FATAPUKUR

A hnuia mi hi kan pawl ram ni reng chu siin, a hung laiin an lo hung tel lo va, tunah chuan nei let leh tur chuan dan hmanga beih ngial a ngai tawh dawn a ni. Chet lak hmaa fimkhur hi a pawimawh hle a ni. Fatapukur Corps compound vel kan hotu lianten an thlir.

Fatapukur Corps CO's quarters. Commr. Lalthanngura hun laia sak leh a hawn a ni.





Fatapukur Corps biak in, hei hi chu Northern Territory hnuaia an awm laia sak a ni



posted & photo by fela

Reports

All African Christian Council of Churches Assembly vawi 9-na kan ramah kan thleng a, South Africa atangin Band rual an lokal a, Chawlhni khan Salvation Army-ten marching neiin hma kan hruai chu a nuam ve khawp mai.

8th, Dec,(Mon.) tlai khan Maputo Shopping Centre-ah Carol service kan nei a, Band-in Krismas hla an play-te chu ka thiannu nen kan lo sakpui a, mipui an tam a, Band kara han zai chu a ring mawh bawk nen, theihtawp chhuahin hrawk phiar tawng tawngin kan zai ve bawk a, “Kristian hla sak an phal lo ania”, tiin min rawn khap leh pek a, Away in a manger, Joy to the World, Silent Night tih velte chu kan sa chak ngang bawk si a, hmui chipin kan la Hm Hmm hram a…

CHHAWRTUI

Pu Rama Blog thar lawmpui nan, a lung tileng em emtu, Chhawrtui khaw thlalak hi tarlan a ni e. Chhawrtui hi hla thuin engtin nge an dah ka hre lo va, 'Chhawr khawpui' an ti nge 'Tui khawpui' an ti zawk? 'Vangkhaw Chhawrtui' pawh an ti mai thei a ni. Pu Kiamlova te, Pu Ramate hi he khuaa naupan lai hun hmang an ni a, vawiin thleng pawh hian an mumangah an la hmu fovin a rinawm.

Khawpuia naupan lai hun hmangte aiin thingtlang khuaa hmangte hi an awhawm zawk a, sawi tur an ngah a, tawn hriat an ngah a, Mizo nunphung leh hraite an zir chhuak hnem zawk bawk. posted by fela

Nau lawm ila...!!!

Nizan-ah Mobile atangin mail ka check a, Colonel Rama'n Blog a nei thar ta tih ka han hmu thut mai chu ropui ka ti hle mai a, blog thar tlawh hlan ka nghakhlel hle mai. Langtlang unaute awmkhawm ila a lawm nana han lam zawr zawr mai pawh ka chak hle mai. A post hmasa ber pawh a ngaihnawm nghal hle mai.

Colonel atang hian keini naupang zawkte hian zir tur kan neiin ka hria:

Kum lamah (langtlang zingah chuan) a upa ber a nih hmel a, heti chunga thangtharte hmasawnna IT lam thlenga a la milpui thei hi a fakawm ka ti thlawt a. Dik tak chuan ARMYHOME kan siam dawna ka hlauhthawn chu Colonel te hian an hmang tangkai ve thei lo mai ang aw tih hi a ni a.

THQ-a PRS a nih lai khan Computer hi chuti teh chiamin a hmang lo niin ka hria, Lotus note-a mail check bak kha chu a Secretary kutah a innghat thin a, Mumbai lam kal a ngaih takah khan Computer course chu an han zir leh hnuhnawh niin ka hria. Tunah chuan hei ropui takin BLOG te hial a'n nei ta mai.

Zir tur kan nei ka tih tak chu:
A Taimakna, tumruhna, huaisenna, hmasawn duhna te hi.

Vawiin chu nau piang thar hi i lawm hut hut teh ang u.

(Colonel Rama pual liau liaua ka ziah a ni e... Dini)

Hman lai kan ti vawng vawng

Hei hi i hre ve hman em? Mizoram buai hma Lungdai Gate a nih hi. Heng hun lai hian gate pu an awm thin a. Gate hi hawn hun an nei a, a chhan chu kawng a te a, chhak lam leh thlang lam atanga Motor kal kha kawng laka an intawh loh nana tih a ni. Champhai Roadah Seling bulah khian a awm thin a. Tum khat chu kan Aizawl kal Kawlkhulh atangin Jeepah kan chuang a. Chutih lai chuan Ruallungah khian kan kal tlang thin a. Ruah a sur nasa em em mai a. Kawng a nal si a, chuvangin kan kal zel ngam ta lova. Saitualah kan riak a. Ni khat kan cham a, khua a zia deuh a. kan chhuak leh ta a. Tuirini kamah kawng a lo min leh a, kan lai chawp a kan kal kim hmain a min leh a. Chuvangin Seling ban zo lovin kawng lakah Motor kan dah a. Kein Selingah kan han riak a. A tuk chaw hnuherah Motor tang a lo chhuak a. kan kal leh chu Seling gate pu in minhawn duh lova. kan Driverte cham rei twh thinrim chuan Aizawl atangin Motor pakhat mah a lo chhuak lovang. kan chanchin an ngaichang vek heta min dan hi awmzia a awm lo tiin a gate ban an phawi sak a, kan tlan liam san ta

