Wednesday, October 13, 2010

BOOK REVIEW - PRIMORDIAL WOMEN-LESSONS FOR TODAY

Name of Book: Hmasang Hmeichhiate - Thangtharte Zirlai (Primordial Women-Lessons for Today)
Ziaktu : Colonel Lalzamlova
Publisher : The Salvation Army, India Eastern Territory
Printer : Centenary Press
Copy : 1000
Page : 69
Cover : Art paper multi-color
Aman :Rs. 15


He lehkhabu hi a ziaktu tunu hmasa ber (Ruth Vanlalremruatfeli) puala a ziah a ni a. A tunu thlalak chu a kawmah a tarlang nghe nghe. Bible-a hmeichhe hmasa 22 la chhuakin, an hming awmzia te, an nungchang tlangpui te leh an nihnate a tarlang a. Chung mite atang chuan tunlai thangtharten engnge zir tur an neih a tarlang bawk.

Bible-a mite chauh hmang lovin a ziaktu hian ama chanchin atang pawhin zirlai a siam bawk. He lehkhabu atang hian an tu hmuh hmasak ber an hmangaihzia kan hre thei a. Amah awm pha lo leh paw pha lova an awm avanga an ngaihzia te, an thlakhlelhzia te kan hmu thei bawk.

He lehkhabu hi hmeichhe naupang leh tleirawl chhiar atan a tha bik hle. Chutih laiin mipa tan pawh thil tangkai tak a awm bawk. Chhungkaw inrelbawl that pawimawhnate kan hmu thei. A ziaktu hian an chhungkaw chanchin thui deuh tak atangin a tarlang bawk.

Chuta thinlung khawi thei tak chu a pi tawngtai thin thu hi a ni. A tupa leng a haw hma loh chuan tawngtai chungin a lo nghak thin a, chumiin rah tha a chhuah tak dante hian a chhiartute chu a khawih ngeiin a rinawm.

A chhungthu tifiah turin Mizo thawnthu thenkhat a hmang bawk a, hengte pawh hi tunlai atan chuan naupangte hnena Mizo thawnthu inhrilh chhawnna hmanraw tangkai tak a ni bawk.

Naupangten an chhiar a, an ngaihtlak pawha a lem an hmuh tur milem thenkhat dah a ni bawk. Hengte hian naupangte chu hrefiah turin a pui ngei bawk ang.

fela

9 comments:

  1. Thlarau Thianghlim hruaina leh thian thate puihna zarah ka pum ve thei hram. Manuscript min chhiar saka a tawngkam ulh leh fuh tawk lo te, thawnthua hming hriat dan dang deuh te min siam that puitute chungah ka lawm. In za a zarah heti te hian a lo chhuak ve ta a nih hi. IET literature board-in chhuah tura min lo pawmsak a ropui ka ti. Review tha taka i rawn chhawpchhuak leh zel hi thianpa ka va lawm tak em!

    ReplyDelete
  2. @ZL- A thupuiah khian Book Review chu ka han ti ve tak na a, hmanhmawh taka ka ziah a ni a, mi review dan chu a ni lem lo mai thei e. Lehkhabu hi a pan emaw, a chhah emaw, puitlin tur chuan beih ve fet a ngai.

    Dik tak chuan a tawi/pan zawh poh leh uluk, fimkhur, tawngkam hman uluk a ngai a, a harsa zawk daih.

    ReplyDelete
  3. hmingtea- i chhiar ve duh tak tak chuan i mail address ah soft copy ka la han thawn dawn che nia.Khalama ka unaute (cousin)ho nen in inhria em?
    Mitea- thanks

    ReplyDelete
  4. Hey There. I discovered your weblog the use of msn.

    That is a really neatly written article. I'll make sure to bookmark it and return to read more of your helpful info. Thank you for the post. I'll
    certainly comeback.

    my homepage; http://waakpon.com

    ReplyDelete
  5. Interesting blog! Is your theme custom made or did you download it from somewhere?
    A design like yours with a few simple adjustements
    would really make my blog stand out. Please let me know where you
    got your design. Appreciate it

    Here is my blog post ... jordan-wall.com

    ReplyDelete
  6. Because the admin of this web site is working, no uncertainty very shortly it will be renowned,
    due to its quality contents.

    my web-site: book of ra kostenlos spielen ()

    ReplyDelete