovin, a pasala hnam zawm ta se a dik zaw phianin a rinawm. Hetianga ti hi Mizo hmeichhe zingah pawh an awm. Hei vang hian a nia chhim lamah pawh hmeichhe man a to nachhan chu. Hei hi Pu man emaw Phunthawh emaw emaw an ti a. Hmeichhe pu khan a chi leh hnam bo tur manah khan a duh zat zat a phut thin a ni. Cheng zahnih ni sela, cheng zahnih aiah silai ka la ang a tih chuan a inhen tawk tihna a ni mai. Cheng zahnih aiah bel khap thum ka la ang pawh ti se, a inhen tawk a ni leh mai. Phunthawh manah hian engmah bituk leh inphu tawk duansa awm ngai lo.

posted by fela

FATAPUKUR

2008-12-22T21:22:00.000-08:00

A hnuia mi hi kan pawl ram ni reng chu siin, a hung laiin an lo hung tel lo va, tunah chuan nei let leh tur chuan dan hmanga beih ngial a ngai tawh dawn a ni. Chet lak hmaa fimkhur hi a pawimawh hle a ni. Fatapukur Corps compound vel kan hotu lianten an thlir.

Fatapukur Corps CO's quarters. Commr. Lalthanngura hun laia sak leh a hawn a ni.

Fatapukur Corps biak in, hei hi chu Northern Territory hnuaia an awm laia sak a ni

posted & photo by fela

Reports

2008-12-11T04:17:00.000-08:00

All African Christian Council of Churches Assembly vawi 9-na kan ramah kan thleng a, South Africa atangin Band rual an lokal a, Chawlhni khan Salvation Army-ten marching neiin hma kan hruai chu a nuam ve khawp mai.

8th, Dec,(Mon.) tlai khan Maputo Shopping Centre-ah Carol service kan nei a, Band-in Krismas hla an play-te chu ka thiannu nen kan lo sakpui a, mipui an tam a, Band kara han zai chu a ring mawh bawk nen, theihtawp chhuahin hrawk phiar tawng tawngin kan zai ve bawk a, “Kristian hla sak an phal lo ania”, tiin min rawn khap leh pek a, Away in a manger, Joy to the World, Silent Night tih velte chu kan sa chak ngang bawk si a, hmui chipin kan la Hm Hmm hram a…

CHHAWRTUI

2008-12-05T00:26:00.000-08:00

Pu Rama Blog thar lawmpui nan, a lung tileng em emtu, Chhawrtui khaw thlalak hi tarlan a ni e. Chhawrtui hi hla thuin engtin nge an dah ka hre lo va, 'Chhawr khawpui' an ti nge 'Tui khawpui' an ti zawk? 'Vangkhaw Chhawrtui' pawh an ti mai thei a ni. Pu Kiamlova te, Pu Ramate hi he khuaa naupan lai hun hmang an ni a, vawiin thleng pawh hian an mumangah an la hmu fovin a rinawm.

Khawpuia naupan lai hun hmangte aiin thingtlang khuaa hmangte hi an awhawm zawk a, sawi tur an ngah a, tawn hriat an ngah a, Mizo nunphung leh hraite an zir chhuak hnem zawk bawk. posted by fela

Nau lawm ila...!!!

2008-12-02T22:35:00.000-08:00

Nizan-ah Mobile atangin mail ka check a, Colonel Rama'n Blog a nei thar ta tih ka han hmu thut mai chu ropui ka ti hle mai a, blog thar tlawh hlan ka nghakhlel hle mai. Langtlang unaute awmkhawm ila a lawm nana han lam zawr zawr mai pawh ka chak hle mai. A post hmasa ber pawh a ngaihnawm nghal hle mai.

Colonel atang hian keini naupang zawkte hian zir tur kan neiin ka hria:

Kum lamah (langtlang zingah chuan) a upa ber a nih hmel a, heti chunga thangtharte hmasawnna IT lam thlenga a la milpui thei hi a fakawm ka ti thlawt a. Dik tak chuan ARMYHOME kan siam dawna ka hlauhthawn chu Colonel te hian an hmang tangkai ve thei lo mai ang aw tih hi a ni a.

