Himalaya tlang hi chu naupang te kan nih lai atangin kan hre tawh hlawm a. A tlang sang lai ber pawh Mt. Everest a ni tih pawh kan chiang hlawm hle. Himalaya tlang hi slow motion continental drift-in a siam niin leilung zir mite chuan an sawi a, hriat tham lohvin a la san belh zel ni pawhin an sawi nghe nghe; a chhan chu continental drif hi a la reh chuan loh avangin.
He tlang pangper leh a bulthut velah hian ram hrang hrang a awm a, a ram a hausa a, mihring cheng pawh an tam hle. Tlang sanga vur tuite chuan tuihna tha tak siamin, Brahmaputra leh Ganges luite chu afur athalin kuang khat putin an luang dul dul reng mai a ni.
Himalaya tlang hming chu naupang te kan nih lai atangin lo hre tawh thin mah ila, Salvation Army nen chuan kan hre dun ngai lo va, kan ngaihtuahnaah pawh a awm ngai hek lo. He tlang panga hmun thenkhat - Darjeeling khuaah chuan Deaf & Dumb School kan nei a, Kalimpong-ah Mary Scott Home for the Blind neiin, Namchi (Sikkim)-ah Corps nei mah ila, 'Himalaya' tih hi Chhandamna Sipai Pawlten hming kan phuah chi hrang hrang zingah hian a lo tel ve kan ring phak ngai lo. Mahse, a tel ta tlat mai le!
Nepal rama thingtlang naupangte
Arunachal Pradesh naupang
Tunah chuan he tlang pangper leh a bulthut ramahte rawngbawlna kalpui mek a ni ta hlawm a. Arunachal Pradesh-ah Corps leh centre engngemaw zat kan nei a, Meghalaya-ah Corps hnih a awm a, West Bengal state chhung Fatapukur, Kalimpong leh Darjeeling-ahte kan nei bawk a. Nepal ramah leh Assam ramah pawh rawngbawlna tan a ni ta bawk.
1st April, 2009 atang khan Himalaya Division hawn a ni ta a, Divisional Headquarters chu Guwahati-ah bun niin, chumi hmunah chuan Divisional Commander hmasa ber Major ST Dula leh Divisional Director of Women's Ministries hmasa ber Major C. Malsawmite chu dah an ni ta a. Ni 24.5.2009 khan Colonel Samuel Charan, Territorial Commander-in a dah nghet ta a ni.
He installation service hmang tur hian Shillong Corps leh Madanriting Corps chuan bus pakhat ve ve hmangin an lo kal a. Major Lalthlamuani, Guwahati Centre-a kum nga lai lo thawk tawh leh chinchang lo hre tawh takin inkhawm akaihruai a, Sipai Pawl thian tha, kohhran dang mi tam tak an lo kal a, Baptist kohhran pastor, Regional Director hna chelh mektu pawhin he installation service-ah hian a rawn tel ve. Inkhawm banah inkhawm zawng zawngten tlai takin ruai an theh. Madanriting Corps (Shillong) in zaipawl mawi tak, an Kros Sipai Pu Lalrinpuia (visual handicap) hovin an nei a, ngaithlatute rilru a khawih hle.
Major Lalthlamuani inkhawm hruai leh ruai thehho
2009 May thla thleng hian Himalaya Division chhunga rawngbawltu awmte chu:-
1. Majors ST Dula DC & C. Malsawmi DDWM
2. Major Lalthlamuani i/c Guwahati free food feeding prog.
3. Majors Lalbiaktluanga & Aichhungi, Mary Scott Home for the Blind, Kalimpong
4. Captains Vanlaltluanga & Rebek Rohnuni, Deaf & dumb School, Darjeeling
5. Captains L. Joythang & Lalthanliani, Namchi Corps, Sikkim
6. Majors R. Thankhuma & Romawii, Shillong CO Bial
7. Lieutenants Sharon Rai & Pratna Rai, Darjeeling Corps
8. Lieutenants Isak Lalremruatkima & Margaret Lalrinawmi, Manja Corps, Karbi Anglong, Assam
9. Kros Sipai Lalrinpuia
10. Majors PC Lianthanga & Vanlalchhuangi, Pasighat, Arunachal Pradesh
'Laligurash' - National flower of Nepal (Keinin Chhawkhlei kan tih hi a nih hmel)
'Orchid' - state flower of Sikkim
'Foxtail' - state flower of Arunachal Pradesh
'Kapou phul' state flower of Assam
posted by fela
Mi thahnemngaite thawhrimna leh Pathian tanpuina-a Himalaya Division kan han nei ta chu a va ropui emmm!!! DC leh DDWM te tan leh Division chhunga Officer leh thawktu dang zawng zawngte tan ka lo tawngtai e.
ReplyDeleteReport kimchang leh benglut tak, thlalak tela rawn pe-tu Major Fela chungah lawmthu ka sawi nghal e.
A ropui hle mai. Report ngaihnawm leh hmuhnawm tak a ni e. Himalayan Division kan han nei ta ruau mai hi Pathian hnenah lawmthu awm rawh se.
ReplyDeletePu Fela hi pa fel tak chu a lo ni.A zarah kan beng a var ve leh thin.A ti benglut thiam bawk si.Tawngtam chiamloin lang thin mahse tu biak mah a chhan duhloh kan la hrelo.Himalaya Divsn thar report ngaihnawm leh hmuhnawm tak min entir a kan va lawm em
ReplyDeleteDivisonal Commander leh DDWM hmasaber Majors ST Dula leh Malsawmi te kan lawmpui a, Himalayan Division hian a hming avang pawhin Khawvel a deng chhuak thuai ang. Division thar a pian theihna tur atana rim taka thawktu zawng zawngte avangin Pathian hnenah lawmthu kan sawi bawk. Kan tawngtainaah DC te nupa leh thawktu dang zawng zawngte kan hre reng ang. Lalpan tichakin awmpui rawh se.
ReplyDeleteThianpa Fela hi a thawhhlawk ber mai, athu leh hla in min hraipuar thin e.Lalpan ancchungkuain malsawmna tharin vur zel rawh se
ReplyDelete