Pu Kiamlova and Kawki, Year 1981.
Mihringte danglam chakzia hi chu thlalak atang hian a hriat ve theih khawp mai. Keimahni chuan kan la ngai reng emaw kan intih laiin, kan lo danglam nasa em em thin a ni. Mahse, hun rei tak kal tawha kan thlalak te, kan incheina te, kan hair style pawh kha a nalh lo a ni miah chuang lo. A hunlai kha chuan kha aia nalh kha a awm chuang lo.
'Kan dang thin Isua a dang lo a hming ropui se' tih hla hi a dik khawp mai. Keini chu minute khat lek chhung pawhin kan danglam hman thin. A hmaa hlim nui bawk bawk kha, a hnu lawkah kan tum leh bur thin a. A ka pawh zen ila min seh lovang tih khawpa awm kha, ha chang kan thial leh mai thin. Hmanni lawka naute kha a lo nula a, pasal a nei a, chhangchhe nu a lo ni ta mai. Tlangval engtawl tak khan nupui a nei a, chhungkaw eizawngtu a ni ta mai bawk.
Second tinah hian keimahnia thilnung (cell?) nuaih tam tak a thi reng a, a piangthar reng bawk a. Dr. Thiama pawhin thalai nih reng tum mah se a thei lo angin, second tin hian upat lam leh tar lam chu kan pan zel mai zawng a ni e. Mahse... kan rilru erawh hi chu a thang muang bik niin ka hria. Tunah pawh hian ka kum ai chuan ka rilru chu a la naupang zawk daih mai.
Ka rilru chu la thalai hle mahse 'tukverha dak nute an thim' tan tawh a. Rilruin la zuam hle mah se, 'A ni, a sâng chu an hlau va, Kangah hlauhawm a awm a (Thuhriltu 12:5) tih dikzia ka hre ve tan ta. Youth Congress inbuatsaihnaah stage kan chei a, ka lawn ve chhin a, ka rilruin a zuam ang ngawt a nih lohzia ka experience chiang hle. A! Thalai emaw pawh inti mah ila, luah vaiumkhal thing a par tawh miau a ni. Mahse, heti chung hian la tar mai chu ka tum lo thung.
Ringtute chuan danglam ve ngai lo Pathian an ring a. Ringtu tisa chu lo awngrawpin, lo chau tial tial mah se, a rina erawh chu a ngai reng a, a rinna pawh a nasa talh talh thei. Khawvel thil taka zawh a, thlarau taka chhan tur zawhna thenkhatte chu:-
1. Khawvela chak ber engnge?
= Tawngtaina (Tar chak lo te tawngtaina pawhin thil a tithei em em a ni)
2. Khawvela electric wire sei ber?
= Rinna (Rinna avangin ringtu leh Pathian chu an inzawm a, ringtu hnenah enna a rawn thlen)
3. Khawvela tuipui thuk leh zau ber engnge?
= Hmangaihna (Hmangaihna tuipui thuk leh chhandamna zau)
Danglam ve ngai lo, thusut ve ngai lo Pathian kan nei hi a vanneihthlak tak zet mai. Chutiang Pathian chu ni ta lo sela chuan, kan mamawh vanglai takte hian biak thlawn hun kan ngah thin khawp ang le. posted by Fela 31.10.2008
'Kan dang thin Isua a dang lo a hming ropui se' tih hla hi a dik khawp mai. Keini chu minute khat lek chhung pawhin kan danglam hman thin. A hmaa hlim nui bawk bawk kha, a hnu lawkah kan tum leh bur thin a. A ka pawh zen ila min seh lovang tih khawpa awm kha, ha chang kan thial leh mai thin. Hmanni lawka naute kha a lo nula a, pasal a nei a, chhangchhe nu a lo ni ta mai. Tlangval engtawl tak khan nupui a nei a, chhungkaw eizawngtu a ni ta mai bawk.
Second tinah hian keimahnia thilnung (cell?) nuaih tam tak a thi reng a, a piangthar reng bawk a. Dr. Thiama pawhin thalai nih reng tum mah se a thei lo angin, second tin hian upat lam leh tar lam chu kan pan zel mai zawng a ni e. Mahse... kan rilru erawh hi chu a thang muang bik niin ka hria. Tunah pawh hian ka kum ai chuan ka rilru chu a la naupang zawk daih mai.
Ka rilru chu la thalai hle mahse 'tukverha dak nute an thim' tan tawh a. Rilruin la zuam hle mah se, 'A ni, a sâng chu an hlau va, Kangah hlauhawm a awm a (Thuhriltu 12:5) tih dikzia ka hre ve tan ta. Youth Congress inbuatsaihnaah stage kan chei a, ka lawn ve chhin a, ka rilruin a zuam ang ngawt a nih lohzia ka experience chiang hle. A! Thalai emaw pawh inti mah ila, luah vaiumkhal thing a par tawh miau a ni. Mahse, heti chung hian la tar mai chu ka tum lo thung.
Ringtute chuan danglam ve ngai lo Pathian an ring a. Ringtu tisa chu lo awngrawpin, lo chau tial tial mah se, a rina erawh chu a ngai reng a, a rinna pawh a nasa talh talh thei. Khawvel thil taka zawh a, thlarau taka chhan tur zawhna thenkhatte chu:-
1. Khawvela chak ber engnge?
= Tawngtaina (Tar chak lo te tawngtaina pawhin thil a tithei em em a ni)
2. Khawvela electric wire sei ber?
= Rinna (Rinna avangin ringtu leh Pathian chu an inzawm a, ringtu hnenah enna a rawn thlen)
3. Khawvela tuipui thuk leh zau ber engnge?
= Hmangaihna (Hmangaihna tuipui thuk leh chhandamna zau)
Danglam ve ngai lo, thusut ve ngai lo Pathian kan nei hi a vanneihthlak tak zet mai. Chutiang Pathian chu ni ta lo sela chuan, kan mamawh vanglai takte hian biak thlawn hun kan ngah thin khawp ang le. posted by Fela 31.10.2008
A van tha kiuh keuh ve aw... IS chu leh... tunge Kawki khi?
ReplyDeleteI lo chei a, lawmawm hle mai, thlalak dangte pawh rawn vawrhchhuak zel rawh, hlui deuh deuh i ngah kha.
Danglam ve ngai lo Isua neitu leh ringtu kan ni hi chu vanneihthlak ngawt asin.
Kan Editor hi thlalak a rawn phawrh chhuak tha thei ngawt mai. Khawilam archives atangin nge maw a neih le? Nge THQ khian kan lo nei reng tawh zawk? Neih a chi viau ang. Kan IS hian a hmel a paih lo khawp mai. A fapa Henry pawh a ang mah mah e!
ReplyDeleteI thu leh hla a tha e.