THQ-a PRS a nih lai khan Computer hi chuti teh chiamin a hmang lo niin ka hria, Lotus note-a mail check bak kha chu a Secretary kutah a innghat thin a, Mumbai lam kal a ngaih takah khan Computer course chu an han zir leh hnuhnawh niin ka hria. Tunah chuan hei ropui takin BLOG te hial a'n nei ta mai.

Zir tur kan nei ka tih tak chu:
A Taimakna, tumruhna, huaisenna, hmasawn duhna te hi.

Vawiin chu nau piang thar hi i lawm hut hut teh ang u.

(Colonel Rama pual liau liaua ka ziah a ni e... Dini)

Hman lai kan ti vawng vawng

2008-11-28T14:56:00.001-08:00

Hei hi i hre ve hman em? Mizoram buai hma Lungdai Gate a nih hi. Heng hun lai hian gate pu an awm thin a. Gate hi hawn hun an nei a, a chhan chu kawng a te a, chhak lam leh thlang lam atanga Motor kal kha kawng laka an intawh loh nana tih a ni. Champhai Roadah Seling bulah khian a awm thin a. Tum khat chu kan Aizawl kal Kawlkhulh atangin Jeepah kan chuang a. Chutih lai chuan Ruallungah khian kan kal tlang thin a. Ruah a sur nasa em em mai a. Kawng a nal si a, chuvangin kan kal zel ngam ta lova. Saitualah kan riak a. Ni khat kan cham a, khua a zia deuh a. kan chhuak leh ta a. Tuirini kamah kawng a lo min leh a, kan lai chawp a kan kal kim hmain a min leh a. Chuvangin Seling ban zo lovin kawng lakah Motor kan dah a. Kein Selingah kan han riak a. A tuk chaw hnuherah Motor tang a lo chhuak a. kan kal leh chu Seling gate pu in minhawn duh lova. kan Driverte cham rei twh thinrim chuan Aizawl atangin Motor pakhat mah a lo chhuak lovang. kan chanchin an ngaichang vek heta min dan hi awmzia a awm lo tiin a gate ban an phawi sak a, kan tlan liam san ta

(IS post tum ni turah ka ngai, draft-ah a awm a, ka rawn publish e... Dini)

KOHIMA

2008-11-27T23:38:00.000-08:00

Kohima-ah pawh hian uniform ha tur naupang kan nei ve tan tawh a nia.Heng mite hi an puitlin hunah Sipai Pawl chu a nghet tawh ang. posted by fela

DUHAWM

2008-11-26T21:05:00.000-08:00

posted by fela

BEING WISE AT CHRISRMAS (Mizo version)

2008-11-25T23:58:00.000-08:00

Finna hi a van em vangin thil hlu tak a ni. Thil ropui tak lawma a awm lai hian finna hi a vang lehzual tih hi i lo hre tawh em? Hei hi engtin nge pian champhaphak, inneih champhaphak, hna atanga chawlhna, infiamna avanga hlawhtlin lawmna leh kumkhata sakhaw ni pawimawh in hman danah a innghat ang chu.

Krismas hi sakhaw thila hunpui hmingthang ber pawl a ni ngei ang a. Mi tam takin a pian ni kan hriatreng si, a lawmna erawh Krista tel ve miah lohnaa kan siam hi a mak ngawt mai. Dik tak chuan hlim taka thil lawmna hi pawnlang taka hman emaw ruih vanga bengchheng siam hmangte nen emaw hian thuangkhatin an kal tur a ni lo.

Nu fing leh pa fingte chuan Krismas atan hian fimkhur takin an inbuatsaih thin. Krismas lo thlen hma hun (Advent) hian kar lite awh tlangpuiin, chu chuan remchanna tam tak a siam ve a ni. Kartinin, kan Bible chang chhiarte leh kan inkhawmnate chuan, Pathianin Chhandamtu min pekna tura a ruahmanna mak takte chu thuk zual deuh deuhin kan hre thei ang. Krismas ni a lo thlem meuh chuan a thukna mak takte chu a vaiin kan hrethiam thei dawn a ni. Ka thlarau tan Chhandamtu! Ka sualna Chhandamtu! Chhandamtu, ka damchhung hun atan Thian leh Hruaitu! Hei hi a ni kan lawmna chhan chu.