(IS post tum ni turah ka ngai, draft-ah a awm a, ka rawn publish e... Dini)

KOHIMA

Kohima-ah pawh hian uniform ha tur naupang kan nei ve tan tawh a nia.Heng mite hi an puitlin hunah Sipai Pawl chu a nghet tawh ang. posted by fela

DUHAWM

posted by fela

BEING WISE AT CHRISRMAS (Mizo version)

Finna hi a van em vangin thil hlu tak a ni. Thil ropui tak lawma a awm lai hian finna hi a vang lehzual tih hi i lo hre tawh em? Hei hi engtin nge pian champhaphak, inneih champhaphak, hna atanga chawlhna, infiamna avanga hlawhtlin lawmna leh kumkhata sakhaw ni pawimawh in hman danah a innghat ang chu.

Krismas hi sakhaw thila hunpui hmingthang ber pawl a ni ngei ang a. Mi tam takin a pian ni kan hriatreng si, a lawmna erawh Krista tel ve miah lohnaa kan siam hi a mak ngawt mai. Dik tak chuan hlim taka thil lawmna hi pawnlang taka hman emaw ruih vanga bengchheng siam hmangte nen emaw hian thuangkhatin an kal tur a ni lo.

Nu fing leh pa fingte chuan Krismas atan hian fimkhur takin an inbuatsaih thin. Krismas lo thlen hma hun (Advent) hian kar lite awh tlangpuiin, chu chuan remchanna tam tak a siam ve a ni. Kartinin, kan Bible chang chhiarte leh kan inkhawmnate chuan, Pathianin Chhandamtu min pekna tura a ruahmanna mak takte chu thuk zual deuh deuhin kan hre thei ang. Krismas ni a lo thlem meuh chuan a thukna mak takte chu a vaiin kan hrethiam thei dawn a ni. Ka thlarau tan Chhandamtu! Ka sualna Chhandamtu! Chhandamtu, ka damchhung hun atan Thian leh Hruaitu! Hei hi a ni kan lawmna chhan chu.


Bible-a mi fingte chanchin hi chhiar nuam ka ti thin a. Chhandamtu Isua pian hnu lawka amah hmu tura Bethlehem pana kawng thui tak an rawn kal dan chanchinte kha. Mathaia bung hnihnaah chuan mi fingte tel ve dan chungchang chiang takin ka hmu thei a. An finnate Pathianin engtin nge a hman tih kan hre thei a ni.

Isua chu chibai an buk theih nan an zawng a. Chu chu a fing em em a ni. An zinkawng hautak leh hrehawm takte pawh an tuar chhuak a. Chu pawh chu a finthlak em em bawk. Danglam taka nau lo piang hian hlimna a rawn thlen dawn nia hriatna an nei tlat a ni. Chu pawh chu a finthlak khawp mai. Chhandamtu Isua chu an thil neih hlute an hlan a. Chu pawh a finthlak e. Lal Herora duhdan sual tak chu an zawm ta lo va. Chu pawh chu thil finthlak tak a ni. Chu ai chuan chung lam kaihruaina chu an zawm ta zawk a ni. Chu pawh chu a finthlak lehzual.

Hetiang ang bawk hian he Krismas-ah hian kan fing ve thei ang em? Kan neih hlu ber hmangaihna leh nitina atana thawhna hi pe ve ila engang fakauva nu fing, pa fing, thalai fing nge kan nih dawn! A Thlarau Thianghlim khawngaihna keimahnia a chenna chuan hlim tak leh lawm takin a hnungzuitu rinawm min nihtir thei dawn a ni.

Krismas leh Kumthar hlimawm malsawmna thlentu hmang theuh ang che u.

Shaw Clifton General of The Salvation Army

translated & posted by fela

The Blood

One night in a church service a young woman felt the tug of god at her heart. She responded to God's call and accepted Jesus as her Lord and saviour. the young woman had a very rough past, involving alcohol, drugs, and prostitution. But, the change in her was evident. As time went on she became a faithful member of the church. she eventually became involved in the ministry, teaching young children. It was not very long until this fatihful young woman had caught the eye and heart of the pastor's son. The relationship grew and they began to make wedding plans. This is when the problems began. You see, about one half of the church did not think that a woman with a past such as hers was suitale for a pastor's son.

