Dr. Zairemthiaman kum 3 dang a hna ngaia awm leh tura thutlukna a siam lawmpui nan hengte hi ka rawn tarlang a ni. A sawi angin mahni khua, kan Zotlang ramnuam chhawrpial run nuam tak ngaih a nat em em laiin, Africa ram luma kum 3 dang Pathian rawngbawlna hna thawk leh tura an inhuamna hi a ropui tak zet a ni.
Lt. Colonel Lalngaihawmi, Chief Secretary-in Ebenezer Corps biak in atangin a tirchhuak
Dr. Thiama leh a nupui Mapuii ten thu tha tak an sawi
Territorial Songster-in hla mawi takin an thlah
Territorial Staff Band-in rimawi tumin an thlah
Capt. Lalhmingliana, Financial Secretary-in fuihna leh thlahna thu a sawi
Major Romawia Central Bial CO-in bial aiawhin ngaihhruina thilpek a hlan
Inkhawm pawh an tamin biak in leng lovin mi an kalkhawm
Pu H. Lianzela, Territorial ACSAL President pawhin thlahna thu a sawi
An nupain zahngaihna thutphahah an Pathian tan an inhlan
Dr. Zairemthiama hi SAMF (Salvation Army Medical Fellowship) member a nih avangin Major Ropari, SAMF Secretary-in tawngtainain a thlah
Inkhawm ban biak in kawt
An fanu sam hi miin an lawm hle a, an kalna tura mite sam pawh a an hmel khawp mai
posted & photos by fela
Ka rin ai in Dr Thiam a te chu an van la naupang hmel ve le.
ReplyDeleteEbenezar biak in ah khian celing bel lai in ka hnatlang ve trhin .
Ka fanu hi biakin thara hlan hmasak ber ni nghe 2 in ka hria.
Paval 9Lalrosanga)TT veng min ti hre chhuak.
A hmuhnawm hle mai. Kum thum awm leh in ti chu Lalpa remrtuatah kan ngai a, kan lawm e. Officer tura kohna te pawh a ri feih feih tawh lo maw, Lalpan a rawngbawl turin thiamna bik nei mite a mamawh a ni. Khalam atang khan trainingah a kal nghal mai theih awm si a.
ReplyDelete@ a post-tu pa: Pu Fel, kan canchin i han post a, i va han tilawmawm ve le. Kan thlalakte i lo kawl tha kiau a (hemi tum hian camera man i ni tak e!). Keini pawhin kan nei na a, kan lo utawk tur vawn veng veng mai a lo ni reng mai. Commissioner-te nupa phei chuan an vawikhat hmuhna a ni dawn tak e.
ReplyDeleteHemi ni hian thian tha te bakah, Sipai Pawla kan rawngbawlpui, kan nu leh pate leh chhungkhatten kan phu lohin min chawimawi niin kan hria. THQ-in thuchah tha tak te, SAMF-in thilpek te, Territorial Songster leh Staff Band te khan hla mawi tak tak an rawn rem a. Ebenezer Corps khan kan programme pualin Biak In an hawng a, Thilpek te min pek bakah Thingpui leh a hmeh senso zz te kha min tum sak niin kan hria, kan lawm takzet a ni.
@ hmingtea: Pu Hmingte, kan naupang lutuk tawh lo asin, naktuk 8th Feb. hian kum 33 ka lo ni ve reng tawh dawn. Ka nupui hi kei aiin kum 1-in a naupang a. In lo thawkrim em a nih chu, Ebenezer Biak In hi a ceiling leh chhung thil engkim a mawi ka ti takzet. Tin, kan IET corps-ah chuan a nung ber leh thilpekte pawh pe tha ber an niin ka hria.
@ kiamlova & puii: Thlalakte khi in vawikhat hmuhna a ni dawn tak e. Kan la chhangchhe khawp asin tah khi chuan. Thlalak pahnihna khi in en chian chuan kan fa upa zawk Melissa-i zahngaihna thutphaha lo thu ran lai te in hmu ang! Tunah chuan an felin an lian ta khawp mai. Thlalak tawp berah khian hemi tuma kan kal hma zawnga Mizoram Health Department-a ka thawhpui, ka boss, thil tam tak min zirtirtu leh min kaihruaitu, keimaha theihna awm tlemte ring ngam tu leh min fuih reng thin tu Dr. Jane Ralte MBBS (LHMC), MHA (AIIMS), (kawr hring ha khi)in hmu ang. WHO programme pathum-Geriatric programme, Tobacco Cessation programme, Cancer Control programme te kha Medical Officer niin ka enkawl a. Chumi rah chhuah chu tunan khian Mizoram State Tobacco Control Society a lo ding ta rup mai. Tunah hian nasa takin Principal Investigator niin Smoke Free Mizoram atan an bei mek a ni.
Ni e, Pathian rin chhanin kan term chu kan han pawtsei a ni a. Officership hi hna ropui leh zahawm, Pathianin a koh leh hriakthih te tan chauha thawh chi a ni si a, keini angte hi chuan kan cho thlu zo ve dawn a maw ni le!!!!
Zaia: Happy Birth day. Nangmah ang chiah hian Officer dinhmun hi ka ngai thin a, ka huphurh thin hle. Ramthim ka thawh hnu pawhin Officer nih ka ngam lo. Mahse kan hotuten Lalpan a duh che a ni, an tih chu min kohnaah ngaiin rawngbawlnaa tui sa na fam chu ka lut ve ta a ni. Training zawh thlengin ka huphurhna a reh chuang lo. Mahse vawiin thlengin min thlahthlam lova, min la hruai zel. A la tlai lo a nia.
ReplyDeletePathianin min kohna hmasa ber chu ka pianthar hmaa Cadet-ho ka hmuh atangin a ni a, ka pianthar hnuah Captain Thanhlira DYS thusawi atangin a famkimna a lo thleng ta a ni.
ReplyDeleteThawm ri hum hum a awm lo va, mumangah fiah takin ka hmu lo va, tumahin hmaichhanah min sawm bawk lo. Ka beng bulah a phun ser ser lo va, tihdanglamin ka awm hek lo, mahse, min kohna chu a chiang tho si a ni.
Rawngbawl tura Kohna thuah Major Fela sawi hi a dik khawp mai. Officer Retired thei turin Kum 25 aia tlem lo service a ngai a. Chuti a nih chuan tunah hian kum 63 thleng thawh theih a ni a; Officer atana pawm theih chin chu Training chhung kum hnih paihin kum 36 chin a pawm theih tihna a ni.
ReplyDelete