Bible-a mi fingte chanchin hi chhiar nuam ka ti thin a. Chhandamtu Isua pian hnu lawka amah hmu tura Bethlehem pana kawng thui tak an rawn kal dan chanchinte kha. Mathaia bung hnihnaah chuan mi fingte tel ve dan chungchang chiang takin ka hmu thei a. An finnate Pathianin engtin nge a hman tih kan hre thei a ni.

Isua chu chibai an buk theih nan an zawng a. Chu chu a fing em em a ni. An zinkawng hautak leh hrehawm takte pawh an tuar chhuak a. Chu pawh chu a finthlak em em bawk. Danglam taka nau lo piang hian hlimna a rawn thlen dawn nia hriatna an nei tlat a ni. Chu pawh chu a finthlak khawp mai. Chhandamtu Isua chu an thil neih hlute an hlan a. Chu pawh a finthlak e. Lal Herora duhdan sual tak chu an zawm ta lo va. Chu pawh chu thil finthlak tak a ni. Chu ai chuan chung lam kaihruaina chu an zawm ta zawk a ni. Chu pawh chu a finthlak lehzual.

Hetiang ang bawk hian he Krismas-ah hian kan fing ve thei ang em? Kan neih hlu ber hmangaihna leh nitina atana thawhna hi pe ve ila engang fakauva nu fing, pa fing, thalai fing nge kan nih dawn! A Thlarau Thianghlim khawngaihna keimahnia a chenna chuan hlim tak leh lawm takin a hnungzuitu rinawm min nihtir thei dawn a ni.

Krismas leh Kumthar hlimawm malsawmna thlentu hmang theuh ang che u.

Shaw Clifton General of The Salvation Army

translated & posted by fela

The Blood

2008-11-21T14:48:00.000-08:00

One night in a church service a young woman felt the tug of god at her heart. She responded to God's call and accepted Jesus as her Lord and saviour. the young woman had a very rough past, involving alcohol, drugs, and prostitution. But, the change in her was evident. As time went on she became a faithful member of the church. she eventually became involved in the ministry, teaching young children. It was not very long until this fatihful young woman had caught the eye and heart of the pastor's son. The relationship grew and they began to make wedding plans. This is when the problems began. You see, about one half of the church did not think that a woman with a past such as hers was suitale for a pastor's son.

The church began to argue and fight about the matter. So they decided to have a meeting. As the peole made their arguments and tensions increased, the meeting was getting completely out of hand. The young woman became very upset about all the thins being brought up about her past. As she began to cry the pastor's son stood to speak.

He could not bear the pain it was causing his wife to be. He began to speak and his statement was this:

'My fiancee's past is not what is on trial here. What you are questioning is the ability of the blood of Jesus to wash away sin. Today you have put the blood of Jesus on trial. so, does it wash away sin or not?'

The whole church began to weep as they realized that they had been slandering the blood of the Lord Jesus Christ.

(He article hi e-maila in thawn kual lak chhuah mai a ni e - L. Kiamlova)

Pa Rama Langtlang Lehkha

2008-11-19T19:28:00.000-08:00

Rawngbawlpui duh tak te u,

Dam tak leh tluang taka Lal rawng in bawl theuh kan duh sak a che u. Thla lai a ni dawn ta mai, Major Kunga leh Major Fela mail chauh hian min rawn thleng thei a ni ta deuh maia, Pi Puii mail ka lo hmu khiah bawka, a bak chu Langtlang hmuh kan nei ta lo tlat mai, khua a har vawng vawng mai. Pa Fela Chanchin thar rawn tih thian hi a lawmawm in a hlu ngei mai, zorama awm te aimahin kan update zawk hial awm e, rawn taima zui zel se a tha ang. Vawiin 19/11 chawhnu dar 3 PM hian Kawli Damdawiin a kalpui leh hun a nia, kan chhuak tep a ni, an damdawi pek a ei chuan ana a reh maia, a ei zawh tuk atangin a na leh mai thin sia, Dawktawr in ' a nat leh chuan lo kal leh rawh u' a tih avangin leh beiseina dang te a awm takin kan tia kan kal leh dawn a ni, min lo la tawngtaipui fo kan duhin kan han ngen leh a che u. Kan Pu ber Chiahpuam article pawh hi kan lo hmu ve pek lova, chhiar kan chak ve hle. Dam takin mangtha chibai vek ule.

