Kan ramah chuan USA Presidential Election a Barak Obama ( a pa Kenyan a nu American ) tlin an lawm nasa mai. Tukin zing khan Kenya President Mwai Kibaki chuan Obama hnenah lawmpuina a thawn a, naktuk khi National Holiday ah a puang nghal bawk. Keini pawh naktuk chu office kan chawl ve dawn.Keifang a Corps Officer a ka awm lai khan Envoy Tlanga khan A.O eisiam thian hmelhriat nih pawh hi thenkhat chuan an chapo thu a sawi a. Envoy Tlanga thusawi chu kan ang khawp mai. Obama pa hi Kenyan niin USA ah lehkha a zir a, American nula nupuiah neiin Obama hi an nei a. Revaklo-ah inthenin Obama pa chu Kenyaah a rawn haw leh a, accident in a boral a. A nu pawh chuan pasal dang a nei ve leh bawk . Nu leh pa kara seilian lovin a pi ( anu nu ) enkawlna hnuaiah seilianin hetiang dinhmun hi a lo thleng ta a ( Inthlan hma lawk khan a pi chu a thi nge nge a , an la vui lo a ni). Kenyan mihang USA a cheng, USA khua leh tui nihna neitu President a thlan anih takah hian Kenya mite chuan an chhuangin an lawm em em mai a. A chhuanawmin a lawmpuiawm tak reng bawk a ni e.
(A ram mi tih takah Major Bula pawh a rawn che rang viau e... Langtlang mail ka rawn post a ni, a chanchin dang hre duh tan hetah -http://en.wikipedia.org/wiki/Barack_Obama . Dini)
Nia....a lo chawrchhuah dante han thlir hian a lawmpuiawm lehzual ngawt mai
ReplyDeleteEngtak ang ang maw le, American mipuitamberin an thlang miau mai si a. A tha turah ngaiin tawngtaipui ila, thenkhat 'I'm scare' ti lawm lawmte chu an awm ve bawk a.
ReplyDeleteKei chu a campaign-na apianga "CHANGE WE NEED" tih a tar thin khan mi hneh hle a, ka lo tan ve phah.
ReplyDeleteNia, change chu Amah atang hian a thleng tan phawt chu a nia.. enge maw a an zel ang le. Kan ram lam hi chuan tan ve veng veng tak kan ni. Thenkhat thung chuan India tan chuan tha vak turin an ngai lo thung a...
ReplyDelete