Friday, November 28, 2008

Hman lai kan ti vawng vawng



Hei hi i hre ve hman em? Mizoram buai hma Lungdai Gate a nih hi. Heng hun lai hian gate pu an awm thin a. Gate hi hawn hun an nei a, a chhan chu kawng a te a, chhak lam leh thlang lam atanga Motor kal kha kawng laka an intawh loh nana tih a ni. Champhai Roadah Seling bulah khian a awm thin a. Tum khat chu kan Aizawl kal Kawlkhulh atangin Jeepah kan chuang a. Chutih lai chuan Ruallungah khian kan kal tlang thin a. Ruah a sur nasa em em mai a. Kawng a nal si a, chuvangin kan kal zel ngam ta lova. Saitualah kan riak a. Ni khat kan cham a, khua a zia deuh a. kan chhuak leh ta a. Tuirini kamah kawng a lo min leh a, kan lai chawp a kan kal kim hmain a min leh a. Chuvangin Seling ban zo lovin kawng lakah Motor kan dah a. Kein Selingah kan han riak a. A tuk chaw hnuherah Motor tang a lo chhuak a. kan kal leh chu Seling gate pu in minhawn duh lova. kan Driverte cham rei twh thinrim chuan Aizawl atangin Motor pakhat mah a lo chhuak lovang. kan chanchin an ngaichang vek heta min dan hi awmzia a awm lo tiin a gate ban an phawi sak a, kan tlan liam san ta

(IS post tum ni turah ka ngai, draft-ah a awm a, ka rawn publish e... Dini)

2 comments:

  1. Bed ford (betfawt)khian ka lung a tileng khawp mai. Kan hmu ve hman a, kan chuang ve hman a, tut tut tut tiin a vu thinin ka hria.

    ReplyDelete
  2. Thlalak hi a lunglenthlak hle mai. Di inchung pawh a la tam hle mai a. Kawnglaia bawng lo ding hi Lungdai pa awmthei deuh ta a nih ka ring!

    Mizoram-Aizawl-Lungdai ka kal hmasak ber chu 1994 Mizoram leh Silchar buai laia Kolasib Youth Congress tum kha a ni. Lungdaiah chaw kan ei a, ruah a sur cherh cherh bawk a, kan vawksa ei kha a tui khawp mai.

    ReplyDelete