Hei tunah Capt. Dini zarah luanliamna hmun tha tak mai kan han nei ta a, hla phuah lam timi takte in lo awm zel bawk nen, a hlimawm dawn hle mai. Nangni pi leh pute angin hlaphuah lam kan timi chiah si lo a, ka article The Young Salvtionist 2000-a chhuah tawh kha, min tuaithartu atan ka rawn post ve e.
T H A L A I
Thalaiten kan hreh em em chu ‘upat’ hi a ni. Kei chuan upat hrim hrim hi ka hreh lo. Ka kumte chu Mathusela kum zat hial pawh lo ni rawh se, ka lungngai lo. Ka luruh chhunga ka thluakin hneh tur leh harsatna hmachhawn thei tura huaisenna a la vawn chhung chuan, ka lu-ah kelsam lo tovin, ‘tar chhia’ min ti mahse, ‘hluihlawn thil’ nih chu ka tum bik lo. Ka thlarau mitin ka hma hun thim tak kara eng de set set a hmuh theih a, beiseina min thlen theih chhung chuan, ka tu leh fate hre hrang thei lo khawpin ka mit khawhmuh fiah tawh lo mah sela, chu eng thleng thei lo khawpa ka tluk sawp mai bik chu ka ring lo.
Ka kut chu ‘tanpuitu kut’ a nih a, ka ke chu thil tha tihna kawnga a la pen chhet chhet theih chhung chuan; ka vunte lo zurin ka kut leh keah te chuan tisa bet tawh lo mah sela, chungte chu ka kum rangkachaka malsawmna ka dawnah ka ngai ang.
Thalai intiin ka sam chuan kum 15 chhung chauh ni eng la hmu rih mah sela, harsatna hmachhawn thei tura ka thluak finna hmanga huaisenna ka paw chhuak thiam tawh lo a nih si chuan mi hman tlak loh ka ni ang. Ka thlarau mitin inlarna leh beiseina eng a hmuh fiah theih tawh loh chuan, ka mit naute chu vur angin var mah se, khawvela mi bo ka lo ni ang. He nunkawng chhuk chho ka zawh laia ka hna chanpual ka hmachhawn ngam lo a nih chuan, ka kut leh kete chu thahruiin zam khat vel mahse, mi dawizep bera chhiar ka lo ni ang. A ni, mawhphurhna hmachhawn ngam lo, nuam hlir duhna vanga dawidim hmang thin thalai tam tak, chakna leh duhawmna hloh ta an va tam em!!
Thalai chu tunge ni ta ang le? Mi, rilrua chakna, huaisenna leh beiseina vawng nung rengtu chu a ni, Thalai chu.
Thalaiten kan hreh em em chu ‘upat’ hi a ni. Kei chuan upat hrim hrim hi ka hreh lo. Ka kumte chu Mathusela kum zat hial pawh lo ni rawh se, ka lungngai lo. Ka luruh chhunga ka thluakin hneh tur leh harsatna hmachhawn thei tura huaisenna a la vawn chhung chuan, ka lu-ah kelsam lo tovin, ‘tar chhia’ min ti mahse, ‘hluihlawn thil’ nih chu ka tum bik lo. Ka thlarau mitin ka hma hun thim tak kara eng de set set a hmuh theih a, beiseina min thlen theih chhung chuan, ka tu leh fate hre hrang thei lo khawpin ka mit khawhmuh fiah tawh lo mah sela, chu eng thleng thei lo khawpa ka tluk sawp mai bik chu ka ring lo.
Ka kut chu ‘tanpuitu kut’ a nih a, ka ke chu thil tha tihna kawnga a la pen chhet chhet theih chhung chuan; ka vunte lo zurin ka kut leh keah te chuan tisa bet tawh lo mah sela, chungte chu ka kum rangkachaka malsawmna ka dawnah ka ngai ang.
Thalai intiin ka sam chuan kum 15 chhung chauh ni eng la hmu rih mah sela, harsatna hmachhawn thei tura ka thluak finna hmanga huaisenna ka paw chhuak thiam tawh lo a nih si chuan mi hman tlak loh ka ni ang. Ka thlarau mitin inlarna leh beiseina eng a hmuh fiah theih tawh loh chuan, ka mit naute chu vur angin var mah se, khawvela mi bo ka lo ni ang. He nunkawng chhuk chho ka zawh laia ka hna chanpual ka hmachhawn ngam lo a nih chuan, ka kut leh kete chu thahruiin zam khat vel mahse, mi dawizep bera chhiar ka lo ni ang. A ni, mawhphurhna hmachhawn ngam lo, nuam hlir duhna vanga dawidim hmang thin thalai tam tak, chakna leh duhawmna hloh ta an va tam em!!
Thalai chu tunge ni ta ang le? Mi, rilrua chakna, huaisenna leh beiseina vawng nung rengtu chu a ni, Thalai chu.
(The Young Salvationist October 2000)
~Zairemthiama Pachuau
A tha hle mai, 2000 kuma mi-te i lo la dah tha chu i fakawm ngei mai. I doctor zir lai vel a nih ka ring a, khang hunlai leh a hmalam kha chuan YS velahah hian Zairemthiama Behliangchhip, tih hi kan hmu chamchi a, i thu leh hla a ngaihnawm thei khawp mai.
ReplyDeleteTun hnu-ah hian thalai zingah article ziak peih an tlem ta hle mai, YS leh Sipai Tlangau velah te hian han ziak taima hlawm tura fuih dan awm se tha awm hle-in ka hria. Remthangi Pautu hi a rawn peih chho viau a, a lawmawm hle.
Kei pawh tar hi ka chak tehchiam lo a, kan naupan laia kan hla sak thin ang deuh khan rilru lam control hi a ngai ve khawpin ka hria.
Simluai chu tar hle mah se
Tlangval thalai a ni e... tiin kan sa thin a...
Dear Captain, khang hunlaia ka article leh essay z.z kha tunah ka laptop-ah ka file tha thlap vek asin. Lehkhabu atan ka la tuamhlawm ang. Duh hun huna publish mai theihin ka rem tha vek tawh. A bu hming turah ka la buai mai chauh a ni!!
ReplyDeleteNia i sawi ang hian Remthangi Pautu hian a ziak tha thei khawp mai. A article ka hmaih ngai lo. Pathianin talent tha tak a pein ka hria.
Chu bakah kan Editor hi a Editorial hi zir tham a awm thin. Pa ngawi chut chut e tilo hian a 'ril' ka ti khawp mai. English hi zir uar leh deuh se, All India War Cry Editor atan ka it khawp mai. Writers Bureau ah diploma course (correspondence) a awm a, kum khat awh niin a total fee pawh pound 280 chauh a ni.Hei hian lehkhabute a huam tel. Kan hotute hian sponsor dan an hria emaw?
Great Job done Dini. Congrats he blog i buatsaih avangin.
ReplyDeleteKan va hlimpui tan ve Nl Dini thiltih ropui chu..!!
ReplyDeleteChhiar a nuam hle mai- article and comments. Dr.Thiama taimakna leh thil vawnpeih dan hi a ngaihsan awm e. A bu hming tur ka chhiar lai mek a lo lang ( mihlim ho iangin) ka han sawi mai mai ang e. "Ka RO bawm" = "My treasure chest" te ti ta la.... Nghakhlel takin kan lo thlir e...
ReplyDelete