Monday, November 3, 2008

SERANGIN SE RANG A HRING, SAKAWLIN SAKAWL A HRING



Kumkhat chhuak theuh theuh, sesion khat theuh theuh, kawppui neih kum inang theuh theuh siah chuan kan thianpa Zamlovate nupa hi kan tluk lo hle tih a rawn lang chhuak chiang leh ta. Kum 23 kalta kha chuan Fapa pakhat chauh an nei a, a laihruiawrh hming chu Timothy Lalhlimpuia a ni. A tukhum a phek hle a, mahse naute duhawm tak a ni thung. Tunah Tima hian Salvation Army Officer nih tumin Candidate a ni mek a, 2nd Contact Period thleng a kaltlang tawh. Timothy-a zawh hian fapa dang pahnih an neih belh leh.

Tima saptawng thiam hmasak ber chu 'where is the moon?' tih a ni. Tuna mi ang rual vel a nih lai khian saptawng ka zirtir a. 'Where is the moon?' tih chuan chung lam a en vat zel. Mahse, a saptawng thiam kha lantir tur chuan zan emaw, thla lan hun emaw nghah zel a ngai thung. Thla lan loh lai pawhin 'where is the moon?' kan tih chuan van lam a hawi vat zel tho va, kan hlimpui thin hle a ni. Kum 23 lai a lo liam leh ta reng mai.

Kan thianpa pakhat, 'visionery leader', Major (Dr) ST Dula chu tunah chhimbial commander a ni mek a, ka blog in en chuan an division centenary plan in hmu thei ang. Ani hi pa ropui leh rorum, taima leh tuang tichhah thei, thawm na tak a ni. Mizoram Media Evangelical Ministries (MMEM) a din a. Tunah hian Aizawl khawpui chhunga Cable TV Operator pathum chuan 24 hour an tichhuak a, Lungleiah pawh 24 hour an tichhuak bawk. District khawpui dangahte pawh tihchhuah mek zel a ni. Chhimlam pastor un pui puite pawh tunah chuan thianpa Dula thuhnuaiah an awm vek tawh a, nitin deuh thawin a hnen atangin thuthlung an rawn la thin niin an DYS chuan a sawi.

Rawngbawltu rila rah ngei atanga rawngbawltu dang lo chawr chhuak leh tur hi a hluin, Salvation Officer rawngbawlna chawimawitu tha ber a ni. SA Officer hna hi a tha nia... tiin sawi fo thinin, ni ve turin mi dangte pawh sawm thin mah ila...kan rila rahte ngeiin kan hniak hnung an rawn zuina hian, mite thinlungah thu a sawi ring zawk thin. posted by Fela


5 comments:

  1. A dik chiah mai... A nei ve lo ber hian lo pawmpui hmasa ber teh ang.

    An tia lawm, mi tam tak hi chuan an fate zinga hmeltha, lehkha thiam thei deuh hi chu sawrkar hna lian thawk turin an duh a, unau zinga a chenbeh,lehkha pawh thiam thei vak lo, sual deuhte hi, "Lalpa, he ka fapa/fanu hi i tihdam phawt chuan i rawngbawl turin ka hlan ang," te hi an ti a, a tha sa pe phal hlawm si lo hian..

    Amaherawhchu, "Officer fa i ni a, kan hnung zuiin officer-ah i inpe ve tur a ni ang" ti-a fa-te nawr ringawt a, hel nuai tir erawh a tha chuang lo a, naupangte hian nu leh pa-te hi kan rinpui ber an ni a, an nun atangin kan inzir chho a ni tih chu kan hre theuh, chutianga rin ngam leh entawn tlaka awm chu nu leh pa-te mawhphurhna a ni ngei ang.

    ReplyDelete
  2. A nei lo berin sawi tur a ngah zek a a tha vek e. Keiniho hi chu a thaber pek vek kan ni lawm ni.

    ReplyDelete
  3. Thianpa Fela,tawngkam tha tak mai hi phu lo kan in ti hle mai! Kan fapa hming kohvin Lalpa rawngbawl a thlang hi kan lawm tih bak chu sawifiah ngaihna a awm lo. Keini nu leh pateah hian entawn tur leh zir tur a vang hle ang. Lalpa zuitu chak lo tak kan nihna vawi tam tak kan fate mithmuh leh hriat a tilang thin kan ni si a.Zep thu a cheng lo. Mahse Captain Dini sawi ang hian mahni duhthlanna ngeia kohna chhang Timothy Lalhlimpuia hi a ni turah kan pawm ve tawp mai. Kan sawipui a, kan hlan a, a sen lai atangin amah awihnan "My little General" tih hi ka hmang thin: Chhandamna Sipai Pawla Officer ni ngei tura kan duh avangin. Tunah chumi kawng a rawn zawh tan hi kan lawm tak zet.Kohna hlen chhuak tura Tawngtaipui erawh a ngai hle.

    A KOTU a rinawm a, A kohna hlen chhuak turin A pui ang tih kan ring.

    Anonymous in a ziak ang hian Dini hian sawi tur a ngah zek ang. Amah ngei pawh nu leh pate hnungzui a nih miau avangin. Mahni dai ram chanchin chu sawi a nuam bik si a.

    Training College awmlai thlalak te min rawn post sak a lung a ti leng hle mai.

    ReplyDelete
  4. Anonymous-a or i hian kan hriat theih turin hming inpe sela chuan hei ai hian a comment hi chhiar a nuam ang a, awmzia a nei zawk ngeiin ka ring.

    ReplyDelete
  5. Editor tupa hian a thupui hi anih dan tur takin a dah e. Tima'n a nu leh pa te hniakhnungzui a rawn zawh ve tur hi kan chhuang ngawt mai. A nu leh pa in kolasib Training College a an training lai a piang a nia. Chumi hmun ngei a Tima'n bul a rawn tan ve tur pawh hi mak tak a ni. Tluang taka training turin duhsakna kan hlan e.

    ReplyDelete