Wednesday, April 14, 2010

LANKA TEAM VISIT

Ni 3-12, April 2010 chhung khan Sri Lanka Territory atangin mi 5, Program to program visit nei turin an lo kal a.Anmahni lo buaipuia lo tanpui turin kan hotuten Rev. Dr. F. Sangkhuma CLS nen kan mawhphurhnaah an dah a, kan theih ang tawk tawkin kan lo tanpui.

Heng lo kalte hi Major Jaya Ratnasingham Field/HRD/Prayer Coordinator leh Local Officer 4, (CSM 3, YPSM 1) an ni. Tun tuma an lo kal chhan ber chu rawngbawlnaa layman inhmanna chungchang zir tur an ni deuh ber a, chutiang chuan hun pawh ruahman a ni.

Anni pawhin nuam an ti a, hlawk an inti khawp mai. Inrinni vawi khat chu handloom dawrah an kal a. Manager chuan meizial a lo zu a. An inbiakna leh titina atangin chu manager chuan a meizuk lai chu a paih a, a ngei nghal tur thu a lo hrilh a ni awm e, anni pawh an lawm ve khawp mai.

Temple Corps-ah nilengin hun kan hmang a, upaho nen thil inhrilh tawnna hun tha tak kan hmang

Ebenezer Corps-in Khiangkawi ipte an lo pe a, an lawm hle, YPSM pakhat chu YP Corps lamah a inkhawm a, hetah hian a lang ve lo a ni

Reiek tlang leh Mizo Typical Village pawh an nuam an tiin an hlimpui hle

Bethlehem Corps SAY-in thalai lam rawngbawlna mumal takin an hrilhfiah

Chanmari West Corps an hlim hle a, kan Lanka unaute pawh an lam kual ve ta hial

Chanmari West Corps local officer-te nen

Ani pawh an naute lo kal hian a awm a, Lilyveng Corps-in thusawiah an sawm a, an lo welcome nasa hle

fela

6 comments:

  1. Territory dangte tana entawn leh zir tlak Territory kan ni chu a ropui ka ti hle mai.

    Picture hnuhnung ber chu... an va challang deuh veeee

    ReplyDelete
  2. Kan Sri Lankan team duh takte chu an Pu Ber ho khian chi kimin an challang a nih tak khi mawle!!

    Kan foreign teamte khian kan IET chhuanvawr tak atangin thil thar tam tak an zir chhuah ve ka beisei tlat a ni. Hetiang visit siam nachang hria kan Colonel-te nupa an fakawm hle mai.

    Anmahni lo buaipui bertu Rev.Dr. F Sangkhuma leh Major Fela pawh in ti tha, Congratulations!!

    ReplyDelete
  3. @ Varte - Ni e, keini lam pawh hian zir tur tam tak kan nei a, mahse, anni chuan rawngbawlnaa sipai mite inhmanna hi an zir tur pakhat a ni ve.

    @ Thiama - Miten min zir a, min chhiar a, mahse... kan missionary tirhchhuahte tha tichak thei zawnga kan awm thei lo hi chu a buaithlak a ni.

    ReplyDelete
  4. India Eastern hian Territory dang atanga lo kalte training lo petu cell hran siam a mamawh khawp mai, Corps thlan bik an upa te leh sipaite an Corps dinhmun leh kalphung hneh tak leh benglut taka lo sawifiah thiam thlan chhuah bikte nen. Mi dang tan malsawmna ni zel tura inbuatsaih nasat deuh deuh a tha khawp mai. A buaipuitute in fakawm e.

    ReplyDelete
  5. @keimah=kan hotupa chu i rawn lenglut a, i va han tilawmawm em! Malsawmna nen kan lo lawm a che.

    ReplyDelete