In rawngbawlpui,
Rama, Mumbai

(Pa Rama hian Army Home hi a la chhawr tangkai thiam lo niin a lang a, keini ho lah email aiin Army Home lamah kan inhmu ngun ta zawk si. Dini emaw Editor emawin Army Home leh kan blog dangte tlawh dan lo hrilhfiah se a tha mgawt ang. A khua a har deuh a nih hmel e. ~Zairemthiama Pachuau)

KULIKAWN

2008-11-18T04:40:00.000-08:00

He THQ quarters hi Aizawl Kulikawn-ah a awm a. A bulah hian Aizawl Central Corps Biak In, 1931 kuma sak tawh a ding bawk. He in pahnihte hi Google Map-ah chhinchhiah a ni tawh a, in hmu thei ang. He building dinnaah hian Training Garisson a lo awm tawh thin a, Mizo Officer hranghlui tam tak hi helai hmun atanga training chhuakte an ni hlawm. April 2009 atangin Central South Division Headquarters atan hman a ni dawn. photo & posted by fela

ADVANCE CHRISTMAS

2008-11-12T02:47:00.000-08:00

In zavaiin chibai kan buk a che u. In lehkha tam tak kan lo chhiar thin a, kan beng a var mai bakah kan lawm thin khawp mai. Keini Kawl ram lam pawh kan reh rei deuh ta ni in ka hria, A mah tute emaw dan takah "Kan reh vang vang hi chuan kan Tha tlang a ni" an tih ang deuh in kan tha tlang hlawm e, Pathian zarah kan tul ve vat vat thin khawp mai. Ram hrang hrang chanchin kan lo hre thin hian min ti hlim a, Thlarau lamah pawh Malsawmna thar kan dawn phah ni hian kan hria. Pathian tana kan tih theih hi a beitham hle a, chuvangin kan vanglai leh kan hun neih chhung hi chu theihtawp chhuaha hma kan lakho chu a tul zel dawn a nih hi. Ram dang atanga Mikhual duhawm tak tak kan nei zel a, tin a then chuan min awm chilh mek bawk a, kan Office lam lah chu nitin hian an la siam tha mek bawk a, kan thawm chi a tha in a ring (bengchheng ) duh thin khawp mai.

Kum leh khuaa la awm ngai lo Yangon khawpui chhunga ZOFA zawng zawngte hminga Inhmuhkhawmna hun hlimawm tak mai tur chu naktuk hian ( Sorkar Holiday) English Methodist Biak in tual ah hmanho a ni dawn a ni. ( He Kohhrana an Bishop hi Zothanmawia a ni.) Thawhlawm khawn khawm a ni a, chumi hmang chuan Mas Urlawkna ( Inhmuhkhawmna ) Mizo RUAI chu hlim taka kil ho tum a ni.

Keini Sipai Pawl lama Zofa awm chhun te leh kan Senior Captain ( Tuna Chawl tawh ) Lianhlira te chhung nen kim taka Mas Ruai chu kil turin kan inbuatsaih a ni. Hei hian Rah tha tak a hrin chhuah theih ngei kan beisei a, Mihring lam tak pawha in unauna tha tak a nih theih kan beisei a ni. He tah hian sawihona leh Pathian biakhona neih a ni ang a, Mas pawh a remchan dan anga hmanho theih beisei a ni dawn a ni. Ka rindan chuan Yangon khaw chhungah hian Chhungkaw 100 deuh thaw kan awm a ni.

Yangon Zofa te chuan nangni lam aiin " Hlimna ni ropui chu a eng " kan ti hmasa dawn a ni.
Aw le, kan lamah chuan "Lalpian hun Pangpar a vul tan leh ta...." a mi chengte lah chuan an hre ve si lo....a khawhar thlak leh dawn mang e..