The church began to argue and fight about the matter. So they decided to have a meeting. As the peole made their arguments and tensions increased, the meeting was getting completely out of hand. The young woman became very upset about all the thins being brought up about her past. As she began to cry the pastor's son stood to speak.

He could not bear the pain it was causing his wife to be. He began to speak and his statement was this:

'My fiancee's past is not what is on trial here. What you are questioning is the ability of the blood of Jesus to wash away sin. Today you have put the blood of Jesus on trial. so, does it wash away sin or not?'

The whole church began to weep as they realized that they had been slandering the blood of the Lord Jesus Christ.

(He article hi e-maila in thawn kual lak chhuah mai a ni e - L. Kiamlova)

Pa Rama Langtlang Lehkha

Rawngbawlpui duh tak te u,

Dam tak leh tluang taka Lal rawng in bawl theuh kan duh sak a che u. Thla lai a ni dawn ta mai, Major Kunga leh Major Fela mail chauh hian min rawn thleng thei a ni ta deuh maia, Pi Puii mail ka lo hmu khiah bawka, a bak chu Langtlang hmuh kan nei ta lo tlat mai, khua a har vawng vawng mai. Pa Fela Chanchin thar rawn tih thian hi a lawmawm in a hlu ngei mai, zorama awm te aimahin kan update zawk hial awm e, rawn taima zui zel se a tha ang. Vawiin 19/11 chawhnu dar 3 PM hian Kawli Damdawiin a kalpui leh hun a nia, kan chhuak tep a ni, an damdawi pek a ei chuan ana a reh maia, a ei zawh tuk atangin a na leh mai thin sia, Dawktawr in ' a nat leh chuan lo kal leh rawh u' a tih avangin leh beiseina dang te a awm takin kan tia kan kal leh dawn a ni, min lo la tawngtaipui fo kan duhin kan han ngen leh a che u. Kan Pu ber Chiahpuam article pawh hi kan lo hmu ve pek lova, chhiar kan chak ve hle. Dam takin mangtha chibai vek ule.

In rawngbawlpui,
Rama, Mumbai

(Pa Rama hian Army Home hi a la chhawr tangkai thiam lo niin a lang a, keini ho lah email aiin Army Home lamah kan inhmu ngun ta zawk si. Dini emaw Editor emawin Army Home leh kan blog dangte tlawh dan lo hrilhfiah se a tha mgawt ang. A khua a har deuh a nih hmel e. ~Zairemthiama Pachuau)

KULIKAWN

He THQ quarters hi Aizawl Kulikawn-ah a awm a. A bulah hian Aizawl Central Corps Biak In, 1931 kuma sak tawh a ding bawk. He in pahnihte hi Google Map-ah chhinchhiah a ni tawh a, in hmu thei ang. He building dinnaah hian Training Garisson a lo awm tawh thin a, Mizo Officer hranghlui tam tak hi helai hmun atanga training chhuakte an ni hlawm. April 2009 atangin Central South Division Headquarters atan hman a ni dawn. photo & posted by fela

ADVANCE CHRISTMAS

In zavaiin chibai kan buk a che u. In lehkha tam tak kan lo chhiar thin a, kan beng a var mai bakah kan lawm thin khawp mai. Keini Kawl ram lam pawh kan reh rei deuh ta ni in ka hria, A mah tute emaw dan takah "Kan reh vang vang hi chuan kan Tha tlang a ni" an tih ang deuh in kan tha tlang hlawm e, Pathian zarah kan tul ve vat vat thin khawp mai. Ram hrang hrang chanchin kan lo hre thin hian min ti hlim a, Thlarau lamah pawh Malsawmna thar kan dawn phah ni hian kan hria. Pathian tana kan tih theih hi a beitham hle a, chuvangin kan vanglai leh kan hun neih chhung hi chu theihtawp chhuaha hma kan lakho chu a tul zel dawn a nih hi. Ram dang atanga Mikhual duhawm tak tak kan nei zel a, tin a then chuan min awm chilh mek bawk a, kan Office lam lah chu nitin hian an la siam tha mek bawk a, kan thawm chi a tha in a ring (bengchheng ) duh thin khawp mai.

Kum leh khuaa la awm ngai lo Yangon khawpui chhunga ZOFA zawng zawngte hminga Inhmuhkhawmna hun hlimawm tak mai tur chu naktuk hian ( Sorkar Holiday) English Methodist Biak in tual ah hmanho a ni dawn a ni. ( He Kohhrana an Bishop hi Zothanmawia a ni.) Thawhlawm khawn khawm a ni a, chumi hmang chuan Mas Urlawkna ( Inhmuhkhawmna ) Mizo RUAI chu hlim taka kil ho tum a ni.

