Pawl thum ka pass kum chuan, kan Officer Captain Thazova chuan Corps Cadet-ah i tang ve thei angem tiin min rawn bia a. Phur takin Form ka chhang ve nghal a. Corps Cadet ka ni ve ta. Inkhawma chang sawi te, Khuang vuak te, Dar vuakte, leh thil tih kan neih reng rengin mark a put vek avangin zak deuh chung pawhin eng emaw tal kan ti ve hram hram thin a. Khang kha rawngbawlna kawnga inzirna tha tak an lo ni. Lower Grade ka zova, ka tawpsan ta mai a. Mahse chuti chung pawh chuan kum thum chhunga kan zir leh activity te khan ka nun an hneh thui hle a ni.
Thlalakah hian Lower Grade leh Higher grade kan in kawp a. Kan CO leh mi dang pahnih Ropuina ramah an kal tawh a. Officer pahnih kan awm a. Hmeichhe pathum te hi an pasalte avangin pawl dangah an awm a. CSM pahnih an awm a, a dangte pawh hi pakhat tih chauh loh chu Local Officer an ni vek. Kan Corps Cadet session kha a hlawhtling hle a ni. Kan C O Captain Thazova te, kan Guardian Lalnghaka (kawmthlang Nghaka kan tih mai) Major Thantluangi ute kha an fakawm hle mai. Lalpa chu fakin awm rawh se.
Lalkiamlova
Commissioner
Corps Cadet thatna hretu te zinga mi ka ni ve, kum 6 course ka chhang zo ve thak a, vawiin thlenga Army History leh Bible ka hriat tam tak hi CC-a ka zir an ni hlawm.
ReplyDeleteMajor ST Dula hi ka Guardian hmasa ber a ni nghe nghe, a strict thei si, CC in mual inkhawm neiin kawng kan han zawh a, naupang a thu chang kan zak thei hle. Mark hmuh duh vangin Bible chang sawi leh zai vel kha a thu kan hnial ngam si lo... Kolasib-ah khan Nu Hlimpuii khan min ho hman zuai bawk.
Thlalak chu i van nei hlui tha theng theng ve, a hlu ngei mai...
Dini: He thlalak hi ka hlut teh mai asin! thlalakah hian min hre thei maw? Kan C O leh U nghaka kan guardiante hian tuna an hote kan nih dan hi an hre kim vek hman em ka hre lova, an lawm ve ngawtin ka ring thin.
ReplyDeleteKei chu Corps Cadet ka ni ve miah lo. Dilna form chu ka la chhuak ve a, mahse, a duhdan kha ka tlin loh avanginka thehlut ta lo.
ReplyDeleteIn CC badge ang hi kan naupan lai thleng pawh khan an la bel thin.