(Major Samuela langtlang mail a ni e... Dini)

TONIC SOLFA SONG BOOK WORKING COMMITTEE

2008-11-12T00:51:00.000-08:00

Sawisel bo ni mah suh se, zankhaw tairek thleng thlenga kan buaipui lai nite kha, nghilh ni a awm dawn lo, a hmasa ber tur a ni si a.
posted by fela

LET US GO TO BETHLEHEM (Mizo version)

2008-11-11T21:46:00.000-08:00

Commissioner Lalkiamlova IS

IHQ, London

Isua pian hma kum sangkhat lai tawhah khan, Samuela chuan (Lal Saula kha Pathianin a hnawl avanga hlau leh khur chungin), Jesaia fapa Davida chu, a thlahte atanga Isua a lo pianna tura lal atan hriak thih turin Bethlehem a pan a. Khuaa upate zawhna chhangin Samuela chuan, “Tha lam thu-ah ni e: LALPA hnêna inthawi tûra lo kal ka ni; intithianghlim ula inthawinaah lo kal ve rawh u,” tiin a chhang a. Chutah chuan lal atan Jesaia fapa Davida chu hriak thihin Isua pianna atan kawng a rawn sial ta a ni (I Samuela 16:1-13).

Berampute chuan, “Tunah Bethlehem khaw thlengin kal ila, Lalpan thu min hrilh lo thleng chu i en ang u,” an inti a. Tichuan hmanhmawh takin an kal ta a. Mari leh Josepha leh naute, ranchaw pekna thlenga mu chu an va hmu ta a. Beram vengtute chuan vantirhkoh hrilh ang ngeia engkim an hmuha an hriat avangin, Pathian chawimawi leh fak chung zelin an kir leh ta a (Lk 2:15-20).

Wlliam Barclay-a chuan, heng berampute hi Temple-a hlan tur beram thlan chhuah enkawltute niin a sawi a. Hei hi a dik a nih chuan, hun rei lo te chhung chauh mihringte sualna tlengfai thei Beram vengtute chuan an Beramte kalsana Pathian Beram No, mihring sualna zawng zawng kumkhua atana tlengfai thei chibai buk tura an kal hi thil mak a ni hauh lo. Lalpa fak chung zelin hlim takin an kir leh ta a. (The Daily Study Bible).

Bethlehema Isua pianna hmun nia sawi puk chu Pathian thu avanga zin leh khualpang zin sang tam takin kumtin an tlawh thin a. Bethlehem (Chhang In)-a Isua (Nunna Chhang) lo piang chuan tun thleng hian thlarauva riltamte hnenah nunna chhang a la pe reng a ni. Tlangval John Lennon-a chuan vawikhat chu zahpah lo takin Isua aiin kan hmingthang zawk lo ti mah se, hun rei tawh takah khan The Beatles ho chu an kehdarh tawh a. Member pahnih la dam zinga pakhat Sir Paul McCartney, Beatles-a hmingthang ber leh hlawhtling bera ngaih chuan, September ni 24, 2008 khan Isua pianna hmun a tlawh ve a. Tlawhtu dang zawng zawngte tih angin Church of the Nativity gate-ah chuan chibai buka kun chung ngeiin a lut ve a ni.

Bethlehem (Chhang Inah) Isua (Nunna Chhang) hmu turin kal ila, khawvelah remna thu puang chhuak turin Pathian fak leh chawimawi chung zelin i kir leh ang u.

translated & posted by fela

Tawngtaipui ngai -Col. kawli

2008-11-11T01:23:00.000-08:00

Ka mail in hmu tha thei lo a nih ka ring a, ka computar a chiang lova, kan IT pa Punjab lamah beirual in a kal ve sia,, min han endik sak mai tur an hnaivai lova tun tum poh hi in lo hmu ngut a nge maw.

31 October khan Kawli lu na reh tha hlei thei lo avangin Breach Candy Hospital ah kan va entira, a Lu kha CT Scann an lo tia, ni 8 hnuah kal leh tur MRI tih a tul mai thei, an lo ti bawka, chutiang vel chu kan ni vea, min lo tawngtaipui thin turin Pi leh Pu ber te leh Thiante zawng zawng kan han sawm a ch eu, Pathian khawngaihna alo lan ngei kan beisei. 30 October atang kha chuan a mu bet tlat tawh lova, ngaihtuahawm lutuk tur chu a ni lo a nia.