Keini Sipai Pawl lama Zofa awm chhun te leh kan Senior Captain ( Tuna Chawl tawh ) Lianhlira te chhung nen kim taka Mas Ruai chu kil turin kan inbuatsaih a ni. Hei hian Rah tha tak a hrin chhuah theih ngei kan beisei a, Mihring lam tak pawha in unauna tha tak a nih theih kan beisei a ni. He tah hian sawihona leh Pathian biakhona neih a ni ang a, Mas pawh a remchan dan anga hmanho theih beisei a ni dawn a ni. Ka rindan chuan Yangon khaw chhungah hian Chhungkaw 100 deuh thaw kan awm a ni.

Yangon Zofa te chuan nangni lam aiin " Hlimna ni ropui chu a eng " kan ti hmasa dawn a ni.
Aw le, kan lamah chuan "Lalpian hun Pangpar a vul tan leh ta...." a mi chengte lah chuan an hre ve si lo....a khawhar thlak leh dawn mang e..

(Major Samuela langtlang mail a ni e... Dini)

TONIC SOLFA SONG BOOK WORKING COMMITTEE

Sawisel bo ni mah suh se, zankhaw tairek thleng thlenga kan buaipui lai nite kha, nghilh ni a awm dawn lo, a hmasa ber tur a ni si a.
posted by fela

LET US GO TO BETHLEHEM (Mizo version)

Commissioner Lalkiamlova IS

IHQ, London

Isua pian hma kum sangkhat lai tawhah khan, Samuela chuan (Lal Saula kha Pathianin a hnawl avanga hlau leh khur chungin), Jesaia fapa Davida chu, a thlahte atanga Isua a lo pianna tura lal atan hriak thih turin Bethlehem a pan a. Khuaa upate zawhna chhangin Samuela chuan, “Tha lam thu-ah ni e: LALPA hnêna inthawi tûra lo kal ka ni; intithianghlim ula inthawinaah lo kal ve rawh u,” tiin a chhang a. Chutah chuan lal atan Jesaia fapa Davida chu hriak thihin Isua pianna atan kawng a rawn sial ta a ni (I Samuela 16:1-13).

Berampute chuan, “Tunah Bethlehem khaw thlengin kal ila, Lalpan thu min hrilh lo thleng chu i en ang u,” an inti a. Tichuan hmanhmawh takin an kal ta a. Mari leh Josepha leh naute, ranchaw pekna thlenga mu chu an va hmu ta a. Beram vengtute chuan vantirhkoh hrilh ang ngeia engkim an hmuha an hriat avangin, Pathian chawimawi leh fak chung zelin an kir leh ta a (Lk 2:15-20).

Wlliam Barclay-a chuan, heng berampute hi Temple-a hlan tur beram thlan chhuah enkawltute niin a sawi a. Hei hi a dik a nih chuan, hun rei lo te chhung chauh mihringte sualna tlengfai thei Beram vengtute chuan an Beramte kalsana Pathian Beram No, mihring sualna zawng zawng kumkhua atana tlengfai thei chibai buk tura an kal hi thil mak a ni hauh lo. Lalpa fak chung zelin hlim takin an kir leh ta a. (The Daily Study Bible).

Bethlehema Isua pianna hmun nia sawi puk chu Pathian thu avanga zin leh khualpang zin sang tam takin kumtin an tlawh thin a. Bethlehem (Chhang In)-a Isua (Nunna Chhang) lo piang chuan tun thleng hian thlarauva riltamte hnenah nunna chhang a la pe reng a ni. Tlangval John Lennon-a chuan vawikhat chu zahpah lo takin Isua aiin kan hmingthang zawk lo ti mah se, hun rei tawh takah khan The Beatles ho chu an kehdarh tawh a. Member pahnih la dam zinga pakhat Sir Paul McCartney, Beatles-a hmingthang ber leh hlawhtling bera ngaih chuan, September ni 24, 2008 khan Isua pianna hmun a tlawh ve a. Tlawhtu dang zawng zawngte tih angin Church of the Nativity gate-ah chuan chibai buka kun chung ngeiin a lut ve a ni.

Bethlehem (Chhang Inah) Isua (Nunna Chhang) hmu turin kal ila, khawvelah remna thu puang chhuak turin Pathian fak leh chawimawi chung zelin i kir leh ang u.

translated & posted by fela

Tawngtaipui ngai -Col. kawli

Ka mail in hmu tha thei lo a nih ka ring a, ka computar a chiang lova, kan IT pa Punjab lamah beirual in a kal ve sia,, min han endik sak mai tur an hnaivai lova tun tum poh hi in lo hmu ngut a nge maw.

