Tuesday, October 19, 2010

field session 2010

The Salvation Army, India Eastern Territory Field Session chu ni 14-16 October 2010 khan tluang tak leh hlim taka hman zawh a ni ta. Booth Conference Hall-ah he Field Session hi hman tura ruahman a ni a. 2007 kum pawhin Colonel D Jayapaul TC hovin he hall-ah hian kan lo hmang tawh a, kan leng a.

Ni 14 zana welcome meeting kan han nei chu kan tawt ta hle mai a. Retired Officer-hovin a tuk atangin min la belh dawn leh nghal a. Inkhawm ban rual rual chuan Temple-a insawn kan rel ta a. Temple Corps CO biak a ni a, rem a lo ti a, a tuk atangin kan insawn ta a ni. Co erawh a khawngaihthlak deuh, zing tawngtai inkhawm banah upa pakhat chuan engatinge ka thu lova biak in i hmantir tiin a kamkhat a ni awm e.

Tuntum field session chu business lam ni lovin spiritual lama hman a ni. Zai a nuam a, kan tui a, lam an awm reng bawk. Contemporary song kan sa hnem deuh ber. Kan programme atang hian hun kan hmandan chu a hriattheih ang.

Colonel Sawichhunga TC hun laiin field session-ah evan. Vanlalnghaka sawm a ni tawh a, chu chu territory-a a vawikhatna a ni a. Tunah hian Salvationist layman pahnih sawm an ni leh a, hei pawh hi territory-a a vawikhatna a ni bawk. Pu PL Thanga hian puithiamte awmdan tur bakah international salvationism lam a sawi a, Nl Nuhliri hian kan mite min beisei dan a sawi ber a, chung zingah chuan 'mitthi vuinaah te, inneihnaahte hian kan thusawi ngaithla tura lo kal an ni lo va, mitthi avang leh inneite avanga lo kal an ni a, thuchah tawikim tha tak sawi thin rawh u' a ti.



India Eastern Territory-a a vawikhatna atan Colonel Samuel Charan, Territorial Commander chuan Auxiliary Captain 15 hnenah Certificate of Warranty hlan a ni.

fela

5 comments:

  1. A hmuhnawmin a bengvar thlak hle mai.

    ReplyDelete
  2. maj i hmel ka hmu ve lo tlat mai

    ReplyDelete
  3. Hmingte, major chu a thlalatu a ni a, a lang thei lo a ni ang. Nge a lam nasa pawlah a tang zawk ka hre lo? ha... haaa.... (2nd para last sentence khi chu delete tha ka ti.)

    ReplyDelete
  4. Tu nge chu Local Officer chu le? A Commanding Officer ber in phal na pek tawh si chuan,Local officer chuan thu a nei lo hrim hrim.Amaherawh chu CO a awm lo anih chuan Corps Secy. hriat tir a,Corps Council in an rem ti anih chuan Hman Phal na an nei ngei ang.

    ReplyDelete
  5. Field Session hlim taka hmanho kha a lawmawm hle mai, Colonel Sawichhunga hun laia rawih kha Evan Vanlalnghaka nilovin Evan Lalchungnunga zawk a ni, Burma atanga Lalhmingliana hnu deuha lo chhuk kha.

    ReplyDelete