(Tawngtaipui theuh ang u... Dini)

QUARTERS

2008-11-11T00:45:00.000-08:00

THQ Staff Quarters constructed under the idea and supervision of the then Major Lalkiamlova, Field Secretary is still one of the best quarters in the Salvation Army of India Eastern Territory. This building is occupying by four families.
photo & posted by fela

SAMF

2008-11-10T22:22:00.000-08:00

Dr. Richard CVLR Hlunan damdawi a chawh mek

Salvation Army Medical Fellowship (SAMF) chuan phur takin medical free clinic an buatsaih thin. Dr. Zairemmawii (Zerei) leh Dr. Estheri ten damlo an en.

Major Ropari TSAMF Secretary leh Tv. Samuela s/o Major Dengzika ten damdawi an lo pe zel a

Dr. K. Lalhruaitluanga pawhin uluk takin rawtsawmnute a lo check ve bawk.

Jakob Malsawmtluanga s/o Major Chawnglianthuama is checking the BP
posted by fela

Chikankata Chhungkua

2008-11-10T12:37:00.000-08:00

Tun tum chu Chikankata lam thlalak thenkhat ka han post teh ang. Chikankata Salvation Army Mission chhungah hian Zambia ram pawn lam mi rawngbawlin chhungkaw 6 ngawt kan awm ve a. America, Australia, UK, Denmark, Sweden leh keini India ram atangtein kan ni. Nupa tuai thar takte kan nih hlawm avangin kan chhangchhe tlang theuh a. Pathian ram leh Army tana kan thahnemngaihna lamah erawh chuan thil engmah hi kan kawng daltu ni khawpa lian a awm lo thung. Kan inhmangaih tlang a, kan inkawm ngeih a, hlim takin hun leh nite kan hmang liam thin a ni. (Thlalakte hi lian leh fiah zawka en duh chuan a thlalakah click mai tur).

Tunlai hi Chikankata Spring season a ni a, pangpar mawi tak takin min hual vel a, rah tlan sava leh nungcha dangte tan pawh paradise a ni e. 'Tuahpui leh vau an vul leh ta!' a ni ber mai

Hei le! Ralhrat Sipai huai chhungkaute, khawvel hmun hrang hrang atangin an lo kal khawm e. Krista thisena tlan, hnehna hlado 'thuhmun' chhamtute chu

Kan chhangchhia, mahse kan duai lo. Heng kan fate hi kan hnaa kan kal hlanin nauawmtu fel tak tak ten enkawlin min pui thin

Khawlai lei charah pawh keini ang pa remhre tan chuan tui chenna tur a awm thei zel mai. Kan fate hlimna atan chuan 'siar lak' thlengin tih theih loh kan nei lo

Melissa & her Swedesh friend David

Kan antam huan, Mapuiin duat taka a enkawl, a chhumna tur tui a chhuan so hnua a sih, thlak leh hmangaih taka keini a pasal fanaute min hlui thin chu

Tomato huan pawh a tha narawh e, a thar tha hle a, kan eisen bak chu thenawmte kan sem hlawm thin. A hlim thlak hle - sem sem dam dam, ei bil thi thi apply hi

'Rah tha' - Isuan rah tha tak chhuah turin min tir reng si a

Zairemthiama Pachuau

YOUTH CONGRESS 2008

2008-11-07T02:05:00.000-08:00

Barack Hussein Obama II

2008-11-05T01:10:00.000-08:00

Kan ramah chuan USA Presidential Election a Barak Obama ( a pa Kenyan a nu American ) tlin an lawm nasa mai. Tukin zing khan Kenya President Mwai Kibaki chuan Obama hnenah lawmpuina a thawn a, naktuk khi National Holiday ah a puang nghal bawk. Keini pawh naktuk chu office kan chawl ve dawn.

Keifang a Corps Officer a ka awm lai khan Envoy Tlanga khan A.O eisiam thian hmelhriat nih pawh hi thenkhat chuan an chapo thu a sawi a. Envoy Tlanga thusawi chu kan ang khawp mai. Obama pa hi Kenyan niin USA ah lehkha a zir a, American nula nupuiah neiin Obama hi an nei a. Revaklo-ah inthenin Obama pa chu Kenyaah a rawn haw leh a, accident in a boral a. A nu pawh chuan pasal dang a nei ve leh bawk . Nu leh pa kara seilian lovin a pi ( anu nu ) enkawlna hnuaiah seilianin hetiang dinhmun hi a lo thleng ta a ( Inthlan hma lawk khan a pi chu a thi nge nge a , an la vui lo a ni). Kenyan mihang USA a cheng, USA khua leh tui nihna neitu President a thlan anih takah hian Kenya mite chuan an chhuangin an lawm em em mai a. A chhuanawmin a lawmpuiawm tak reng bawk a ni e.