31 October khan Kawli lu na reh tha hlei thei lo avangin Breach Candy Hospital ah kan va entira, a Lu kha CT Scann an lo tia, ni 8 hnuah kal leh tur MRI tih a tul mai thei, an lo ti bawka, chutiang vel chu kan ni vea, min lo tawngtaipui thin turin Pi leh Pu ber te leh Thiante zawng zawng kan han sawm a ch eu, Pathian khawngaihna alo lan ngei kan beisei. 30 October atang kha chuan a mu bet tlat tawh lova, ngaihtuahawm lutuk tur chu a ni lo a nia.

(Tawngtaipui theuh ang u... Dini)

QUARTERS

THQ Staff Quarters constructed under the idea and supervision of the then Major Lalkiamlova, Field Secretary is still one of the best quarters in the Salvation Army of India Eastern Territory. This building is occupying by four families.
photo & posted by fela

SAMF

Dr. Richard CVLR Hlunan damdawi a chawh mek


Salvation Army Medical Fellowship (SAMF) chuan phur takin medical free clinic an buatsaih thin. Dr. Zairemmawii (Zerei) leh Dr. Estheri ten damlo an en.


Major Ropari TSAMF Secretary leh Tv. Samuela s/o Major Dengzika ten damdawi an lo pe zel a


Dr. K. Lalhruaitluanga pawhin uluk takin rawtsawmnute a lo check ve bawk.



Jakob Malsawmtluanga s/o Major Chawnglianthuama is checking the BP
posted by fela

Chikankata Chhungkua

Tun tum chu Chikankata lam thlalak thenkhat ka han post teh ang. Chikankata Salvation Army Mission chhungah hian Zambia ram pawn lam mi rawngbawlin chhungkaw 6 ngawt kan awm ve a. America, Australia, UK, Denmark, Sweden leh keini India ram atangtein kan ni. Nupa tuai thar takte kan nih hlawm avangin kan chhangchhe tlang theuh a. Pathian ram leh Army tana kan thahnemngaihna lamah erawh chuan thil engmah hi kan kawng daltu ni khawpa lian a awm lo thung. Kan inhmangaih tlang a, kan inkawm ngeih a, hlim takin hun leh nite kan hmang liam thin a ni. (Thlalakte hi lian leh fiah zawka en duh chuan a thlalakah click mai tur).

Tunlai hi Chikankata Spring season a ni a, pangpar mawi tak takin min hual vel a, rah tlan sava leh nungcha dangte tan pawh paradise a ni e. 'Tuahpui leh vau an vul leh ta!' a ni ber mai

Hei le! Ralhrat Sipai huai chhungkaute, khawvel hmun hrang hrang atangin an lo kal khawm e. Krista thisena tlan, hnehna hlado 'thuhmun' chhamtute chu

Kan chhangchhia, mahse kan duai lo. Heng kan fate hi kan hnaa kan kal hlanin nauawmtu fel tak tak ten enkawlin min pui thin

Khawlai lei charah pawh keini ang pa remhre tan chuan tui chenna tur a awm thei zel mai. Kan fate hlimna atan chuan 'siar lak' thlengin tih theih loh kan nei lo


Melissa & her Swedesh friend David


Kan antam huan, Mapuiin duat taka a enkawl, a chhumna tur tui a chhuan so hnua a sih, thlak leh hmangaih taka keini a pasal fanaute min hlui thin chu

Tomato huan pawh a tha narawh e, a thar tha hle a, kan eisen bak chu thenawmte kan sem hlawm thin. A hlim thlak hle - sem sem dam dam, ei bil thi thi apply hi

'Rah tha' - Isuan rah tha tak chhuah turin min tir reng si a

Zairemthiama Pachuau

YOUTH CONGRESS 2008

Barack Hussein Obama II

Kan ramah chuan USA Presidential Election a Barak Obama ( a pa Kenyan a nu American ) tlin an lawm nasa mai. Tukin zing khan Kenya President Mwai Kibaki chuan Obama hnenah lawmpuina a thawn a, naktuk khi National Holiday ah a puang nghal bawk. Keini pawh naktuk chu office kan chawl ve dawn.

