Kenya lam chawlh hmang rawn haw leh hi an lungleng khawp a, lunglen hnem tur han ziak teh tiin min pem buhbel chawt a, ka han ti ve chawt bawk a ni, hnem zo tak mawle..???
A mak mang’e, zaleng hei zawng zingah
Hriatna, thiamna sang bik chuang si lo
Zoram pela Zofaleng hei zawng kan lo liam thlak le
Tawngmang lah ni si lo, kan her luai luai
Zambia, Kenya, Nigeria, Myanmar,
Mozambique, London leh Lanka nen
Thlangkawrvai pela tuipuiral kai chu
Dawn changin lungmawl lairil a kiu riai riai
Hriat loh sakhmel tawn meuh zawng-
Lung lam kan van ruai e,
Biahthu nem ten hlan zai rel ve mah i
Hlei ten dang si e biahzai, lungmawl kan hawi ruai ruai
Hei chen sam ang then hnu lenrualte-
Biahthu tinkim hlan nan E-mail kan ti
Thaikawi zia tial biahthu hlanin
Anka tel lo thaikawi bawngte hlan liai liai
Tawn leh ni her chhuak thuai se kan ti
Ngaihlai bang lo then hnu lenrualte nen
Hlim te-a senlai nau ang nui za-in
Anka hlana biahthu tinkim hril dial dialin
Chutin mahriakte-a awmkhawhar leh
Lenrual ngaih vanga luaithli nul
A bang tawh ang kimte-a
Khua hmuna kan len hun chuan
E a hnem zo ngawtin ka ring. Kenya lam lo pawh a hnem tel dawn hi.
ReplyDeleteA post-tu hming a inziak lo na'nga, a thu kalhmngah hian Mozambique lam chhuak a nih hmel
Hla phuah hi lunglen vang a lo ni fo a nih hi, a phuah thiam lo pawhin mi dang tal an phuahtir a. Hei pawh hi hmasang atanga Mizote thil chindan ve reng a ni. 'An leng dial dial lungrual kimin' tih hla pawh hi mi pakhat nupui sunin a mumangah an nupui a hmuh dan an khaw hla phuah thiam (Saihnuna ni tain ka hria) a phuahtir a ni. Chuvangin Kenya lam pawh inthiam lo duh suh se, an lungleng a hnem chuan a tha.
ReplyDeleteNi e, a phuahtu hi Capt. Dini a niah ka ngai ve tawp. Post-tu hian hming thai lang zel ila. A phuah chhante aiin a phuahtu hi a lungleng zawk awm mang e, ka ti! Tha khawp mai.
ReplyDeleteHla phuah ava kal tluang tha ve. A a pahnihin a tha viau ve ve bawk si.
ReplyDeleteKan training laiin Sessional Song phuah turin min ti a. Lunglen vanga phuah kan ni lo bawk a a hlimawm phian. Thianpa Fela phuah hi kan hre rei ta ber a ni-
1.Tuinu corps atanga lokal Cadet Zamlova te nupa Halleluiah
2.Kolasib corps atanga lokal Cadet Fela te nupa Halleluiah
3.Diakkawn corps atanga lokal Cadet dula te nupa Halleluiah
tih hi ka la hriat reng a ni a.
Ka hre kim tawh lo, a phuahtupa hian ala hre ngei ang. Midang phuah ho kha chu hriatreng tlak a awm hlawm lo a ni ang.
@ZL - a original manuscript ( a puithu hmel asin) ka hmuh chuan a kimchangin ka rawn tarlang ang e.
ReplyDeleteKa hla phuah hi kei aiin in hre rei daih mai ka ti.Kha kha ka hla phuah hmasak ber a ni