(A ram mi tih takah Major Bula pawh a rawn che rang viau e... Langtlang mail ka rawn post a ni, a chanchin dang hre duh tan hetah -http://en.wikipedia.org/wiki/Barack_Obama . Dini)

SERANGIN SE RANG A HRING, SAKAWLIN SAKAWL A HRING

2008-11-03T22:06:00.000-08:00

Kumkhat chhuak theuh theuh, sesion khat theuh theuh, kawppui neih kum inang theuh theuh siah chuan kan thianpa Zamlovate nupa hi kan tluk lo hle tih a rawn lang chhuak chiang leh ta. Kum 23 kalta kha chuan Fapa pakhat chauh an nei a, a laihruiawrh hming chu Timothy Lalhlimpuia a ni. A tukhum a phek hle a, mahse naute duhawm tak a ni thung. Tunah Tima hian Salvation Army Officer nih tumin Candidate a ni mek a, 2nd Contact Period thleng a kaltlang tawh. Timothy-a zawh hian fapa dang pahnih an neih belh leh.

Tima saptawng thiam hmasak ber chu 'where is the moon?' tih a ni. Tuna mi ang rual vel a nih lai khian saptawng ka zirtir a. 'Where is the moon?' tih chuan chung lam a en vat zel. Mahse, a saptawng thiam kha lantir tur chuan zan emaw, thla lan hun emaw nghah zel a ngai thung. Thla lan loh lai pawhin 'where is the moon?' kan tih chuan van lam a hawi vat zel tho va, kan hlimpui thin hle a ni. Kum 23 lai a lo liam leh ta reng mai.

Kan thianpa pakhat, 'visionery leader', Major (Dr) ST Dula chu tunah chhimbial commander a ni mek a, ka blog in en chuan an division centenary plan in hmu thei ang. Ani hi pa ropui leh rorum, taima leh tuang tichhah thei, thawm na tak a ni. Mizoram Media Evangelical Ministries (MMEM) a din a. Tunah hian Aizawl khawpui chhunga Cable TV Operator pathum chuan 24 hour an tichhuak a, Lungleiah pawh 24 hour an tichhuak bawk. District khawpui dangahte pawh tihchhuah mek zel a ni. Chhimlam pastor un pui puite pawh tunah chuan thianpa Dula thuhnuaiah an awm vek tawh a, nitin deuh thawin a hnen atangin thuthlung an rawn la thin niin an DYS chuan a sawi.

Rawngbawltu rila rah ngei atanga rawngbawltu dang lo chawr chhuak leh tur hi a hluin, Salvation Officer rawngbawlna chawimawitu tha ber a ni. SA Officer hna hi a tha nia... tiin sawi fo thinin, ni ve turin mi dangte pawh sawm thin mah ila...kan rila rahte ngeiin kan hniak hnung an rawn zuina hian, mite thinlungah thu a sawi ring zawk thin. posted by Fela

2008-11-03T05:42:00.000-08:00

Youth congress thlalakte an hmuhnawm hmel vei nen a fiah lo tlat a, ka tifiah thiam si lova. Tih that dan a awm em aw.

YOUTH CONGRESS 2008 PANDAL

2008-11-02T21:47:00.000-08:00

YOUTH CONGRESS 2008

2008-11-02T21:25:00.000-08:00

Chawngte Corps Songster. Chawngte-ah hian Pu Lalramhluna (Tea) SDO (PWD) chu ava awm avangin Youth Congress-ah pawh bus hmangin an lo kalo theih phah.

SALVATION ARMY YOUTH CONGRESS 2008

2008-11-02T21:15:00.000-08:00

Welcome Greeting performed by Aizawl Bazar Corps

2008-11-02T20:58:00.000-08:00

Youth Congress 2008 Welcome Greeting by Aizawl Bazar Corps