Keifang a Corps Officer a ka awm lai khan Envoy Tlanga khan A.O eisiam thian hmelhriat nih pawh hi thenkhat chuan an chapo thu a sawi a. Envoy Tlanga thusawi chu kan ang khawp mai. Obama pa hi Kenyan niin USA ah lehkha a zir a, American nula nupuiah neiin Obama hi an nei a. Revaklo-ah inthenin Obama pa chu Kenyaah a rawn haw leh a, accident in a boral a. A nu pawh chuan pasal dang a nei ve leh bawk . Nu leh pa kara seilian lovin a pi ( anu nu ) enkawlna hnuaiah seilianin hetiang dinhmun hi a lo thleng ta a ( Inthlan hma lawk khan a pi chu a thi nge nge a , an la vui lo a ni). Kenyan mihang USA a cheng, USA khua leh tui nihna neitu President a thlan anih takah hian Kenya mite chuan an chhuangin an lawm em em mai a. A chhuanawmin a lawmpuiawm tak reng bawk a ni e.

(A ram mi tih takah Major Bula pawh a rawn che rang viau e... Langtlang mail ka rawn post a ni, a chanchin dang hre duh tan hetah -http://en.wikipedia.org/wiki/Barack_Obama . Dini)

SERANGIN SE RANG A HRING, SAKAWLIN SAKAWL A HRING

Kumkhat chhuak theuh theuh, sesion khat theuh theuh, kawppui neih kum inang theuh theuh siah chuan kan thianpa Zamlovate nupa hi kan tluk lo hle tih a rawn lang chhuak chiang leh ta. Kum 23 kalta kha chuan Fapa pakhat chauh an nei a, a laihruiawrh hming chu Timothy Lalhlimpuia a ni. A tukhum a phek hle a, mahse naute duhawm tak a ni thung. Tunah Tima hian Salvation Army Officer nih tumin Candidate a ni mek a, 2nd Contact Period thleng a kaltlang tawh. Timothy-a zawh hian fapa dang pahnih an neih belh leh.

Tima saptawng thiam hmasak ber chu 'where is the moon?' tih a ni. Tuna mi ang rual vel a nih lai khian saptawng ka zirtir a. 'Where is the moon?' tih chuan chung lam a en vat zel. Mahse, a saptawng thiam kha lantir tur chuan zan emaw, thla lan hun emaw nghah zel a ngai thung. Thla lan loh lai pawhin 'where is the moon?' kan tih chuan van lam a hawi vat zel tho va, kan hlimpui thin hle a ni. Kum 23 lai a lo liam leh ta reng mai.

Kan thianpa pakhat, 'visionery leader', Major (Dr) ST Dula chu tunah chhimbial commander a ni mek a, ka blog in en chuan an division centenary plan in hmu thei ang. Ani hi pa ropui leh rorum, taima leh tuang tichhah thei, thawm na tak a ni. Mizoram Media Evangelical Ministries (MMEM) a din a. Tunah hian Aizawl khawpui chhunga Cable TV Operator pathum chuan 24 hour an tichhuak a, Lungleiah pawh 24 hour an tichhuak bawk. District khawpui dangahte pawh tihchhuah mek zel a ni. Chhimlam pastor un pui puite pawh tunah chuan thianpa Dula thuhnuaiah an awm vek tawh a, nitin deuh thawin a hnen atangin thuthlung an rawn la thin niin an DYS chuan a sawi.

Rawngbawltu rila rah ngei atanga rawngbawltu dang lo chawr chhuak leh tur hi a hluin, Salvation Officer rawngbawlna chawimawitu tha ber a ni. SA Officer hna hi a tha nia... tiin sawi fo thinin, ni ve turin mi dangte pawh sawm thin mah ila...kan rila rahte ngeiin kan hniak hnung an rawn zuina hian, mite thinlungah thu a sawi ring zawk thin. posted by Fela

Youth congress thlalakte an hmuhnawm hmel vei nen a fiah lo tlat a, ka tifiah thiam si lova. Tih that dan a awm em aw.

YOUTH CONGRESS 2008 PANDAL

YOUTH CONGRESS 2008

Chawngte Corps Songster. Chawngte-ah hian Pu Lalramhluna (Tea) SDO (PWD) chu ava awm avangin Youth Congress-ah pawh bus hmangin an lo kalo theih phah.

SALVATION ARMY YOUTH CONGRESS 2008

Welcome Greeting performed by Aizawl Bazar Corps

Youth Congress 2008 Welcome Greeting by Aizawl Bazar Corps

NEVER CHANGE

Pu Kiamlova and Kawki, Year 1981.

Mihringte danglam chakzia hi chu thlalak atang hian a hriat ve theih khawp mai. Keimahni chuan kan la ngai reng emaw kan intih laiin, kan lo danglam nasa em em thin a ni. Mahse, hun rei tak kal tawha kan thlalak te, kan incheina te, kan hair style pawh kha a nalh lo a ni miah chuang lo. A hunlai kha chuan kha aia nalh kha a awm chuang lo.

