Wednesday, November 19, 2008

Pa Rama Langtlang Lehkha

Rawngbawlpui duh tak te u,
Dam tak leh tluang taka Lal rawng in bawl theuh kan duh sak a che u. Thla lai a ni dawn ta mai, Major Kunga leh Major Fela mail chauh hian min rawn thleng thei a ni ta deuh maia, Pi Puii mail ka lo hmu khiah bawka, a bak chu Langtlang hmuh kan nei ta lo tlat mai, khua a har vawng vawng mai. Pa Fela Chanchin thar rawn tih thian hi a lawmawm in a hlu ngei mai, zorama awm te aimahin kan update zawk hial awm e, rawn taima zui zel se a tha ang. Vawiin 19/11 chawhnu dar 3 PM hian Kawli Damdawiin a kalpui leh hun a nia, kan chhuak tep a ni, an damdawi pek a ei chuan ana a reh maia, a ei zawh tuk atangin a na leh mai thin sia, Dawktawr in ' a nat leh chuan lo kal leh rawh u' a tih avangin leh beiseina dang te a awm takin kan tia kan kal leh dawn a ni, min lo la tawngtaipui fo kan duhin kan han ngen leh a che u. Kan Pu ber Chiahpuam article pawh hi kan lo hmu ve pek lova, chhiar kan chak ve hle. Dam takin mangtha chibai vek ule.
In rawngbawlpui,
Rama, Mumbai
(Pa Rama hian Army Home hi a la chhawr tangkai thiam lo niin a lang a, keini ho lah email aiin Army Home lamah kan inhmu ngun ta zawk si. Dini emaw Editor emawin Army Home leh kan blog dangte tlawh dan lo hrilhfiah se a tha mgawt ang. A khua a har deuh a nih hmel e. ~Zairemthiama Pachuau)

3 comments:

  1. Pi Kawli chu a dam that zel ka duhsak e.

    Nia, Army Home hmang tangkai thei lo kan awm chuan help desk chu hawng chiah lo mah ila, puih chu kan inhuam reng e

    ReplyDelete
  2. Rama lo pawh hi Army home hmang tangkai lo an awm nual em ni aw, ka ti an lang ngai ta lo tlat. Samuela hian a hawng thei a, mahse post a siam lo niin ka hria. Sangliana te, V T a, Sawma te leh Johna te ho hi an lang lo tlat mai, an lenglut ngai lo a ni mai thei. Beki te, Mamuani te, Pu Zamlova te leh kawli te club ka zawm tep a, vawiin chu ka mu nileng der, mahse ka dam lam leh tawh e. Hritlang na deuh leh luhai a ni e.

    ReplyDelete
  3. Dini'n Mumbai lam chu blog chungchangah puih a tum niin a sawi a, an lo lut thei thuai em ang chu maw. U Kawli pawh a that chhoh zel kan duhsak e. Hospitalization Club chu bansan vek ang u. Keipoh zawm ka tum toh lo... Pu ber lo dam lo leh deuh chu kiang vek rawhse. Mamuani leh Beki pawh an that chhoh zel kan duhsak e.

    ReplyDelete