'Kan dang thin Isua a dang lo a hming ropui se' tih hla hi a dik khawp mai. Keini chu minute khat lek chhung pawhin kan danglam hman thin. A hmaa hlim nui bawk bawk kha, a hnu lawkah kan tum leh bur thin a. A ka pawh zen ila min seh lovang tih khawpa awm kha, ha chang kan thial leh mai thin. Hmanni lawka naute kha a lo nula a, pasal a nei a, chhangchhe nu a lo ni ta mai. Tlangval engtawl tak khan nupui a nei a, chhungkaw eizawngtu a ni ta mai bawk.

Second tinah hian keimahnia thilnung (cell?) nuaih tam tak a thi reng a, a piangthar reng bawk a. Dr. Thiama pawhin thalai nih reng tum mah se a thei lo angin, second tin hian upat lam leh tar lam chu kan pan zel mai zawng a ni e. Mahse... kan rilru erawh hi chu a thang muang bik niin ka hria. Tunah pawh hian ka kum ai chuan ka rilru chu a la naupang zawk daih mai.

Ka rilru chu la thalai hle mahse 'tukverha dak nute an thim' tan tawh a. Rilruin la zuam hle mah se, 'A ni, a sâng chu an hlau va, Kangah hlauhawm a awm a (Thuhriltu 12:5) tih dikzia ka hre ve tan ta. Youth Congress inbuatsaihnaah stage kan chei a, ka lawn ve chhin a, ka rilruin a zuam ang ngawt a nih lohzia ka experience chiang hle. A! Thalai emaw pawh inti mah ila, luah vaiumkhal thing a par tawh miau a ni. Mahse, heti chung hian la tar mai chu ka tum lo thung.

Ringtute chuan danglam ve ngai lo Pathian an ring a. Ringtu tisa chu lo awngrawpin, lo chau tial tial mah se, a rina erawh chu a ngai reng a, a rinna pawh a nasa talh talh thei. Khawvel thil taka zawh a, thlarau taka chhan tur zawhna thenkhatte chu:-

1. Khawvela chak ber engnge?
= Tawngtaina (Tar chak lo te tawngtaina pawhin thil a tithei em em a ni)
2. Khawvela electric wire sei ber?
= Rinna (Rinna avangin ringtu leh Pathian chu an inzawm a, ringtu hnenah enna a rawn thlen)
3. Khawvela tuipui thuk leh zau ber engnge?
= Hmangaihna (Hmangaihna tuipui thuk leh chhandamna zau)

Danglam ve ngai lo, thusut ve ngai lo Pathian kan nei hi a vanneihthlak tak zet mai. Chutiang Pathian chu ni ta lo sela chuan, kan mamawh vanglai takte hian biak thlawn hun kan ngah thin khawp ang le. posted by Fela 31.10.2008

Thalai

Hei tunah Capt. Dini zarah luanliamna hmun tha tak mai kan han nei ta a, hla phuah lam timi takte in lo awm zel bawk nen, a hlimawm dawn hle mai. Nangni pi leh pute angin hlaphuah lam kan timi chiah si lo a, ka article The Young Salvtionist 2000-a chhuah tawh kha, min tuaithartu atan ka rawn post ve e.

T H A L A I
Thalaiten kan hreh em em chu ‘upat’ hi a ni. Kei chuan upat hrim hrim hi ka hreh lo. Ka kumte chu Mathusela kum zat hial pawh lo ni rawh se, ka lungngai lo. Ka luruh chhunga ka thluakin hneh tur leh harsatna hmachhawn thei tura huaisenna a la vawn chhung chuan, ka lu-ah kelsam lo tovin, ‘tar chhia’ min ti mahse, ‘hluihlawn thil’ nih chu ka tum bik lo. Ka thlarau mitin ka hma hun thim tak kara eng de set set a hmuh theih a, beiseina min thlen theih chhung chuan, ka tu leh fate hre hrang thei lo khawpin ka mit khawhmuh fiah tawh lo mah sela, chu eng thleng thei lo khawpa ka tluk sawp mai bik chu ka ring lo.

Ka kut chu ‘tanpuitu kut’ a nih a, ka ke chu thil tha tihna kawnga a la pen chhet chhet theih chhung chuan; ka vunte lo zurin ka kut leh keah te chuan tisa bet tawh lo mah sela, chungte chu ka kum rangkachaka malsawmna ka dawnah ka ngai ang.

Thalai intiin ka sam chuan kum 15 chhung chauh ni eng la hmu rih mah sela, harsatna hmachhawn thei tura ka thluak finna hmanga huaisenna ka paw chhuak thiam tawh lo a nih si chuan mi hman tlak loh ka ni ang. Ka thlarau mitin inlarna leh beiseina eng a hmuh fiah theih tawh loh chuan, ka mit naute chu vur angin var mah se, khawvela mi bo ka lo ni ang. He nunkawng chhuk chho ka zawh laia ka hna chanpual ka hmachhawn ngam lo a nih chuan, ka kut leh kete chu thahruiin zam khat vel mahse, mi dawizep bera chhiar ka lo ni ang. A ni, mawhphurhna hmachhawn ngam lo, nuam hlir duhna vanga dawidim hmang thin thalai tam tak, chakna leh duhawmna hloh ta an va tam em!!

Thalai chu tunge ni ta ang le? Mi, rilrua chakna, huaisenna leh beiseina vawng nung rengtu chu a ni, Thalai chu.

(The Young Salvationist October 2000)

~Zairemthiama Pachuau

Hla phuah

Nichinah khan 'hla phuah reng reng chuan kan Pu endik hmasak phawt tur a thawn tur' tih kha ka han ziaka, mahse Hei Major Bula'n a hla phuah , a solfa nen min han thawn hmasa tlat maia, a solfa hi ka chhu chhuak thiam ta lova, mahse insa thiam ang " Halleliah aw Haleluiah Amen" tih kha ni maiin ka hria.

Kan Pu hi naupan lai atanga thil tha mi tih hmuh ching a nia, naya pawisa sen(red) te tak te te chi kha a khawl teuh maia, thum khat aia tam, ka tih ve phaha, mahse kan khua a motor alo luh tan tirhin mi tute emaw hian ' khatiang naya pawisa sen kha motor ruih hian hmuam ila a ruih theih loh" an lo tih pek avangin ka sem zo ta. Hei hi Major Bula hla phuah chu a ni a, a tha hle mai:-


Kan rual awhna fo Bible mithiam neih ve,
Thian an A thai hruaiin a zuk zir a;
A lo ti mi ngei e zir zawngte zingah
A chung lur lur e result tinah.

A chhing ngei ang aw, a chhing ngei ngei ang
Lo zir tawh zawng zawng hman a mi ho te;
Khalh ka nuam e i hrilhfiahna bu siam te
Kan hlimpui ngei ang tih ka ring tlat.

Hmanah chuan in BD leh hla phuah thiam hi
Mi tihtur emaw ka lo ti thina,
Tunah erawh kan ta alo nih zia
Ka chiang ta ngei e, thian te zarah.

A zir loh te pawh hi athiam zela
College sport ah medal ala teuh,
A fit dawn ngei mai zirtirtu atan;
Training College ah an dah ngei ang.

A tha hle in ka hria a, hetiang a nih a hla phuah lam kan ti dawn a nih rau rau chuan, kei pawhin ka ti ve lovang tih ka sawi thei lo.

-Colonel Rama

(Langtlang ka han post a nih hi... he blog hi hman tangkai kan tum dawn nia... Dini)

My confession

Unaute u,

Part of the book of 'A Living Hope' kan share ang che u,

Kan Taxi chuannaah chuan mi 10 chuang lai kan ni a. Kan thlenna turah min dah zel a. Keini nupa chu a hnuhnungber dawttu kan ni a. Kan thlenna turah Motor a kal theih loh avangin Damaska gate-ah min nghat a, han kal mai na tur lam kan hriat loh avangin kan han hawi hai deuh rih a. chutih lai chuan kan Taxi chuanna pawh chu Traffic-ah a la ding ve a. Traffic a clear a, a tlan liam chiah tih ah Ka naute, ka Laptop Computer ka theihnghilh a ni tih kan hre chhuak a nih chu. Han um ruai ruai mai tak ka nap a. Mahse a kalna lam tur pawh kan hre si lo. Hotel panin rilru nuam lo teuhvin kan kal ve a.

Police ah ka tlan, Taxi Office ka zawg. A tawpah Taxi Office ka hmu ta a, vanneihthlak takin kan Taxi chuanna number ka lo chhinchhiah hlauh va. An Office duty chuan min han phone sak a. Kai tawi ang, Tlaiah kan len hawn chuan kan Hotel receptionist Sophia chuan hei tiin a lo khai va a, ka lawm teh asin. Tawngtaina chhangtu Pathian hnenah lawmthu kan sawi.

Lalkiamlova

What is the Salvation Army

Raised up by God, The Salvation Army is a worldwide evangelical Christian Church with its own distinctive governance and practice. The Army's doctrine follows the mainstream of Christian belief and its articles of faith emphasise God's saving purposes.

Its religious and Charitable objects are 'the advancement of the Christian religion... and, pursuant thereto, the advancement of education, the relief of poverty, and other charitable objects beneficial to society or the community of mankind as a whole.'

The Army was founded in London, England, in 1865 by William and Catherine Booth and has spread to many parts of the world. (from the year book 2008)